زهراء مدينة نصر
بس عموما اي مكان في مدينة نصر يعتبر قريب
الصوت كان في الاول كويس جدا
ومن حوالي 5 شهور بدا يبقي عالي
مش مزعج اوي بس مش هادية
عرض للطباعة
زهراء مدينة نصر
بس عموما اي مكان في مدينة نصر يعتبر قريب
الصوت كان في الاول كويس جدا
ومن حوالي 5 شهور بدا يبقي عالي
مش مزعج اوي بس مش هادية
يعني ممكن ان شاء الله قدام شويه تغييري بلي الموتور
وطبعا بما ان بقالك سنه ونص مرشتيش سبراي
ممكن يكون السير عاوز يتنضف
خلاص زي الفل
ضمنا مفيش مصاريف اول شهر جواز
مانا قلتلك مفيش محلات بتبيعها غير محلات بتبيع سيور مكن
ودي مش موجوده غير في وسط البلد
ثانيا انا مش حتعب
انا حاخد السبراي وانا مروح اديه للمحل اللي حتقولي عليه ساكن معايا في نفس العماره
التعب الوحيد هوا عمليه ضرب الجرس بس
بسم الله الرحمن الرحيم
السلام عليكم اخى الفاضل
وكل عام وانت بخير ورمضان كريم
انا من مصر وعندى انزلاق غضروفى فى الديسك وطلب منى الدكتور المشى كل يوم ، وانت طبعا عارف حالة الشوارع عندنا واسعار النوادى ففكرت فى موضوع المشاية لكن معنديش اى فكرة عن الماركات ولا الأسعار بس قرأت موضوعك جزاك الله كل الخير عنه وحست صراحا منك الأمانه والصدق فعشان كده عاوزاك تختصر لى اللف والتدوير وتقولى على ماركه او موديل محترم ممكن اجيبه واذا امكن يكون فيه قسط.....
وجزاك الله كل الخير وهنيالك يا فاعل الخير والثواب :girlsthink:
الموجود في السوق كالاتي
صيني وده المنتشر في السوق
وللاسف الكواليتي بتاعه مش حلو لان المستورد المصري بيجيب اوحش حاجه في الصين
وللاسف ملوش ضمان ولا صيانه
الكلام سهل
حتسمع
صيني والموتور تيواني
صيني والموتور كوري
صيني والموتور امريكي
وكل ده ستيكر وكلام عالورق بس
حتسمع ضمان 10 سنين
قطع غيار متوفره
كل الكلام ده ملوش اي اساس من الصحه
وحتعرف ان كلامي صح اما تعاني اما المشايه تبوظ
النوع الموجود تاني ده تيواني بجد
وده بيفرق في السعر عن الصيني حوالي من700الي 1500 جنيه تقريبا
حسب نوع الصيني اللي انتا بتقارن بيه
النوع التالت الموجود في السوق
الامريكي زي ماركه cybex , life fitness
الالماني زي ماركه kettler
ايطالي زي ماركه panatta
ودول اقل حاجه فيهم ممكن تعمل حوالي 10000 فيما فوق
وقطع غيارهم غاليه اوي اوي
واغلبهم مش بيجيبوا حاجات منزليه لان اغلب شغلهم مع صالات الجيم الكبيره
بكده تقريبا وضحت الصوره
ايه الموجود في السوق
السلام عليكم
طب محدش عايز يشتري العجله بتاعتي دي؟؟
http://www.nilemotors.net/Nile/166565-orbitrek.html
برو سوبرا تيواني
دي توكيلها عندنا علي فكره لو عاوز تصلحها
:)
ميكي باشا ممكن بعد اذنك تقولنا على المشايات الكويسة اللي عندكم والاسعار والمواصفات
يعني زي برشور كده لاني انا وكام واحد من العيلة بنفكر في الموضوع ده بس عاوزين حاجة ننساها ومتتعبناش بصيانة واعطال وكده
وياريت تقولنا برضوا لو فيه خصم للاعضاء وكده وهل عندكم عربيات بتوصل ؟؟
شكرا استاذ ميكى لكت خد عندك شوية استفسارات كمان
1 الموديل انت كاتب اسمه صح ( 08 ) ؟؟؟؟؟؟ يعنى اروحة اسأله اقوله موديل زيرو تمانية ( مش هيقولى امشى من هنا ياض يا عبيط !!! )
2 ده كام حصان ؟؟
3 انتو عنوانكو فين فى فى القاهرة
4 فى حالة انى هاجى اشترى من عندكو هل المشاية ممكن تتحط فى عربية ملاكى و لا لازم نص نقل
شكرا جزيلا
السلام عليكم
1 الموديل انت كاتب اسمه صح ( 08 ) ؟؟؟؟؟؟ يعنى اروحة اسأله اقوله موديل زيرو تمانية ( مش هيقولى امشى من هنا ياض يا عبيط !!! )
اه والله اسمه كده
مش حيقولك عبيط ولا حاجه
2 ده كام حصان ؟؟
1.85 حصان
3 انتو عنوانكو فين فى فى القاهرة
بعتلك العنوان عالخاص
4 فى حالة انى هاجى اشترى من عندكو هل المشاية ممكن تتحط فى عربية ملاكى و لا لازم نص نقل
شبكه محترمه عالملاكي ياااما عربيه نقل
بعد تجربه ومعاناه مع الصينى والكورى والتياوانى والمشايات المانيوال الفاشله شركة ويدر ايجيبت weider جهاز امريكى اسمه
nordictrack ex 3300
ده باه اشترى الجهاز ما شاء الله وانسى بس للاسف سعره عالى كنت جايباه من سنتين ودلوقتى اعتقد انه غلى قوى بس هما ممكن يكون عندهم انواع اخرى امريكى ارخص شويه الاجهزه ديه بتباه للخدمه الشاقه زى الجيم فالصراحه بيستحمل جامد وزى الفل وربنا يوفق الجميع المهم البعد عن الصينى تماما
شكرا جزيلا استاذ ميكى لكن سؤال تانى معلش
ينفع انقل المشاية فى عربية من الى الكنبة الخلفية بتنام ؟؟؟ ساعتها هيكون فى مساحم من اول الشنطة لحد الكراسى الامامية
اصل العربية النقل دى حوار صعب بالنسبالى و الشبكة بتبوظ العربية من فوق
المشكله فعلا ان المشايه الكهربا بتكون كبيره ومش بينفع تدخل في العربيات السيدان عشان الشنطه
وحتي لو نيمت الكنبه مش حتدخل من الباب
ملهاش حل غير في العربيات ال 4×4 عشان الباب بتاعها مربع بتكون عامله زي السوزوكي فان
وطبعا عربيه سوزوكي لحد المنصوره حتكلفك كتير
هوا فيه حاجه اسمها شركات شحن
بس معرفش فيه عندكو حاجه للمنصوره ولا لا
احنا بنشحن عليها لتجار كتير
بس مش عارف فيه في المنصوره ولا لا
السلام عليكم
كل سنه و انتم طيبين
استااااااااذ ميكي لو سمحت
انا وزني 72 كيلو و عايزه اشتري مشايه كهربائيه
عايزه اروح لميما او مؤسسه ابو الجوخ
ياريت تقولي علي نوع مشايه و كم حصان
في مشايات فرديه و في 4 في 1 و غيره
هلي الزيادات ليها تاثير كبير علي الجسم
ممكن سؤال كمان المشايه و الاوربتراك
ايه الفرق بينهم من ناحيه المميزات و العيوب
و شكراااااااااااااااااااااا ااا
ربنا يجعله في ميزان حسناتك
للرفع
بسم الله
انا شايف ان 72 كم دي مش محتاجه مشايه
ده انتي عاوزه تاكلي
بس ما علينا
:F_eyeb1[1]:
المشايه ال 4×1 انا مبحبهاش لانه معوض اللعب الكتير بضعف الموتور
يعني المشايه ال 4×1 اللي عندنا بتشيل 90 كم
فيها 4 لعب اه
بس موتور 1 حصان
وبيشتغل نص ساعه بس
http://i35.tinypic.com/122yaut.jpg
طب نمسك بقي باقي الالعاب
شايفه طبعا قدامك
حزام مساج
وده اونطه مبيعملش اي حاجه في اي حاجه
قرص التويست
وطبعا خامه بلاستيك مفيهوش بلي
شهرين ويقطم
يفضل بنش البطن
اللي هما السفنجتين الحلوين دول
ودول محطوطين بدل ما نزنق رجلينا تحت السرير ونلعب او كل واحد يجيب اخوه الصغير يقعد علي رجله عشان يعمل تقل ويلعب بطن
اظن بعد اللي اتقال
بعد شويه حتعرفي ان مش متبقيلك حاجه غير المشايه فعلا لان باقي الالعاب مش مفيده 100 %
او معموله بعبط
طب ايه اللي يخليني اخد حاجه موتور صغير و7 صنايع والبخت ضايع
لا انا اما ادور علي مشايه اخدها فاضيه وموتورها اقوي
احسن مليون مره من اني اخد مشايه فيها 15 لعبه وورق
متستحملش
نوصل بقي للاوربت تراك
المشايه الكهربا لا يعلي عليها واثبتت فعلا انها افضل جهاز بيخسس
ليه
انا اقولك ليه
كل الدكاتره بتوع التخسيس اما بييجي ينصح حد عشان يخس يقوله امشي نص ساعه في اليوم ويديله نظام ريجيم
الجسم بيبتدي يحرق بعد تلت ساعه من التمرين
بمعني اني لو لعبت 10 دقايق كل يوم
مش ححس بنتيجه زي مانا عاوز
لاني محرقتش حاجه ملحوظه
طيب
المشايه الكهربا افضل حاجه ليه
لانها مش متعبه لعضلات جسمي
وبالتالي ببذل مجهود بسيط فبقدر اقعد نص ساعه ببساطه فمش بزهق واقدر استمر عليها ووبالتالي بتزيد النص ساعه بتبقي ساعه وساعه ونص
الاوربت بقي
او المشايه المانيوال او العجله كل ده متساوي في حاجه واحده
اني عشان اوصل لنص ساعهه تمرين فيه او ساعه
حبذل مجهود متواصل لمده بتاع 3 4 شهور عشان اقدر اقوي عضله رجلي وتقدر تعمل مجهود لمده نص ساعه
بس فيه ناس مبتقدرش عالمجهود ده ووتلاقي الدنيا اتركنت وباظت خالص وبطل يلعب من اصله
ملحوظه تانيه بقي
اللي عنده خشونه في الركبه او وزنه فوق ال100 مياخدش حاجه غير مشايه كهربا
نصيحه يعني
لو حد يقدر يمشي في الشارع وعنده الامكانيه لده
ميشتريش حاجه وينزل يمشي في الشارع
والله احلي وقت بعد صلاه الفجر
بس الكسل
انا واحد من الناس جمبي جنينه كبيره ولا بنزل والله
وعندي مشايه كهربا ومبمشيش عليها
الكسل الكسل الكسل
الموضوع مش موضوع مشايات
اهم حاجه الاراده الاول
طالما عاوز حتعمل لو قدامك ايه
اي استفسار انا تحت امركو
متشكره جدااااااااااااااا
علي استجابتك السريعه
اجيب المشايه نوعها ايه و كم حصان
لاني للاسف ما عنديش فرصه للمشي
و رمضان كريم
السلام عليكم اخي العزيز ميكي كل عام وانت بخير و صحه
اولا اشكرك على اجاباتك المفيده جدا في مجال المشايات واردت ان اسال سيادتك سؤال بخصوص مشايه قمت بشرائها مستعمله واتضح لي انها لا تعمل وهي ماركه weslo المشايه لها مفتاح امان لا تعمل الا بادخاله في مكان مخصص له في المشايه ولكن عند ادخالي لهذا المفتاح في المشايه تحدث فرقعه و تطفئ المفتاح الكهربائى الخاص بالغرفه التي توجد بها المشايه قمت برفع الغطاء الذي يغطي الموتور والبورده ظنا مني ان هناك سلك في غير مكانه او شئ من هذا القبيل فلم اجد شيئا
ارجوا من سيادتكم اخباري بحكم خبرتك بتوقعك لمكان المشكله لاني اخشى ان اذهب بها لمن يقومون بالصيانه فاخدع مره اخرى بعد ان انخدعت في المشايه
وشكرا جزيلا لك لتعاونك مع الجميع
ماركه ويسلو ماركه كانت امريكاني ودلوقتي بقت صيني وتوكيلها شركه ويدر
ما زالت امريكاني بس في الاحجام الكبيره علي ما اعتقد
حاجه الجيم بس
اطلب نمرتهم من الدليل واطلب مهندس صيانه حيجيلك يقولك المشكله متقلقش
غالبا المشكله قفله في بورده المشايه
لان السيفتي ده وظيفته انه يوصل الدائره بس بين البورده والشاشه عشان المشايه تشتغل
لو فعلا ويسلو كلم ويدر حيفيدوك اكتر مني لانها مشايتهم وعندهم قطع غيارها
ومتشغلش المشايه خالص لحد ما يجولك
وابقي طمني عملوا ايه
اشكرك شكرا جزيلا اخي العزيز على سرعه ردك وسوف اقوم بالاتصال بهم واخبرك بما حصل ولكن هل سعر البورده غالي
بصراحة مجهود جبار يا ميكي
ممكن تقول لي على اسعار الأوربترك عشان عاوز اشتري واحده
أنا وزني 85 كيلو
و هل هي بتفرق على حسب الوزن ولا لأ؟
انا تعبت بجد كتير لانى بدور على مشاية حلوة وبعد ما عرفت كل الكلام دة على المشاية انا نفسى اعرف حاجات اكتر بكتير لان فى شركات كتير وفى شركى اسمها تكنو لايف هى صينى بردو ولة اية ممكن الرد يا ميكى معلش
:majd(4): معلش انا شكلى هتقل عليكم يا جماعة بس ممكن استفسار تانى انا لو رحت الشركة بتاعت الجوخ دى بجد هى حلوة لانى انا ببيع دهبى علشان اخس:_Alshmokh08[1]:
عندك من اول 500 جنيه وده الوحش
ممكن تجيب اوربت بس طبعا بيفرق في الخامات
اهم حاجه متجيبش الحاجات بتاعت القصر العيني لاننا جربنا كل حاجه في الخامات دي وفعلا بيقرفك في الصيانه لو الكواليتي بتاعه تعبان واي كلام
عندنا الاوربت يعتبر غالي ومش موجود حاليا لسه مجاش
بس الفكره بقي انه تقيل والجلب بتاعته محترمه
وطبعا قطع غياره موجوده ومتوفره
اهم حاجه قطع الغيار
اهم ا
حرد عالاولاني
والتاني حسيبه للناس هنا
تكنو لايف دي مكانها فين ؟؟؟
وبعدين حنروح بعيد ليه
ماحنا اتفقنا اصلا ان مفيش صيني حلو في مصر
وكل اللي بيجيب بيجيب حاجات زي الموبايلات الصيني
ميهموش الجوده علي اد ما يهمه رخص السعر
طب انا ليه احط نفسي في المواجهه دي واخسر فلوسي وتروح عليا
والله العظيم لسه واحد معرفه رامي مشايه صيني اضحك عليه فيها
صاحبه كان شاريها
وعجباه
نصحه يشتري واحده
وراح اشتري
المشايه قعدت 3 شهور
وضربت في كل حاجه
السير باظ والبورده والموتور اتحرق
طب محرام الكلام ده
دي فلوس
عامله زي البطيخه ياتطلع حمرا ياتطلع قرعه
قبل ما تبيعي الدهب قوليلي الاول وزنك اد ايه وشوفي ايه سبب زياده الوزن اصلا
اكل ولا ايه بالظبط
وبعدين نشوف ايه المناسب
السلام عليكم انا مش تخينة اوى كدة بس الحمل وقاعدة البيت لازم الواحد يحرك نفسة شويا وانا هروح الشركة بتعتك اجيب المشاية ان شاء الله
بس يارب تكون فعلا زى ما بتقول عليها يا رب :colsmil:
معلش انا غلسة شويا ممكن استفسار انا وزنى 82 عاوزة المشاية هل اروح الشركة وهما يقولة لى ولة اعرف كم حصان الاول ويعنى اية 4*1 والكلام دة و الضمان بتاع شركة الجوخ كام سنة على اية السير ولة المشاية بالكامل علشان بجد انا محتارة اوى :stink[1]: ودي شركة بيقولة انهم تايوانى وعندهم ضمان ممكن اعرف ضرورىhttp://up.g4z4.com/uploads/32eb82f0c7.gif
متابعه باهتمام
ليه الحيره دي كلها
متحتاريش ولا حاجه
بالنسبه للمشايه فدي مشايه
صيني
مش عارف مين وكيلها ولا اعرف قطع غيار بتتجاب منين
والواحد بردو عشان يكون امين
انا معرفش حاجه عن الصيني لاني متعاملتش فيه
بس كم الشكوي اللي بتجيلنا منه في شركتنا عن طريق مثلا
2 اصدقاء
واحد شاري من عندنا والتاني لا
الاولاني بيصلح الحاجه عندنا والتاني دايخ مع الصيانه في شركته
وكل شويه يماطلوا في قطع الغيار
اما دماغه بتوجعه ويزهق
بيجيلنا
طبعا احنا بنرفض لاننا توكيل نوع واحد بس وتيواني وقطع غياره اصلا متركبش عالصيني
بس من كميات المواتير اللي انا شفتها محروقه
كنا احنا جايبين مشايه 4 استخدام
وكلمه 4 استخدام يعني فيها 4 لعبات غير المشايه
وكانت صيني
هيا هيا نفس المواتير
نفس الحجم
بتاعنا يتكتب عليه 1 وربع حصان
وبنبيعه علي انه 90 كم
وهوا ييجي يقولي ده 2 ونص
وملزوق عليه ستيكر بكده
وومكتوب عليه الصناعه كوري
طب انتي قوليلي الناس تعمل ايه
اما الغش التجاري وصل لحد كده
فخلينا في المضمون
اتعبي بقي نفسك شويه
وروحي تكنو لايف
وهاتي ماركه المشايه وكل البيانات عنها
وصوريها بنفسك
وخصوصا الماركه
ونخش عالنت
نقلبه
وندور
انا مش برد عالموضوع هنا عشان اعمل دعايه عشان تشتروا من عندنا
مكنت ريحت نفسي وعملت موضوع اعلاني عن شركتنا وبس
الموضوع مفتوح عشان كلنا نتشاور واقول رأيي كواحد في المجال
عشان محدش يروح يشتري حاجه ملهاش اصل ولا فصل
ويبقي مطمن انها كوري ولا تيواني وتطلع في الاخر واقع في بياع معندوش ضمير يقولك انها صيني
والله حتي عندنا فيه عملاء بتقتنع اننا صادقين
وفيه واحد يقولي ماهي تيوان هيا الصين
ايه اللي يثبتلي انها تيواني
يعني ايه اللي يثبتلك
هوا انتا عشان عامل ناصح فتروح تقع في بياع من بتوع ال3 ورقات
جايبين مشايه
ملزوق عالموتور بتاعها انها تيواني
ومكتوب عالكرتونه تيواني
وممكن كمان يحفروا عالمشايه تيواني
كده انتا حتفرح
انا مشايتنا اسمها american motin fitness
دي ماركه
لما ادخل عالانترنت واكتب الماركه
يظهرلي اي حاجه عن الصناعه بتاعتها
ساعتها حتـأكد انها تيواني
نعمل كده مع اي ماركه نشوفها
ونشوف
انا دخلت دلوقتي لقيت ماركه jada دي
صيني
بصراحه لو انا حشتري مشايه مش حجيب صيني
لانه خلاص سمعته في السوق بقت وحشه
وخللي بالك ان لو فيه مشايه في السوق صيني محترمه
كانت حتعمل سمعه كويسه
وتحسي كده ان توكيلها ظاهر وليه سمعه طيبه
مش سمعته في السوق تبقي عن سؤء الصيانه والمشايه تبقي وحشه وخاماتها وحشه
نيجي بقي لموضوع الضمان
كلمه ضمان عندنا في الشركه مكتوبه علي ورقه الضمان كده
الضمان لمده عام ما عدا سوء الاستخدام
بقولك تعليمات تشغيل
المفروض نمشي عليها
حصل حاجه في المشايه
وطلع عيب صناعه
بنصلح علي حسابنا
وممكن تتغير المشايه كمان كلها
انما لو سوء استخدام
حتتصلح علي حساب العميل
وبنراعي بقي ان العميل واخد الجهاز من قريب
بنعمل خصم في قطعه الغيار
بنركبله ببلاش
كده يعني
يكفي ان عملاء شاريين اجهزه من بتاع 7 سنين
ولسه الحمد لله قطع غيارها موجوده لحد دلوقتي
صعب جدا تلاقي الكلام ده في شركات تانيه بره
وان لقيتي قطعه الغيار حتلاقيها غاليه جدا ومبالغ في سعرها
ويظل بردو الجهاز عندك صيني والقطعه اللي ركبت صيني
وحتاخد وقتها وتبوظ تاني
ارجو اني اكون شلت شويه من القلق اللي عندك والموضوع مش سهل والله
الموضوع محتاج لف وتدوير عشان تبدي تاخدي خبره باللي موجود في السوق
وانا موجود لو فيه اي استفسار
:M_yes[1]::M_yes[1]::M_yes[1]:
بجد انا متشكرا ليك اوى يا مكى بس ممكن اعرف التمن ولة اتصل بلشركة علشان انا هجبها الايام دى او ممكن تكتب رقمك وزوجى هيكلمك ممكن ؟
السلام عليكم
معلش ممكن استفسار فى مشاية امريكى عند ناس بس كان فى حاجة فى البوردة واتصلحت وهما عاوزين فيها 2500 تبقا حلوة ولة وحشة هى اصلا جاي شحن من الخارجى وسعرها الاساسى 11 الف عل حسب الكلام بتاعهم ممكن اعرف منك اعرفها ازاى حلوة ولة وحشة ولة الجديد احسن اصلى محتارة اوى والبوردة دى ممكن تتصلح تانى :_Alshmokh23[1]:
استاذ ميكى , انا نصحت واحد صاحبى يشترى من عندكم و راح بالفعل اول امبارح و اشترى و انتوا هتشحنوهاله على اسيوط , و هو اتصل مخصوص يشكرنى و يمدح فى الشخص اللى باعله و كان بيفهمه , انا حاسس انه حضرتك , هو انت اسمك الحقيقة ايه , الشخص اللى تعامل مع صاحبى اسمه طارق.
معلش انا عندى استفسار تانى طيب شركة ما
بيقولة عندهم مشاية متور امريكى ومحفور على الماتور الماركة مش عارفها انا محتارة اوى بتقولى هى مش صينى
هى امريكى