السلام عليكم..
الموضوع محتاج حد خبرة في شئون كهربة السيارات.. علشان انا دلوقتي مش عارف..سألت محدش افادني..
المشكلة: العربية وهي دايرة وعلي السلانسيه.. بتبقي كويسة جدا..
اول لما مروحة التبريد بتشتغل او لما اشغل الانتظار او لما اشغل النور العالي وانا واقف.. ايه اللي بيحصل...
كهربة الموتور بتقل.. باحس ان الموتور بيرج شوية زيادة.. وفيه زنة كده.. هي الزنة دي طبيعي انها تحصل بس مش بالشدة اللي بتحصل عندي دي..
الحلول اللي اتقالت ليا:
البطارية.. لأنها كانت بتخرف كده.. غيرتها ومفيش فايدة..
كابل الأرضي عملت كابل ارضي تاني تخين اكبر من الاصلي ووصلته معاه علي التوازي..
الحلين دوي معملوش حاجة.. والمشكلة زي ما هي..
هل ممكن تكون من البوبينة..؟؟ علي اساس انها بتأثر علي كهربة الموتور نفسه..

افيدونا افادكم الله..