خلااااااااااااااااااااااا ااااااااص جبت أخرى، هو أنا عجيبة الدنيا التامنة؟

**memo_hefnawy** · 29-01-2008 11:01 AM

محمد باشا أنا لو تخيلت المنظر ده هاتأكد إنى سوف أصاب بنزلة برد محترمة أرقد فى السرير بسببها 5 أيام ولا حاجة

تسألنى بتكره ليه فصل الشتاء هاقولك :
--
1- المطر = عطله + عدم نظافة للعربية و للهدوم و لكل حاجة + طينه و عكة أنا عدو عدم النظافة
2- برد = إنفلونزا + زكام + رشح + سخنية + رقدة تحت الغطاء
3- مفيش شمس جو كئيب من وجهة نظرى

أنا أحب الربيع و الصيف و أكره الشتاء و الخريف

**NaderNabil** · 29-01-2008 11:13 AM

المشاركة الأصلية كتبت بواسطة memo_hefnawy

أنا أحب الربيع و الصيف و أكره الشتاء و الخريف

أوافقك يا محمود في هذا الرأي...أنا عدو الشتاء و التكتكة و اللسعة بتاعت البرد و الكلفتة و البس 6 طبقات فوق بعض:D
أنا من الاخر بحب أقلع:D:D..محبش أبقي لابس لبس كتير...بتخنق!
بس المشكلة في الصيف انك هتفضل تقلع لحد ماييقاش فيه حاجة...و برده حران...انما الشتا هتفضل تلبس تلبس تلبس لحد ما تدفي:D

**mido777** · 29-01-2008 11:25 AM

المشاركة الأصلية كتبت بواسطة memo_hefnawy

محمد باشا أنا لو تخيلت المنظر ده هاتأكد إنى سوف أصاب بنزلة برد محترمة أرقد فى السرير بسببها 5 أيام ولا حاجة

ايام المدرسة كنا بننزل البحر فى التوقيت ده من السنة .... يمكن علشان كده خدنا مناعة ضد البرد والكلام دة .. انا تقريبا (الحمد لله) بقالى اكتر من كذا سنة مبجليش برد او انفلوانزا او الكلام ده

تسألنى بتكره ليه فصل الشتاء هاقولك :
--
1- المطر = عطله + عدم نظافة للعربية و للهدوم و لكل حاجة + طينه و عكة أنا عدو عدم النظافة

انا معاك فى النقطة دى بالنسبة للعربية- بس انا بستمتع لما اجى اغسل العربية فى محطة البنزين وبتكون ايدى معاهم او ساعات بغسلها انا لوحدى بمزاج بس لما بكون فى الكنج مريط

2- برد = إنفلونزا + زكام + رشح + سخنية + رقدة تحت الغطاء

الحمدلله انا مقاطع الكلام ده بقالى فترة كبيرة (اللهم دمها نعمة)

3- مفيش شمس جو كئيب من وجهة نظرى

اسكندرية حاجة تانية الجو ده بيليق عليها

أنا أحب الربيع و الصيف و أكره الشتاء و الخريف

الأربعة شغالين معايا جاد بس يمكن الربيع هو اكتر فترة بحبها

.................................................. ..........

**Xpert** · 29-01-2008 06:59 PM

هههههه يا باشا الشمسيه دي اختراعات لسه ماوصلتش مصر .. انت زعلان يعني عشان انت شيل شمسيه و كده ( احب اقول ان انا كنت في سويسرا برضه مابتحركش من غيرها) المهم يا سيدي ..
انا جيت من سويسرا علي بني سويف .. من عز التقدم لعز التاخر .. المهم يا سيدي اخدت علي المرمطه ( بما ان الوالد يمتلك اراضي زراعيه و كده) فاصبح الارض شغلتي التانيه .. و دلوقتي بقت الاولانيه كمان .. ما علينا)
ماشي في الشارع .. الجو برد بضمير يعني .. يعني انا كنت لابس 2 بلوفر هاف كول فوق بعض .. و فوقيهم قميص و جاكت .. و ماشي في الشارع .. ابص الاقي ايه ..
واحد ماشي بجلابيه .. الجلابيه علي اللحم و فاتحها كمان ! .. الناس هنا مختلفه عن البشريه اللي نعرفها اللي بتتاثر بالبرد و اخترعوا البلوفرات عشانها .. و اللي بتتاثر بالمطره و اخترعوا الشمسيه عشانها .. عادي يا عم ... يبقي انت اكيد في مصر ! ..
المهم انت خللي معاك الشمسيه .. و اللي مش عاجبه يولع ;)

**OlaOsman** · 29-01-2008 07:45 PM

هو بس الناس هنا بيبصوا للمختلف على انه عايز يتمنظر او يلفت النظر.. و الشباب عموما تحس انهم واخدين الحياة بالدراع.. آل يعني احنا شباب و ما بيهمناش المطرة و الكلام الفارغ ده.. مع انهم برضه في الآخر بشر و اللي يسري على غيرهم من برد و انفلونزا و كده ممكن يسري عليهم برضه.

اما المعضلة الكبرى في الشارع المصري هي الحرية الشخصية.. انا حرررررررررررة عايزة أفتح الشمسية حتى و لو الدنيا مش بتمطر.. حد له عندي حاجة؟