موضوع جمبل جدا جزاك الله خيرا على مشاركتك لينا المعلومات دى كلها
ليا سؤال بخصوص المشايات الممغنطه كنت شفت اعلان ليها فى التليفزيون يا ترى دى ايه نظامها؟
عرض للطباعة
موضوع جمبل جدا جزاك الله خيرا على مشاركتك لينا المعلومات دى كلها
ليا سؤال بخصوص المشايات الممغنطه كنت شفت اعلان ليها فى التليفزيون يا ترى دى ايه نظامها؟
مشايه مانيوال عاديه خالص بس بتتقل وبتتخفف
ببكره كده
المهم انها مانيوال ومتعبه
السلام عليكم
الف شكر استاذ صبحي على المجهود الرائع
بجد افضل موضوع اتكتب عن المشايات في المننتديات العربية كلها
جزاك الله كل خير
انا عندي كام سؤال بعد اذنك
عايزة اتأكد من سعر المشايتين 8625 و 8618
و يا ريت توضح لنا اكتر العلاقة بين اقصى وزن للمشاية و اقصى مدة تشغيل متواصل
احنا عايزين المشاية لينا في البيت لاستخدام 4 اشخاص الاوزان من 85 لحد 115
فطبعا على الاقل هتشتغل ساعتين في اليوم، بس برضه محتاجين بعد مدة كل واحد يزود مدة التمرين لساعة مثلا
فيا ترى اي نوع يكون مناسب لينا اكتر
و انا شفت على الموقع صورة حزام المساج ده، فيا ريت تقولي سعره عندكم و بلد الصنع
http://www.abouelgoukh.com/images/massager/1.jpg
السلام عليكم و رحمة الله و بركاته
أستاذ / صبحي - أنا داخل مخصوص علشان أشكرك
أولا : علي المقابلة الجميله عند ذهابي للشركة لشراء المشايه
ثانيا : علي المندوب اللي أرسلت معه المشايه فهو محترم و قام بشرح كيفية تشغيل المشايه و صيانتها بالأسبراي بالتفصيل و رد علي كل أستفسارتي بخصوص التشغيل .
و أخيرا بعتذر ليك علي التأخير في المشاركة و ذلك لأنقطاع النت عندي من ثلاثة أيام و أنا سعيد أني أتعرفت علي شخصية محترمة مثلك
عفوا يااستاذ حمزه لا شكر علي واجب انتا راجل محترم وانا اتشرفت بمعرفتك
:)
استاذ صبحى اشكرك على كل المعلومات المفيده التى استفدنا منها كثيرا وجزاك الله عنها خير الجزاء
عندى استفسار بخصوص المشايع الكهربائيه الموجوده فى توكيل ابو الجوخ :
1-هل فيها امتصاص للصدمات ام لا
2-اريد شراء المشايه ولكن بالقسط وارجو ان تدلنى على الموزع وعنوانه لكى اشتريها منه
3- الفرق بين الطرف الخشب والالمونيوم وما الفرق بينهم
4-ضيق السير يسب مشاكل اثناء الجرى
السلام عليكم ورحمة الله وبركاته
بجد انا مش عارفه اشكرك ازاي يا استاذ صبحي علي ذوقك ومساعدتك
جزاك الله خيرا المشايه تحفه كل ما تخيل اننا كان ممكن نتدبس في مشايه صيني لولا موضوعك ده جزاك الله خيرا
والبشمهندس بيبلغك خالص شكره لذوقك وان شاء الله هو هيشترك ف الموقع ويشكرك بنفسه واي خدمه تتطلبها من قناة النيل للرياضه تحت امرك
بعتذر عن تاخري في الرد
العلاقه بين اقصي وزن واقصي مده تشغيل
ان الموتور ليه قدره تحمل معينه يقدر يستحملها
بعد كده يبقي اوفر عليه
هوا قدرته النهائيه 120
اللي يقدر يشتغل بكفاءته الكامله عليها
لما انتا بتحمله وزن اتقل بشويه زياده مش حيحصل حاجه
بس لازم نقلل من الوقت المتواصل عليه عشان ميبقاش زياده في التحميل عليه
بس كده
اما بالنسبه لانكو كتير فلاحظ ان اعلي وزن عندك 115
وحيخس
اذا كلا الجهازين مناسب ليك لانهم نفس الموتور
قوه واحده وجهد واحد
يفرق في عرض السير فقط
فلما تشرفنا بالزياره ان شاء الله تشوفهم عالطبيعه وتعرف الفرق
اما بالنسبه لحزام المساج فموجود فعلا
وصناعته تيواني
وزي ما ذكرنا قبل كده انه لا يعود علي الجسم شئ من استخدامه كتخسيس
انما هوا مساج فقط
استاذ صبحي ازيك؟؟
انا سجلت في المنتدى مخصوص عشان الموضوع ده ولاني لاحظت بأن حضرتك خدوم ما شاء الله
ومتابع لاستفسارات الاعضاء ربنا يجعله في ميزان حسناتك ان شاء الله.
انا كنت عايزة اجيب مشاية كهرباء تعيش
انا وزني مش كبير انا 58 واقصي حد ممكن يستخدمها هيكون وزنه تقريبا 75 فـ مش محتاجة حاجة تشيل اوزان عالية
بس عيزاها تعيش يعني لأني هستخدمها كتير وعيزاها تنفعني بعد كده مش سنة وتفتح بؤها.
وعايزة اعرف ايه المشاية اللي تناسبني عشان الانواع كتير بصراحة ومحتارة
اعتقد 8608 حتبقي مناسبه ليكي عشان تعيش معاكي
انما لو خدتي الاقل من كده موتورها قليل ومش حتعيش معاكي كويس
متابع باهتمام
ياريت كل واحد فينا يتوسل الى الله سبحانه وتعالى بالاعمال الصالحة اللى عملها ان ربنا يزيح عنا هذه الغمة ويحمى بلدنا من الفتن
اللهم امين يارب
معلش يا ميكي ممكن تديني مواصفاتها وسعرها والكلام ده
عشان انا معنديش اي خلفية
وانتو شغالين دلوقتي ولا ايه؟
استاذ الفاضل صبحي
انا اشتريت من عندكم من حوال شهر مشاية 8608
بس عوزة اسئل المفروض الاسبري ارشة تحت السير بعد تنظيف الاتربة؟؟؟ صح ؟؟؟؟
و ارش كل اد ايه هل اسبوع ولا اسبوعين ؟؟؟ و هل رشة واحدة تكفي انا خيفة اكتر تحصل مشكلة؟؟؟؟
1- الف مبروك
2- بعد ما تنضفي تحت السير ترشي
3- الرش كل 3 اسابيع
4- الموضوع مش رشه او رشتين كل الفكره انك وانتي بترشي بترشي بطول الخشبه اللي تحت السير الخشبه دي المفروض ولا تبقبي ناشفه ولا تبقي غرقانه سبراي
لا
وسط
يعني في اثر سبراي
انتي قدريها بقي وشوفي حتاخد كام رشه
السلام عليكم
اولا شكرا جزيلا على الاهتمام .. انا سجلت عشان اسئلك و ما شاء الله عليك جوبت على كل الاسئلة
جزاكم الله خيرا جدا
بص بقى انا مش همشى غير لما اسئل طبعا و معلش استحملنى يعنى
دلوقتى انا مش اليكس و ان شاء الله هروخ المحلين اللى انت قولت عليه هشوف فيهم المشاية
و انا وزى تفريبا 90 كيلو ف تمام هجيب 8608
لكن على الموقع فية : 8608 d و كمان فية 8608 a-1
فية فرق فى الكلام دة ولا اية ؟؟
و معلش لو سؤال سخيف لكن انا خايفة جدا من انى اجيب
لانى سالت فى محلات كتير جدا و الكلمة الاساسية اللى بسمعها كل اللى قى السوق صينى
و انا استفدت جدا منك .. شكرا فى العموم حتى لو مش رديت عليا
جزانا واياكم ياكوكي
واسألي براحتك وانا تحت امرك
بس انا حروخ المحلين دي يوناني جريجي مش اسكندراني خالص :) :) :)
كان فاضل تقولي ياخبيبي الخريستو عاوز مشايه :)
بالنسبه للمشايه مناسب جدا الجهاز 08 لوزنك وان شاء الله حتلاقيه في المكانين اللي قلتلك عليهم
اما بخصوص d ,a
فال a ده كان موديل قديم اتشال من عندنا ولسه متشالش من السايت
وان شاء الله بنعمل اب ديت قريب وحننزل الصور الجديده
والسوق فعلا كله صيني
بالمقارنه بالناس اللي بتبيع تيواني بجد وهما قليلين اوي
فيبقي اكيد احنا زي ابره في كوم قش
الغش بقي كتير
ونتمني وزير التجاره والصناعه الجديد يقفل علي المنتجات الرديئه اللي بتجيلنا احنا بس دي
ولا اما نكون مزبله العالم
اي حد بيصنع اي حاجه وحشه يوردها لمصر
بس العيب مش عليهم
العيب علي اللي بيروح يستورد
بس هوا لو عارف ان فيه قانون في البلد يرميله البضاعه دي في البحر لو جت غير مطابقه للمواصفات العالميه
حيتربي ويجيب بضاعه محترمه
استفسار يا ميكى انا وزنى 120 كيلو
اجيب ايه عايز حاجه تستحمل وتعيش
لو من عندنا يبقي المشايه اللي اسمها 8625
او 8618
تستحمل 120 ك مستريح وتشتغل ساعه ونصف
وتيواني
لو من بره مش عارف ايه الموجود في السوق
بس ممكن تروح سبورت مول تتفرج وشوف الموديلات اللي تستحمل 120 ك
شكرا على الرد يا ميكى بس سعرها كام 8625
واجيبها منين انا من فيصل الهرم وهل هى اتوماتيك ولا مانيوال
ههههههههههه
حلوه منك اوتوماتيك ولا مانيوال دي
كهرباء طبعا
و8625
من فيصل اعتقد فرعنا في شارع السودان اقربلك من رمسيس
هوا تقاطع شارع السودان مع شارع مصدق
ولو عاوز تروح فرع رمسيس تنورنا طبعا
وموضوع النقل ده مفيش مشكله
عادي يعني
سهله
شكرا على الرد السريع ومعلش على سؤال اوتوماتيك ولا مانيوال
بس اى موديل من الانثين افضل 8625 و8618 وسعره كام وياريت العنوان اللى فى شارع السودان
مش حكايه افضل ولا حاجه
الاتنين موتور واحد
الفرق
8625
عرض السير 36 سم وبرنامج واحد والسعر عالخاص
8618
عرض سير 40 سم و6 برنامج والسعر عالخاص بردو
عنوان شارع السودان مش عارفه اوي
بس رقمهم حبعتهولك عالخاص كلمهم اعرف منهم العنوان بالظبط
هاي ميكي
انا قريت كتير من تعلقاتك وكنت بدور على مشاية بس معرفتش الاقي ارقامك للأستفسار
على العموم ديه بيانات الماشاية الي بسأل على حاجة زيها تقريبا
وانا مبعرفش فالأنواع اوي
تايواني
1.5 حصان cont
او 100 ك
مع ان وزني مش كبير انا حوالي 60 بس هجبها فالأساس عشان اللياقة
وعشان كدة يهمني ان سرعتها متكنش قليلة عشان حابب اشتغل بيها على سرعات عليا
ويكون فيها مستويات طبعا بس مانويل للتوفير
وانا قريت فوق انك بتقول المشاية الي 120 ك بتشتغل ساعة ونص , فيريت لو توضحلي الجزئية ديه فالمشاية الي انا كاتب مواصفاتها
بس الأساس طبعا الأسعار كام بالنسبة للمواصفات ديه
في انتظار الرد
ولكم جزيل الشكر
السلام عليكم
انا كلمت يا ميكى الشركتين بتوع الاسكندرية اللى انت قولتليلى عليهم
وطلعوا اغلي منكو ب400 جنيه ولا حاجه
و حاجة كمان بقى ان وحدة منهم ان الصينى فية منة انواع كتير جدا و احسن من التيوانى و ان مثلا فية منة 1ز5 حصان و 11 امبير ( الا اية الامبير دة يا استاذ ميكى ربنا يخليك ) و ان الجهاز اللى بسال علية دة 1.5 حصان و 7 امبير يبقى الصينى فية اجهزة احسن و الكلام دة
و طبعا انا سالت ب التليفون بس لسة مش رحت اشوفت
فية كمان نقطة افترضنا انى جبت تليوانى و الضمان بتاع الشركة خلصت اعمل اية فى موضوع الضمان برضة ؟؟؟ ممكن مثلا شركة زى بتاعتكم تيجى تعملى ضمان فى اليكس
كمان بقة نقطة مهمة دلوقتى جهاز ال 8608 بيشيل اخرة 95 كيلو .. طيب اية يحصل للمشاية لو بقى عليها وزن اكتر من 95 عشان انا حامل دلوقتى و وزنى 90 ؟؟؟
معلش يا ميكى هزهقك
مستنية ردك
شكـــــــــــــــــــــرا جداااا لحضرتك
وجزاك الله كل خيـــــــــــر
:b4_388::b4_388::b4_388:
عارف احلى حاجة اية فى الموضوع انك بترد بسرعة :)
انا عايزة اقولك شكرا على زوقك انك رديت بسرعة و انك رديت اصلا
و انا بصراحة مش بثق اصلا فى اى حاجة صينى لانى بترجم اتفاقيات فعرفة مستوى الحاجات اللى بتجى هنا و اصلا التاجر بيفكر ازاى
المهم ...
ماشى انا كدة ان شاء الله مطمئنة بس اخد بالى من حاجة معينة فى التسليم و لا هو بيقولى على كل المعلومات اكيد .. ؟
شكرا اوى يا ميكى بجد
انا برد بسرعه عشان بقعد علي نايل موتورز اكتر ما بقعد مع امي
:)
اتفقي علي كل حاجه وقوليلي حتستلمي امتي
وقبلها قوليلي
وانا اقولك تاخدي بالك من ايه بالظبط
وبعد ما تستلمي نمشي سوا واحده واحده وحبعتلك الكتالوج العربي
متقلقيش
كله تحت السيطره
عفوا ياكوكي ومبروك مقدما عالنونو
السلام عليكم ورحمة الله وبركاته
بارك الله فيك أستاذ ميكى أستفدت من معلوماتك كتير
وأكتشفت أنى لا أفقه شىء عن مشايتى لأنها هديه من أمى ولا أعرف كيفية التعامل معها أسمها توب فتنيس
عندى من أكتر من سنتين وما أعرف حاجه عن موضوع الأسبراى هذا وكانت مركونه ما أستعملها من سنه تقريبا
ومن كام يوم بدأت أستخدمها أكتشفت أن السير بدأ يعمل منحنيات غريبه كده
ومع الأستمرار للمشى عليها لمده ثلاثة أيام بعد نصف ساعه من الأستخدام بدأت أسمع صوت غريب وبعدين أنحنى السير أكثر
وما أعرف كيف أتصرف ؟
لو سمحت كنت عايز اعرف سعر الاوربتراك الماجنيك عندكوا بكام
http://www5.0zz0.com/thumbs/2011/03/01/10/577791541.jpg
يا ترى واضحه ولاه شو ؟
الصوره الكبيره ما رضيت تنزل فى المنتدى
لو تلاحظ من الوسط السير منحنى طالع لفوق شوى
هيا مش واضحه اوي يارونا
بس علي وصفك كده السير ده باظ ومحتاج يتغير
وده عشان كملتي لعب بعد ما السير رحل وجه يمين شويه
فالسير كشكش
ولو استمريتي بالسير ده الجهاز ممكن موتوره يتحرق للاسف
لان ده حمل عالموتور
ياريت صوره اوضح شويه ولو حتي تحطي اللينك بتاعها بس عشان اشوفها بوضوح