الموضوع: محتار بين النترا & Gen 2

المشاركة الأصلية كتبت بواسطة mohammed_abas_7

مساء الفل يا جماعة

انا محتار اوى اوى اوى بين النترا وبين بروتون جين 2 , ومش عارف اجيب اية ؟؟
بس كنت عايز مساعدة منك عن اهم الفروق اللى بين العربيتين

ولا كدة هستنا لغاية موديلات 2010

بس كانت عايز اعرف موديلات 2010 هيبقا فيها تغير ولا اية . ومتأسف على الاطالة

محمد باشا
اهلا بيك فى المنتدى وان شاء الله كل الاعضاء يفدوك باقتراحتهم

الصراحة انا هكلمك على الجين 2 هى عربية جميلة جدا من ناحية الشكل والاداء
وامكانياتها من ناحية الاوبشنز تمام جدا بالمقارنة بسعر السيارة
يعنى عربية فول ابشن مانيول بتعمل معاك 84000 بدون اى خصم وبالخصم تقدر تنزل كمان لغاية 3000 ج وممكن استاذ ايمن معانا هنا فى المنتدى يدلك لتخفيض اكثر من كدة بس انتا توكل على الله وانوى واحنا كلنا هنسعدك ان شاء الله نرجع بقى للعربية
فيها التالى :
1- بور ستيرنج
2-ملتى فانكشن
3-عدد 2 ايرباج
4-تكيف
5-زجاج كهرباء امامى وخلفى
6-فوج لايت امامى وخلفى
7-سنسور ركن خلفى
8-ريموت وانذار
9-جنوط اسبور 195-60-15
10-فرام abs
مزايا العربية شكل جمالى رائع من الخارج
تحفة فنية من الداخل تصميم ثورى غير موجود فى كثير من السيارات المنافسة
نيجى بقى للتحكم والثبات
العربية بها بور اكثر من رائع ودركسيون سبور لسهولة التحكم فى المناورات
اما الثبات فمش هقولك عليه ماشاء الله تحفة
وبتجرى زى ما انتا عايز
بس خد بالك السرعة وحشة :k49:
عموما نصحتى جرب العربيتين ولو تحب تجرب عربيتى تحت امرك انا فى الخدمة
واكيد بعد متجرب العربيتين وتسال الناس وتشورهم تعمل استخارة وربنا هيدلك على الخير ان شاء الله
والسلام ختام
أسامة شحاتة

لو مش فارقة معاك مشاكل التقفيل زي الكنبة اللبتزيق ودركسيون بيخبط في اخرة والحجات دية هت بروتون جين 2
لو فارق معاك سعر اعادة بيع وتقفيل محترم هات النترا

أولا فيه فرق في السعر بين العربيتين الكاملين .
الجين 2 كاملة .......... أوتو مايتك ب 90 ألف جنيه .
الإلنترا ............ أغلى بكتير و برضه كماليتها أقل .

طيب تعالى نتكلم عن حاجة مهمة بعيد عن الكماليات و السعر .
مميزات الإلنتر ........
صالون أوسع ........ أريح في القيادة علشان عفشتها أنعم .
عربية متطورة و حاصلة على جوايز في أرض الصهاينة أمريكا .
موتورها أنعم و أقوى من موتور الجين 2 ....... 124 حصان تقريبا .
تكييفها قوي


مميزات الجين 2
ثباتها أحسن من الإلنترا قليلا .
صاجها أقوى و أمتن .
شكلها ...... ( أذواق طبعا ) أحلى و رياضي أكتر من الشكل العائلي للإلنترا في نظري .

و طبعا الأخ الكريم أسامة أتكلم بتفاصيل أزيد فوق عن كماليات و مميزات الجين 2

و في الأخر ........
شوف أنت محتاج أيه من العربية
عايز شكل رياضي و كماليات كتيرة ..... و جودة معقولة جدا ......و تقفيل متوسط و سعر معقول ......... يبقى الجين 2

عايز عربية تجميع بين الشكل الرياضي و العائلي و لكن تميل للعائلي أكتر ... و مستعد تدفع فرق السعر علشان خاطر الموتور الأقوى ....... و مستعد تضحي بشوية كماليات مش موجودة في الإلنترا .......... يبقى هات الإلنترا .

العربيتين ممتازين ......... و أختيارات كويسة .

الف شكر يا جماعة والله

بس انتم كدا قلقتونى فى موضوع عيوب التقفيل اللى فى بروتون جين 2

ومحدش اتكلم عن موديلات 2010 عن جين 2 والنترا

المشاركة الأصلية كتبت بواسطة mohammed_abas_7

الف شكر يا جماعة والله

بس انتم كدا قلقتونى فى موضوع عيوب التقفيل اللى فى بروتون جين 2

ومحدش اتكلم عن موديلات 2010 عن جين 2 والنترا

الموضوع مش كبير قوي كدا بس أحنا لازم نقول كل كبيرة و صغيرة خصوصا للناس اللي طالبة النصيحة علشان يكونوا على بينة .

أنا من الناس اللي معنديش أي مشكلة مع العربية إطلاقا و الحمد لله تعالى .
و فيه ناس كتير زيي .
و أغلب المشاكل بتاعة عيوب التقفيل دي هايفة جدا ...... و قليل لما تلاقي حد عنده مشكلة كبيرة .

موديلات 2010 هاتكون بنسبة كبيرة جدا زي 2009 بدون تغيير .

معرفش بصراحة معلومات عن موديلات الإلنترا و تجهيزاتها أو موديل 2010 ...... ادخل على قسم الهيونداي و الناس المحترمة اللي هناك هاتديك أي معلومة أنت محتاجها في المقارنة و أختيار سيارة المستقبل إن شاء الله .

انا من رايى يوم ماتقارن الالنترا تقارنها بكيا سيراتو نفس السعر و نفس الفئة

الجين 2 عربية تانية خالص غير الالنترا

الاخوة الكرام افادوك بصراحة بالردود و ربنا يوفق لما فيه الخير

الف شكر بجد يا جماعة