الموضوع: بخصوص كهربة كورسا 97

أستاذ أحمد بطاريتك القديمه كانت كام امبير ؟ :)

والبطاريه الجديده نفس الامبير ولاا اعلي ولاا اقل ؟

البوبينه لائما تشتغل لائما متشتغلش .. لائما تشتغل شويه وتسخن وتفصل .:o

وشكرا

بص ، هو كلامك ده معناه ان حمل الدينامو تقيل على الموتور وليس معناه ان عندك مشكلة فى دايرة الإشعال

وعلشان تتأكد من الكلام ده اعمل اختبار بسيط جدا، لما تشغل الأحمال الكهربية وتلاقى الموتور رجرج، ادى العربية سنة بنزين خفيف لحد ما توصل لسرعة السلانسيه العادية بتاعتها، لو لقيت الرجرج راحت يبقى كل الموضوع ان الموتور مش قابل حمل الدينامو

علشان تعرف ايه سبب التحميل ده هنعمل اختبار تانى، حضرتك مشكورا هتشترى افوميتر من ابو 20 جنيه من اى محل ادوات كهربائية ، او تستلفه من اى حد، واظبطه على فولت دى سى وقيس الفولط بين طرفى البطارية والعربية مبطلة، والعربية دايرة سلانسيه بدون تشغيل احمال، والحالة التالتة والعرربية دايرة مع تشغيل الأحمال الكهربية والحالة الرابعة لو العربية مبطلة(المفتاح على On ولمبية الزيت والدينامو منورين) والأحمال شغالة
المفروض ان البطارية تديلك حوالى 12 فولت او اعلى شوية والعربية مبطلة ومافيش احمال، وتديلك اعلى شوية من 12(13 الى 14) والعربية دايرة ومافيش احمال، وتديلك 12 او اقل حاجة بسيطة والعربية دايرة وفية احمال، و11 مثلا لو العربية مبطلة والاحمال شغالة

لو الفولت نزل لحد 10 او اقل والعربية مبطلة والأحمال شغالة لكن فى نفس الوقت محافظ على انه 12 والعربية دايرة والأحمال شغالة يبقى البطارية قليلة على الأحمال اللى عندك هات بطارية اكبر

لو الفولت نزل عن 12 والعربية دايرة والأحمال شغالة فى حين ان قرائته كانت معقولة والعربية مبطلة والأحمال شغالة حتى لو زودت بنزين يبقى الدينامو ضعيف

لو كل القراءات معقولة يبقى مشكلتك ان كمية البنزين اللى داخلة للموتور فى السلانسية مش كفاية ودى عادة بتتحل بأنك تنضف الكاربراتير لو عربيتك كاربراتيك، او تنضف الرشاشات لو عربيتك حقن الكترونى، وترفع قيمة السلانسيه شوية

الله ينور يا سبعاوى - بس لو انا قيست ولقيت الفولت أقل من المطلوب دة معناة أن البطارية فيها مشكلة ولا لاة