محتار بين النترا والسيراتو

**nice_manz** · 09-01-2011 02:44 PM

السلام عليكم و رحمة الله

والله يا جماعه انا محتار بين الانترا 2011 والسيراتو 2011
في ناس تقولي هات الالنترا ناعمة على الطريق وسريعة وتعرف تبيعها وقطع غيارها متوافرة في كل حته والتوكيل منتشر في كل حته والسيراتو ناشفه في المطبات.
وناس تقولي هات السيراتو قوية وثابته على الطريق وشكلها اشيك و صالونها فخم بس هات منها الخليجي الهاي لاين
مش عارف محتار اصد ق مين و اللا مين ياريت تفيدوني ربنا يكرمكو وشكرا

**macdiv** · 09-01-2011 03:10 PM

هو فعلا الاختيار صعب ..بس انت اللي هتختتار و بسهوله اوي بع ما اوضحلك شويه نقط حسب معرفتي و ركوبتي للاتنين ،،،
١- اول حاجه الالينترا بور كهرباء مش هيدروليك ..وده عيب مش ميزه
٢ - مفهاش وسائل امان لحمايه العربيه من السرقه ..ايموبليزر يعني ،،و عل المنتدى فيه كذا واحد معاه النترا ٢٠١٠ و اتسرقت منهم و مش عارفين يجيبوها
٣- مفهاش ايرباجات ...لا تعليق ... لو بيهمك الامان ليك و لاسرتك
٤- اختراع الاي بي اس ... اعتقد لسه موصلشي
٥- تكنولوجيا الموتور قديمه
٦- قطع الغيار زيها زي السيراتو اللي عقبال ماالضمان بتاعها يخلص هيكون السعرييين متساويين
طبعا انا مذكرتش السيراتو في النقط اللي فوق عشان كلها موجوده فيها طبعا
اذا السيراتو تكسب بجداره ،،، وربنا يوفقاك و لو عزت تعرف اي حاجه عنها العضو (نورمال) سيراتاوي قديم و حيادي و هيقالك على كل حاجه ،،ولو حبيت تروح للفيات مرحبا بيك عندنا ..انت تسال و نحن نجيب ...

**HeRo_LaNCeR** · 09-01-2011 03:16 PM

انا من رائي انك تجرب العربيتين وبعدها تاخد قرارك

**ahmedhossam86** · 09-01-2011 03:24 PM

سيراتو و تعالي شرفنا في القسم بتاعنا ;)

**nice_manz** · 09-01-2011 03:30 PM

شكرا ليك يا اخ macdiv على المعلومات القيمة دي لاني فعلا ان امان اسرتي مهم
وانا فعلا حخد بنصيحتك ونصحية بقية الاخوة في السيراتو
وشكرا على الردود الجميله

الاخ HeRo_LaNCeR انا فعلا جربت الالنترا ومعجبتنيش ومفهاش وسائل امان زي السيراتو

الاخ ahmedhossam86 لازم يا باشا انا اتشرف بحضرتك وشكرا ليك

بس ايه رايكم في السيراتو الخليجي الهاي لان في ناس كتير شكرو فيها كتير