الموضوع: خلااااااااااااااااااااااا ااااااااص جبت أخرى، هو أنا عجيبة الدنيا التامنة؟

المشاركة الأصلية كتبت بواسطة wawoo

انت بتعمم لية, انهى ناس اللى مش متقبلة واحد بشمسية , الرجل بيتكلم عن واحد بس , مش ممكن تعمم كدة ,طبعا فى ناس بتفكر بطريقة مختلفة و فى ناس بتتقبل فكر جديد و انا واحد منهم مثلا , لية التعميم و كاننن عشين فى وسط متخلفين , و دة مش صحيح بالمرة , انا اصدقائى كلهم زى , ناس بتفهم و بتتبتكر و بتبدع كمان , انت بس اللى يظهر ساكن فى عشوئيات ولا اية مش فاهم ,
قطيع اية و بتوع اية ,كل دة عشان واحد علق تعليق على شمسية لية يعنى.
و بعدين لم انت زعلان كدة ما تفرجنا الابداع يكون شكلة اية و تكون قدوة لغيرك وتحاول تصلح من اللى حواليك بدل ما انت عمال تحدف اتهمات كدة يمين و شمال .
انا عايشت فى مصر و اتعلمت فى مصر و كبيرت فى مصر و جالى فرص بالهبل للدول العربية و مسفرتش و لا روحت فى حتة تانية , و اتعلمت احسن تعليم و شغلى منشور على مستوى العالم و كل دة من مصر ,صحيح ان الطريق مكانش مفروش بالورد و الواحد مر بعقبات كتيرة بس معليش الواحد لازم يستحمل شوية و مافيش حاجة بتيجى بالساهل .
ايوة مصر فى ناس على قدها و ناس ملهاش حظ من التعليم و فى نسبة جهل و نسبة امية موجودة , بس دة مش معناة ان كل المصريين كدة , فى ناس كتير مبدعة و فنانة و مثقفة و مطلعة على احدث حاجة ,والمصريين الموهوبين معروفين فى كل المجالات .
و الخبرات المصرية دلوقتى بتطلب فى كل مكان فى جميع المجالات , بلاش التشائوم و الاحباط دة اللى مش حيوصل لحاجة دة .

مصر احسن من غيرها كتير و بوصو حوليكو كدو و شوفو الفوضى اللى فى فلسطين و لبنان والعراق واحمدو ربنا على النعمة اللى احنا فيها , و نحاول نحافظ عليها و اللى يقدر يبتكر او يخترع او يفكر يتفضل , دى بلدنا لازم نكون اكتر ناس خيفين عليها و بنحافظ عليها , اولادك و اولادى حيكبرو و يعيشو و يتعلمو فى البلد دى , انما نقعد نجلد فى نفسنا عشان كام واحد متخلف او جاهل او حرامى ونقعد نقول هى البلد كدة و احنا كدة , دة غير صحيح , فى شرفاء كتير و فى علاماء كتير و فى مبدعين كتير , انت بس اللى مش واخد بالك بس عشان لابس نظارة سودة شايف بيها كل حاجة كدة .

مش عارف بس حاسس ان ردك قاسى بعض الشى على الاخ صاحب المداخلة.

حاجة تانى انا متفق معاك ان مش كل المصرين متخلفين ولا رجعين ولا ولا ولا ...

بس نسبة الناس المتحضرة... للناس الغير متحضرة قد اية ... اعتقد الفرق كبيييييير...

وصدقنى التحضر والوعى الفكرى كتير جدا مابيكونش لية اى علاقة بالمكان الى انتا ساكن فية .. ولا حتى بتعليمك ... بس بالدرجة الاولى التربيةةةةةةةة وشخصيتك الى انتا اكتسبتها مع الوقت من تعاملك مع الناس الى حوليك .

حتقولى ابدأ بنفسك ........... انا وانتا وغيرنا كتير بيبدأو بنفسهم ومع كتر المواقف الى بيقبلوها .. ويعرفو ان تصرفهم الصح دة يعتبر غلط وسط الاغلبية الى عايشين بعكس المنطق ... بيجيلو احباط ويأس .... ويوصلل لمرحلة الاخ الى انتا هاجمتة ويحاول يطلع كبته فى الكتابة .

ممكن يكون كلامى انا غلط .. واحتمال يكون كلامك انتا غلط .. والله اعلم

ومش حزود اكتر من كدة .:)