الموضوع: حافظ على الفتيس الاوتو

بسم الله الرحمن الرحيم

ان شاء الله هاقولكم على ازاي نقدر نحافظ على فتيس العربيه الاوتو و نعمله الصيانه اللازمة عشان نحافظ عليه اطول فتره ممكن

1- طريقة الاستخدام
2- الصيانة الدورية


1- طريقة الاستخدام
طبعا لازم نستخدم الفتيس صح عشان نحافظ عليه اطول فتره ممكنه
لا تقوم بالتغير من D الى R او العكس الا و السيارة في وضع الثبات التام
لا تقوم بوضع P الا و السيارة ثابتة تماما
اذا كان الباركنج به منحدر لا تقوم بتعشيق الP وضعها على وضع المور و الهاندبريك فقط
لا تستخدم الكيك داون الا اذا احتجته فقط مش عمال على بطال






2- الصيانة الدورية

الزيت ثم الزيت ثم الميكانيكي

اهم حاجة ان اللى يتشتغل في الفتيس يكون بيفهم فيه مش اي ميكانيكي يعني تغير الزيت عند الميكيانيكي مش بتاع الزيت او في البنزينة لانه هايغير الفلتر كمان بالمره

- تغير الزيت في ميعاده و حسب ارشادات الكتيب و يفضل كل 30000 و يتم استخدام الزيت الموصى به من قبل المصنع معظم الكتيبات بتقول 60000
و طبعا بلاش نسمع كلام الناس اللى بتقولك زيت الفتيس بيتزود بس مابيتغيرش
- تغير فلتر الزيت
- تغير سيلك الكيك داون و رجلاش سليم يخلى النقلات من 2000 الى 3000 RPM
بعد سؤال عدد من الناس اللى اشتغلوا في الفتيس الاوتو اتضح ان السلك ده بيعمل مشاكل لو ماترجلش صح او ماتغيرش حتى لو شكله سليم
التكلفه الاجماليه بسيطة
يعني مثلا الفتيس 4 لتر زيت متوسط سعرهم 72 جنيه
فلتر زيت 85 جنيه
سلك كيك داون 45 جنيه
مصنعيه 25 جنيه
يعني اجمالى 225 جنيه يعني تقريبا كانك بتغير زيت للمكنه و بعدين دي بتبقى كل فتره يعني 30000 كلم مش قليلين برده و اعتقد ان المبلغ مش خساره في ان الواحد يحافظ على الفتيس

و ان شاء الله لو عرفت حاجة تانيه هاقولكم عليها

المشاركة الأصلية كتبت بواسطة amah_totala

الف شكر على المعلومات
بس لو سلك الكيك داون ما اتغيرش ايه العيوب اللي نحس بيها

ممكن ينتش الفتيس معاك

ده غير اللغبطة في النقلات يعني تلاقيه ينقل مره على اربي ام عالى ومره واطي
ده غير صوت النقله اللى بيعلى و بيعمل زن