الموضوع: موضوع شاغلني ومحتاج رايكم

مع احترامى لجميع الردود

بص يا استاذ احمد
فى العموم ماتقدرش تقول عليها ش-----* انت مالكش انك تحكم عليها
و كمان عشان تقول عليها كده محتاجين مسرح و ناس بتتفرج عليهم لغايه مايبقاش فيه حاجه تعدى بينهم (فاهمنى طبعا)

الحكايه مش بسيطه و انت ماتعرفش البيت فيه ايه و ماتعرفش اى تفاصيل فى حياتهم
لو انت متضايق من ان فيه واحد وواحده بيعملوا كده قريب منك ( و ده اكيد يضايق و اللى مستغربله انه فى اسيوط اللى اعرف ان هيه معقل الرجال) المهم ممكن تشوف الدوريه و تقول الراجل ده بيتردد على المتطقه و مريب
وهما يصرفوا حالهم بعيد عنك
بس انت تدخل او تضربه ده مش حل ينفع عشان انت اصلا مش ماسك عليهم حاجه ولو فضحتها انت ماتعرفش الملابسات افرض فضحتها جوزها قتلها؟؟؟!! افرض الراجل بيضحك عليها و بعدين هيه تتوب و ربنا يصلح حالها يبقى انت كده فضحتها و انت اصلا ماتعرفش حاجه

ياريت الناس ماتدخلش فى اللى هيه مالهاش فيه (مش بوجه الكلام ليك)
بس انت اللى بيضايقك منظرهم يبقى ابعدهم و خلاص بس تدور ساكنه فين وجوزها مين و تسأل عليها و تمشى وراها كده مش كويس خالص كده انت تلصصت عليها و ديه حاجه وحشه اوى فى الدين
صح ولا غلط؟ :)

المشاركة الأصلية كتبت بواسطة nabaster

وقالي قصة احد الصحابه لما جاله واحد بنته ارتكبت الفاحشه وكان عايز يقول للراجل الي متقدملها

راح الصحابي ضربه علي راسه بعصايه كانت معاه وقاله ربنا سترها ليه عايز تفضحها

a.yakout

أنا لا أعلم هذه القصة..ولا أظنها تثبت أصلا لأن هذا من خيانة الأمانة ويجب على الأب أو الولي أن يخبر الخاطب بالعيوب القادحة للمخطوبة كمثل هذا العيب وبالتالي فهذا الموقف إن ثبت فإنه مما لا يقتدى به لكونه مخالفا للقواعد المرعية المستقرة شرعا في أمر الزواج والخطبة

المشاركة الأصلية كتبت بواسطة mahmoudselim

وبعدين معلش حاجة تانية كمان.. مش كل حاجة بيعملها الصحابة لازم تكون صح 100% ( الرسول علية الصلاة والسلام) اخطأ في بعض الامور لانة بشر في الاول والاخر وهو خير البشر ,, عندك كمان الصحابة لما اخطئوا في غزوة احد وتسببوا في الهزيمة. المقصود ان ربنا مدينا عقل نفكر بية ودين نمشي علية, فكر بعقلك بس متبعدش عن منهج الدين

الرسول صلى الله عليه وسلم وسائر إخوانه من الأنبياء معصومون من الخطأ فيما يتعلق بتبليغ رسالتهم فلا يكتمون حرفا ولا ينسونه ولا يخطئون فيه لأن هذا يعد طعنا في رسالتهم وبالتالي طعنا في الذي أرسلهم سبحانه وتعالى

أما فيما يتعلق بأمر الدنيا المحض فالرسل بشر يصيبون ويخطئون ومن ذلك الأمور الفنية المتعلقة بالتجارة والزراعة ونحو ذلك..وأكرر الفنية وليس فيما له حكم شرعي..بمعنى أنه في الأمور المباحة فقط

أما الصحابة فهم خير من مشى على ظهر الأرض بعد الأنبياء وكلهم مبشرون بالجنة ولكنهم ليسوا بمعصومين، والله سبحانه وتعالى يوفق من عصى منهم للتوبة فلا يموت على معصية مصرا عليها صغيرة كانت أم كبيرة