السلام عليكم ورحمة الله وبركاته
بخصوص الشحن في مكتب شركة فيديكس (fedex) في شبين الكوم هل من الممكن شحنها عن طريقها؟ولو عن طريقها عند حضرتك فكرة تتكلف كام ؟
شكرا جزيلا
عرض للطباعة
السلام عليكم ورحمة الله وبركاته
بخصوص الشحن في مكتب شركة فيديكس (fedex) في شبين الكوم هل من الممكن شحنها عن طريقها؟ولو عن طريقها عند حضرتك فكرة تتكلف كام ؟
شكرا جزيلا
amlino
بلاش شركات الشحن الغاليه دي
بيحاسبوا بالوزن
ممكن تدفعيلك بتاع 400 جنيه
شوفي كلميهم
وقوليلهم معايا مشايه كهرباء وزنها 65 كيلو
وشوفي حياخدوا كام
السلام عليكم ورحمة الله وبركاته
اخ صبحى ان كنت عاوز اسأل على مشاية مناسبة للوزن 140 كجم
بس انا عندى بعض التعب فى ركبتى اليمين فعاوز حاجة مناسبة
ايه اقتراح حضرتك
وياترى عندك شحن للعاشر من رمضان
شاكر جهدك فى الرد
بخصوص الاوزان الثقيله المشايه حتعمل في حدود 6500
سعرها مرتفع بس عشان تتحمل الوزن ده
اما بالنسبه لمشاكل الركبه فمفيش تأثير من المشايه نهائيا
لان المشايه خاصيه امتصاص الصدمات في المشايه دي بالذات عاليه جدا
وبالتالي لا تؤثر علي الركبه
الا اذا كان الدكتور مانع المشي بقي دي حاجه تانيه :)
وشحن العاشر من رمضان مفيش مشكله
عادي جدا
شاكر جهدك يا استاذ صبحى
ما هى فترة الضمان على المشاية
وهل من الممكن ارفاق صورة لها
وكيفية التنفيذ
وشكرا لك
كل ما في الموضوع تان حضرتك تيجي تشوف المشايات بس
بعد كده كل شئ سهل
ومده الضمان سنه
http://www.abouelgoukh.com/images/el...ll/larg/11.jpg
http://www.abouelgoukh.com/images/el...ll/larg/17.jpg
استاذ صبحي ... ربنا يبارك فيك يارب و يجازيك عنا كل خير
بجد مش لاقيه كلام يناسب خالص و يوفيك حقك .. بس هدعيلك ربنا يباركلك و ييسرك للخير و يجعلك في حياتك الصحة و السعادة و راحة البال
معلش شوية استفسارات
اولا .. هل شركتك بتعرض منتاجاتها في معرض القاهرة الصناعي السنوي اللي بيكون في مارس
و لو الشركة مش بتعرض هناك ... هل تسمع اي شيئ عن الشركات اللي بتعرض هناك . عن جودة الاجهزة و حاجات زي كده؟؟
ايه رايك فيها
ثانيا : فيه تقسيط و لا كله كاش و لو ليكو اي وكلاء في بنها .. ؟؟
معلش لو تفيدني في نوعين من المشايات
matrix
profit
صاحب المكان بيقولي انهم تايواني و موتور امريكي
انت تعرف عنهم اي حاجه بعد اذنك ؟؟؟
سلام عليكم jussy
1- شركتي تتعامل مع التجار فقط واسعارها جمله ولذلك لا نستطيع نزول المعارض وما الي ذلك لانها تبيع باسعار المستهلك . يمكن لاحد موزعينا انه ينزل مفيش مشكله انما احنا لا
2- جوده الاجهزه للاسف وعن سؤال ومشاهده لبعض الشركات العارضه بتكون عارضه اجهزه سيئه اعتمادا علي السعر الرخيص بغض النظر عن الجوده
وعاوز انصحك نصيحه
اما تيجي تشتري تشتري من مكان يكون ليه سمعته في السوق ومكان موجود من سنين مش شركه تفتح انهارده وتقفل بكره عشان لو حصل حاجه تقدري تروحي وتتكلمي مع حد من الشركه انما شركات المعارض دي ممكن تكون فاتحه فتره المعرض بس وبعد كده متلاقيهومش او اسم الشركه يتغير
يبقي ساعتها خدتي المشايه ووكيلها اختفي يبقي كل سنه وانتي طيبه
3- مش ببيع قسط ولكن فيه بعض الموزعين عندنا بياخدوا مننا المشايات ويتعاملوا هما بالقسط واي ضمان او صيانه بيكون تبعنا احنا الموزع مجرد شخص بيقسط ليس الا
4- للاسف ليس لنا موزعين في بنها والافضل تيجي القاهره
5- بروفيت ماتريكس صيني وتصنيعها صيني وبلدها صيني
ارجو اختيار مكان موثوق في سمعته زي ما قلتلك
دي اهم حاجه حتي لو المشايه صيني
مش مهم انها صيني
المهم لو باظت بعدشهر شهرين سنه سنتين 5 سنين الاقي قطع غيارها متوفره مش ارميها
واي استفسار انا في خدمتك واعتذر عن التأخر في الرد
ربنا يبارك فيك يارب و شكرا لييييك جدااااا
أستاذ صبحي
أنا الحمد لله جبت المشاية النهاردة
شكرا لحضرتك جدا على المجهود والمعاملة الطيبة
وجزاك الله عنا خيرا
الف مبروك وربنا يبارك لك فيها يارب
شكراً جزيلاً يا أستاذ funnymickey على النصائح الهائلة وكان عندى سؤالين :-
بالنسبة للأوربتراك العادى مش الماجنتيك http://www.nilemotors.net/Nile/3872657066-post49.html أجيبه منين ؟؟
أنا ساكن فى السادس من أكتوبر , هل فى فرع لشركتكم هنا ؟ وهل من الممكن إنى أشتريه من التوحيد و النور ولا هايكون فى مشكلة فى الصيانة زى ما أنت قولت بالنسبة للمشايات الكهربائية ؟
وهل فى نوع صناعة إنت تفضله و يكون فى حدود 1000 جنيه , ولا كله زى بعضه ؟؟ وخصوصاً علشان موضوع الجلب الجرافيت اللى إنت إتكلمت عنها
شكراً جزيلاً مقدماً , وفى إنتظار ردك الكريم
عفوا ياباشا وشكرا علي الكلام الجميل ده
الاوربت العادي موجود عندنا
وفيه فرع في 6 اكتوبر جمب نقطه الشرطه
ومضمون من عندنا وبيشيل وزن 100 ك
علي فكره الاوربت الي بكلمك عليه ده مش موجود في السوق
والحركه بتاعته تحفه واحلي من اللي موجود صورته في اللينك اللي انتا حاطه
ولو تعرف تيجي عندنا رمسيس تجرب الاتنين وتاخده معاك وانتا ماشي يبقي افضل
وملوش لازمه تدفع فلوس اكتر في حاجه هيا هيا
مش حتفرق
مفيش اوربت في السوق شكله مختلف
كلهم واحد
الفرق في الحركه والميكانيزم نفسه
اما تجرب اللي بقولك عليه ده حتحس بالفرق
والجلب النحاس دي بتركب وموجوده عندنا
بس مش بتيجي في الاوربت اصلي فيه
كله بيبعت ياجلب حديد يااما بلاستيك وده ارخص الانواع
شكراً جزيلاً يا أستاذ صبحى على ردك السريع و الشامل , بجد لأول مرة من فترة طويلة الاقى موضوع يشدنى و يخلينى أقرأ كل صفحاته الــ 28 لأنك فعلاً قمت بتوفير كم من المعلومات التى لم أجدها فى أى مكان أخر مما جعلنى أقوم بتأخير عملية الشراء منذ ثلاثة اشهر خوفاً من الصناعات الرديئة و النصب, جزاك الله كل خير على ما أفدتنا به من علمك.
ودلوقت عايز أسألك على تانى جهاز عايز أشتريه وهو جهاز المشاية الكهربائية , وفى صفحات الموضوع إنت رشحت لفئة الــ 100 كيلو المشاية 8608D وبسرعة 1.85 حصان و صناعة تايوانى , وكنت عايز أسألك عنها سؤالين :
هل فى صورة عندك للمشايه ؟؟ ما هى سرعة المشاية القصوى ؟؟ وإيه أخبار الحبشتكنات اللى فيها (قياس النبض و السرعات و خلافه ) ؟؟
و نظراً إنى عايز أعمل عندى فى البيت صالة مصغرة لإستخدامى الشخصى , كنت عايز أسألك عن سعر جهاز المالتى جيم ؟؟
وكنت عايز أسألك كمان عن سعر جهاز الــ Step لتمارين الأيروبكس - زى درجة السلم ؟؟
شكراً مقدماً وفى إنتظار ردك الكريم
صوره الجهاز 8608 ومواصفاته
http://www.abouelgoukh.com/images/el...ill/larg/2.jpg
الشاشه بتقيس الوقت والمسافه والسرعه والسعرات الحراريه ونبض القلب واقصي سرعه فيه 12 ك.م/س
سعر جهاز المالتي جيم فيه نوعين
1- وزن البلاطات 65ك ده ب1650
2- وزن البلاطات 100 ك ده ب2950
بس عاوزك تبقي عارف حاجه
المالتي جيم بيقوي العضلات عموما انما مينفعش يتعمل بيه bodybuilding
يعني مش حيرسم الجسم اوي
محتاج بقي دكه بنش وبارات وطارات وموضوع تاني
وده شكله تقريبا
http://www.healthyiseasy.co.uk/images/multigym.jpg
بالنسبه للستيب سعره 350 جنيه
ودي صورته
http://cdn.dealsdirect.net/m/product...uct1_14001.jpg
استاذ - صبحي ، جزاك الله خيرا علي هذا المجهود الذي بذلته لخدمة الأعضاء و الأجابة علي أستفسارتهم ، عندي سؤال : ما هي الأجهزة الخاصة بألام الظهر و خاصة الفقرات القطنية و أسعارها لو سمحت ؟ ، حيث أنني قررت شراء المشايه الكهربية بشكل أساسي 8608 و جهاز خاص بتمارين الظهر الذي أسألك عنه
و شكرا ليك مرة أخري و في أنتظار ردك
جزانا واياكم يااستاذ حمزه
وبخصوص فقرات الظهر
فانا مش طبيب عشان افتي في حاجه زي كده
وعلي ما اعتقد بناء علي خبره لان والدي عامل عمليه الغضروف
بيروح يعمل علاج طبيعي بس
الدكتور مقالش علي جهاز معين يستعين بيه
فان كان ولابد
لازم تستشير طبيبك المعالج ايه انسب جهاز ليك وساعتها اقولك اذا كان عندي ولا لا
وان شاء الله المشي يفيدك وشفاك الله وعفاك
اخوك فى الله / حسام - من الاسكندرية - بيشكرك جزيل الشكر استاذ صبحى . على المتابعة وعلى اهتمامكم بالعملاء . والله انتم شركة فوق المحترمة وناس فوق المحترمين وانا لازم فى اول مرة انزل مصر اعدى عليك بنفسي واشكرك بنفسى علي المشاية الحلوة اللى هادتنى بيها - وانا نفسى يكون لكم فرع رئيسى عندنا في اسكندرية زى فرع القاهرة يتناسب مع جودة المنتج الذى تبيعونه ومع العدد الكبير لسكان المدينة - اكرر شكرى ثانية استاذ صبحى . والسلام
جزاك الله كل خير يا أستاذ صبحى , وأنا كنت نازل النهارده على مقركم فى رمسيس بس إتأخرت و قلت أخليها يوم الإثنين إن شاء الله.
يا ترى إنت موجود يوم الإثنين فى مقركم برمسيس ؟؟
جهاز المالتى جيم بيكون مفكوك و محطوط فى كراتين , وممكن يتحط هو و المشاية فى عربية ملاكى ؟؟
علشان أعرف إذا كنت هاجيب معايا عربية ملاكى علشان أجيب المشاية و المالتى جيم ولا أجيب عربية ربع نقل.
يا ترى لما أوصل هناك أسأل عليك ولا فى نمرة تليفون أكلمك عليها أول ما أوصل عندكم فى المقر ؟؟
و ياترى فى عربيات عندكم ممكن تطلع معايا بالحاجة أنا ساكن فى الفردوس بالسادس من أكتوبر ؟؟
معلش أسألتى كتير , بس فعلاً إنت شجعتنى بعد ماكنت فقدت الأمل إنى ممكن إشترى أى أجهزة بسبب سوء المنتجات اللى فى السوق.
فى إنتظار ردك الكريم .... أخوك أشرف فوزى
استاذ / صبحي ، شكرا ليك علي سرعة الرد و أن شاء الله نتقابل خلال هذا الأسبوع في الشركة لشراء الجهاز 8608 و تكون فرصة أتعرف بشخصية محترمة و متعاونة مثلك و نتقابل علي خير أن شاء الله
ربنا يخليك يااستاذ حسام والله ما عارف اقولك ايه
يكفيني انك صبرت علينا اسبوعين
وده كرم زائد منك والله
وبعتذر بجد عن سوء التفاهم اللي حصل وان شاء الله ربنا يملالك المشايه بركه ويحافظلك عليها يارب
استاذ اشرف تشرفنا في اي وقت ان شاء الله
انا بس مش عارف اذا كنت نازل الاتنين ولا لا
فخلينا علي تليفون
رقمي 0109779970
وبالنسبه لجهاز المالتي هوا بيكون في كرتونه طويله
متجيش في عربيه ملاكي الا لو معاك شبكه
وطبعا مش حتعرف تركبه
خلينا ان شاء الله نظبطها مع بعض احنا موجود عندنا عربيات وكل حاجه ما عليك الا انك تيجي تتفرج عالجهاز وبعد كده متشيلش هم حاجه الجهاز حيجيلك البيت ويركب عندك ان شاء الله
ان شاء الله في اانتظارك واتشرف بمعرفتك
استاذ صبحى شكرا جدا جدا على معلوماتك المهمة دى انا انهاردة دخت انا ومراتى غلى محلات الاجهزة الرياضية وكنا محتارين قوى ورحنا كارفور ولقينا انواع مختلفة عن اللى شفناها فى المحلات دى واستغربنا وحينا ان الموضوع نصب فى نصب وفرحنا لاما قارينا كلامك هنا وفهمنا كل حاجة
بس كنت عايز اسالك سؤال انا وزنى 105 كيلو تنفعنى المشاية 08 ولا لا عشان هى اقصى وزن ليها 100 كيلو ولو بترشحلى حاجة تانى من فضلك قولى على سعرها وابعتلى صورتها
وان شاء اللة هنجيلك يوم الجمعة او السبت
وشكرا ليك جدا وربنا يكرمك
السلام عليكم ورحمة الله وبركاته
مش عارفه يا استاذ ميكي انت فاكرني ولا لأ انا كنت سجلت هنا من فتره كده عشان اشكرك علي ردودك واهتمامك ف الموضوع ده ربنا يجزيك خير
بس الموقع وقع ولغي اشتراكي فكنت براقب الجديد من الموضوع من بعيد
انا دلوقتي جددت اشتراكي عشان اولا اكرر شكري لحضرتك ثانيا لاني والحمد لله اخيرا حوشت تمن المشايه ههههههههه وهاجي اشتريها من عندكم انا وزوجي بس كنت عايزه اسألك علي كام حاجه كده
1- زوجي وزنه 105 فيا تري ايه انسب مشايه ليه وسعرها كام؟
2- عرض سير المشايه الافضل يكون كام
3- حضرتك بتكون موجود امتي عشان نجيلك
وجزاك الله خير الجزاء
عفوا يافندم والله الدعاء بظهر الغيب اهم حاجه عندي
بخصوص المشايه ال8608
فهيا بتشيل اقصي وزن 110 مش 100
الموضوع وما فيه
ان اللي وزنه 100 حيلعب ساعه كامله عالمشايه مفيش مشكله
واللي وزنه 105 او 110 حيلعب نص ساعه بس
او تلت
لحد ما يخس ويبقي مناسب للمشايه وبعد كده يلعب ساعه
دي كل الحكايه
لو حابب حاجه اعلي
ممكن تاخد 8625 او 8618
بتشيل 120 130 ك
وتشتغل ساعه ونصف متواصل
http://www.abouelgoukh.com/images/el...ill/larg/5.jpg
السعر عالخاص
جزانا واياكم ياجودي ربنا يكرمك يارب
1- راجعي المشاركه السابقه
2- عرض السير
8608 34سم
8625 36سم
8618 40سم
رقمي الخاص
0109779970
ههههههههههه
من وحي الامتحانات للاستاذ اللمبي
:)
صبحى باشا أشكرك جدا جدا جدا الله يباركلك شكرا يا باشا على الاسبراى حاجة زى الفل دة أمريكانى كمان و تعبك و تقابلنى عند البيت كمان ربنا يباركلك يا باشا و الف شكر مرة أخرى تسلم الايادى
عفوا ياهشام باشا
بس متبقاش تستخبي في الضلمه تاني
عشان بتخض
:)
:)
السلام عليكم
انا عايزة اشترى ماشاية تيوانى من عندكم بس لو ليكم فرع فى اسكندرية يبقى احسن
وكمان عايزة اعرف السعر ؟؟؟هو اقصى وزن 95 فايه الماشاية المناسبة ؟؟؟
وهل عندكم اللى 4*1 بتبقى معاها التويست وكام حاجة كدا يعنى عشان الواحد لو زهق من المشى يلعب حاجة تانية
لا متقلقيش من موضوع الصوت
دول صوتهم هادي
الاسعار علي الخاص
معلش هتقل عليك تانى او تالت ههههه
هيا بتاخد مكان قد ايه طولها وعرضها ...وهل فى صيانة فى جولدن جروب ؟؟؟
طب ولو حبيت اشحنها من عندكم تقريبا هتكلف كام ؟؟؟ اصل مش انا اللى هدفع حقها بابا وماما هما هيجبوها لينا وكدا
عرض 60 سم في طول حوالي 150 سم
ولو شحنتيها من عندنا
حنحطها في شركه شحن اسمها بياكس وتستلميها من هناك
مش حيكلفك بتاع 50 جنيه
اما لو عاوزه عربيه مخصوص فدي تكلفتها 350 جنيه
واللة عشرة على عشرة فى التفاعل الكريم من حضرتك يااستاذ صبحى
واللة انا سجلت ف الموقع عشان اشكرك
انا كنت دايخة بقالى مدة والحمد للة مااشترتش الصينى
سبحان اللة انا دفعت لشركة التوحيد وخدت ميعاد تانى يوم واستنيتهم من الساعة 6 مساء محدش جة اتاريهم جيين يدلعوا الساعة واحدة طبعا جوزى اتخانق معاهم ورجع الفلوس
انا ان شاء اللة هجيلكم قريب يمكن بكرة وهتصل بيك لما اوصل بس انتو قريبين من اية حاجة معروفة يعنى
شارع الجمهورية طويل