محتار جدا صنى و لا النترا

**mak134** · 07-05-2010 09:10 PM

السلام عليكم و رحمة الله و بركاتة

دلوقتى يا جماعة انا محتار جدا و محتاج مساعدتكو انا ان شاء الله ناوى اجيب عربية اوتوماتيك و حتار ما بين الصنى اللى 91000 و النترا اللى 97000 انا كدة كدة حاجيبها بالتقسيط ففرق السعر مش حيفرق اوى يعنى 100 او 150 فرق فى القسط الشهرى المهم انا اللى مخوفنى فى الصنى (استهلاك البنزين ودة نتيجو التكنولوجيا القديمة بتاعة الموتور و التقفيل المصرى و العفشة وسعر اعادة البيع) اما النترا (ان الشكل حايتغير كمان 5 شهور و مافيهاش abs +ebd+airbag .زى الصنى و كمان اغلى من الصنى 6000 او 7000 جنية و بعد كل دة كفاية غبور باشا و توكيلة اللى عايز الحرق ) انا محتار جدا مش عارف اعمل اية يا ريت يا حماعة تردو عليا عشان المفروض اشترى كمان يومين

**just_magdy1** · 08-05-2010 01:12 AM

مش لانى من ملاك الالنترا ... بس جقيقى الفروق كبيرة جدا بين الالنترا والصنى ..طبعا لصالح الالنترا ... هات الالنترا وان شاء الله مش هاتندم

**PoweRPassioN** · 08-05-2010 01:14 AM

برضو النترا رغم كل العيوب اللي قولتها

**etsh1413202** · 08-05-2010 01:36 AM

اكيد المقارنه هتبقى لصالح الالنترا .... انا نجرب الصني لفتره كبيره بصراحه مش قد كده يعنى لو هتجيب صني يبقى هات السوبر صالون

**mido_72** · 08-05-2010 11:21 AM

انا معاى النترا موديل 2008 الشكل الجديد مانيوال عامله دلوقتى 37000 كم و بصراحه مريحانى جدا الموتور ناعم و سحبه مش معقول 121 حصان الباور ناعم جدا و الدواسات و الفتيس ناعمين . شنطه كبيره و صالون واسعز
حتى الأن مغيرتش اي حاجه و لا اشتريت قطع غيار هو الزيت و فلتر الزيت بس. ده استغربته جدا لأنى كان المفروض على الأقل اغير تيل الفرامل لكن فى التوكيل قولو لسه بدرى عليه يمكن علشان مانيوال بس برضه مراتى معاها افيومانيول و كنت بغير التيل على15000كم.
فى المقابل الصنى كانت معاى فى الشركه . مانيوال برضه كان صوت الموتور عالى و الدواسات ناشفه. و تابلوه شكله قديم جدا.و فيها اصوات فى العفشه. باختصار انا محبتهاش خالص.

**mak134** · 08-05-2010 01:39 PM

متشكر اوى لكل واحد رد عليا يا جماعة و كل الاراء متجهة للالنترا مع انى كنت ميال للصنى اكتر عشان مكوناتة يابانى و هتعيش اكتر بس انا كدة هاعيد حساباتى تانى مع انى كنت عايز ابعد عن غبور بعد الكلام اللى سمعتة عن التوكيل هنا فى المنتدى

**etsh1413202** · 08-05-2010 05:22 PM

بص يا باشا سيبك من موضوع مكونات ياباني والكلام بتاع زمان ده....... بص حواليك في الشارع هتلائي نص العربيات في البلد منحصره في 4 ماركات وهيا كيا وهيونداي ودايو وشيفرولية ..(طبعا الاربعه كوري ) ويليهم الانسر طبعا والصيني بانواعه

يعنى بصراحه السوق في مصر والتوكيلات هنا خلت الشعب غير تفكيره تماما على موضوع يابانى والماني والكلام ده ......فا انت متفكرش كتير في المواضيع دي .... شوف الى انت مرتاحله ومشاكله قليله واتوكل على الله واشتري .

ولا تنسي الاستخاره

**megaman** · 08-05-2010 05:43 PM

النترااااااااا يا باشا هيونداى والله اسم كبير بس احنا اللى مش واخدين بالنا

**M.almaghraby** · 08-05-2010 06:00 PM

النترا او برسونا

**happpykiddd** · 08-05-2010 08:42 PM

انا معايا النترا وبجد عربيه ممتازه
قطع غيار متوفر فى كل حته وقطع غيار رخيصه جدا جدا
واستهلاكها فى النزين تحفه بصراحه انا كنت مفكرها 1300 سى سى بسبب استهلاكها
وسحبها تحفه هو كمان
تجرى ومتقولش لا بس طبعا لحد 180 بعد كده السحب يبدأ يقل يعنى لو حسبت بتوصل ل 180 فى اد ايه هتلاقيها بالثوانى من 0 - 100 فى 10 ثوانى بجد عربيه وهم

الموضوع: محتار جدا صنى و لا النترا

LinkBack

أدوات الموضوع

عرض

-

-

-

-

-

المواضيع المتشابهه

محتار بين النترا والسيراتو

محتار بين النترا & Gen 2

محتار شوية فى لون النترا

محتار اشترى النترا ولا ياريس

محتار بين اوبترا - نيسان - النترا

الكلمات الدلالية لهذا الموضوع

المفضلات

المفضلات

ضوابط المشاركة