العربيه كانت هتولع !

**maro2007** · 08-05-2010 05:04 PM

تصدق مجاش فى بالى خالص حكايه الشرخ ده
والحمد لله ان العربيه بقت تمام وكل حاجه رجعت زى الاول

بس اهم حاجه اليومين الحر دول كل شويه خد بالك من عداد الحراره

وشكرا ان انتا عرفتنا معلومه جديده ..

**mahamedaraby** · 08-05-2010 05:33 PM

الحمد لله انها جت سليمه وباقلل الخساير

ولازم لازم فى العربيات يبقى فيه لمبه للحراره تبين اذا كانت الحراره ازيد من اللازم علشان مفيش حد بياخد باله من مؤشر الحراره

**hobaz** · 08-05-2010 05:35 PM

الحمد لله على سلامتك وان العربية بخير وشكرا لنقل التجربة وربنا يحفظك ويسلم طريقك...

**Ralliart** · 08-05-2010 07:01 PM

شكراً لكل اللي ردو
وانا فعلاً مستغرب ازاي ميعملوش انذار صوتي للعربيه لما الحراره تزيد ؟؟ فالحين بس يعملو انذار للسرعه!!

**khaled_sabry** · 09-05-2010 09:39 AM

المشاركة الأصلية كتبت بواسطة ralliart

شكراً لكل اللي ردو
انا نزلت سألت على حد بتاع راديتير وصفولي واحد اول ما ركنت قدامه راح قايلي ايه العمه اتكسرت ؟؟
وطلعت المشكله دي موجوده كتير وهي ان العمه البلاستيك اللي على الراديتير من فوق اللي بيركب فيها الغطا وبيطلع منها الخراطيم ،بتتكسر في معظم العربيات الحديثه وفعلاً اول ما فكها لقيت فيها قطع طوله حواي 7 سم من عند الشفه بتاعتها ومكانش باين مكان التسريب علشان الشفه متعشقه في الالمونيوم بتاع الراديتير ،والحمد لله كانت عنده وغيرتها بـ110 جنيه

تقصد بالعمه اللى بيركب فيها الغطا ؟؟؟ انا اعرف ان اسمها الزور بتاع الريداتير
بس دى عندى نحاس ... و يتهيألى انها ماينفعشى تتعمل اى حاجه غير معدن لأنها بتستحمل الضغط و كمان حركة اليد علشان كل شويه بتفتح و تقفل الغطا
و اصلا الريداتير كله ماينفعشى تبقى فى اى مكون غير معدنى علشان يستحمل الضغط و يعمل تبادل حرارى افضل ... انا بقول كده علشان موجود فى عربيتي القديمه ( من ايام الفراعنه ) و المفترض ان فيه تقدم و الدنيا بتبقى افضل مش يتقلب النحاس لبلاستيك ؟؟؟
ياريت بجد لو حد عارف السبب يقولى ؟؟؟
وبعد كده ازاى الراجل يبيعهالك ب 110 جنيه ؟؟؟ غاليه جدا عليها من وجهه نظرى