و بدأت حكايتى مع اللوجان

**bishoy02010** · 19-05-2010 10:40 AM

المشاركة الأصلية كتبت بواسطة impra

انا لسه ما رحتش التوكيل ، لكن فى الايام الحر اللى فاتت تبين لى الآتى:
التكييف سيء و السبب أنه بيفصل على كتير بمعدل يشتغل 3 ثوانى ثم يفصل حوالى 10-15 و ده ظهر فى ال آر بى إم و انا واقف (يعلى و ينزل لوحده على طول).
أما صوت التكة اللى باسمعه فده صوت بدء عمل التكييف لما بيكون فاصل و علشان كده باسمعه دايماً على الأول و الثانى لأن صوت الموتور بيكون واطى و بأكون فاتح الزجاج علشان أخرج الهوا السخن
و جربت أن أكون واقف و فاتح الشباك و طافى التكييف و أول ما أشغله باسمع صوت التكة.
على فكؤة انا عامل باللوجان 1250 كم دلوقتى و السحب و نعومة الفتيس احسن بكتير من الأول و ما حصلش معايا عضة المارشدير الا مرة واحدة

حضرتك التكيف عندك فيه شحن فريون زيادة وهوه اللى بيعمل كده عدى على التوكيل 10 دقايق هيتظبط ومش هيفصل ويشتغل كل شويه

**lordfear** · 19-05-2010 10:53 AM

المشاركة الأصلية كتبت بواسطة impra

واسعة من جوة (اوسع من الفيرنا)

سعر قطع الغيار غالية عن اللوجان

معلش بس مش فاهم دول

**Impra** · 19-05-2010 11:07 AM

آسف هناك خطأ فى الكتابة:
عند المقارنة مع الفيرنا:
اللوجان اوسع بكتير من الفيرنا من حيث الشنطة و الكابينة من جوة و دى علشان اللوجان أعرض من الفيرنا و أيضاً لأن الفيرنا الكبوت بتاعها كبير و واخد جزء كبير من العربية على عكس اللوجان و كمان اللوجان عالية و الكابينة بتاعتها سقفها عالى فبتدى وسع جميل من جوة
اما قطع غيار الفيرنا فارخص بكتير من اللوجان

**lordfear** · 19-05-2010 11:35 AM

المشاركة الأصلية كتبت بواسطة Impra

آسف هناك خطأ فى الكتابة:
عند المقارنة مع الفيرنا:
اللوجان اوسع بكتير من الفيرنا من حيث الشنطة و الكابينة من جوة و دى علشان اللوجان أعرض من الفيرنا و أيضاً لأن الفيرنا الكبوت بتاعها كبير و واخد جزء كبير من العربية على عكس اللوجان و كمان اللوجان عالية و الكابينة بتاعتها سقفها عالى فبتدى وسع جميل من جوة
اما قطع غيار الفيرنا فارخص بكتير من اللوجان

خضتنى

انا قلت انت اشتريت عربية تانية

**kojo2010** · 19-05-2010 12:26 PM

انا مش عارف ليه حاسس ان العربيه دى كلها مشاكل من كلام الاعضاء

**lordfear** · 19-05-2010 10:47 PM

المشاركة الأصلية كتبت بواسطة kojo2010

انا مش عارف ليه حاسس ان العربيه دى كلها مشاكل من كلام الاعضاء

حسيت اية حضرتك ؟ ايه اللى اوحالك بكدة

يمكن نستفاد معاك

**ahamed7405** · 19-05-2010 11:02 PM

المشاركة الأصلية كتبت بواسطة kojo2010

انا مش عارف ليه حاسس ان العربيه دى كلها مشاكل من كلام الاعضاء

مفيش مشاكل ولا حاجة حضرتك هتلايها مشاكل ثابتة فى العربية ذى عضة الفتيس و السخونة الى عند دواسة البنزين و الحمد لله مش فى كل العربيات .
غير كده لو حضرتك دخلت اى قسم فى المنتدى هتلائى مشاكل برضة فى كل العربيات

**Impra** · 27-05-2010 10:49 AM

انا رحت للتوكيل الاسبوع اللى فات علشان موضوع التكييف
وصلت فى الميعاد على الساعة 10 و نصف و استقبلنى المهندس صلاح و هو بصراحة راجل محترم ، قلت له على المشكلة و سجلها و اخذ كمان الرخصة و صورها علشان يسجل العربية فى قاعدة البيانات بتاعتهم.
فى الأول قاللى ان عندهم زحمة و علشان كده الموضوع هيطول و هاستلم العربية الساعة 2 و نصف و بعدين فى الآخر قاللى ان شاء الله تكون بدرى عن كده
و دخلت العربية جوه و انتظرت انا هناك . المكان زحمة و لكن فيه تكييف كويس و شاى و قهوة و كمان واى فاى مجانى و اللى مش معاه لاب توب ممكن يستعمل كمبيوتر هناك برضه مجاناً.
الساعة 12 الا ربع خرجت العربية من جوه لكن قالوا لى لسه امر الشغل ما خرجش و لما يخرج هيندهوا عليك فى الميكروفون
و سالت المهندس صلاح عن المشكلة اللى فى العربية فقال ده شحن فريون زيادة و هيتظبط
و استنيت تانى و انا متضايق و استنيت و استنيت و رحت للمهندس صلاح حوالى 4 او 5 مرات علشان العربية و قال لى انه هيسأل عن امر الشغل
و استنيت و انا هافرقع لحد ما أخذت العربية الساعة 2 و نصف و هى خالصانة من الساعة 12 الا ربع و كنت ناوى اتخانق مع اى حد

**Impra** · 27-05-2010 10:52 AM

بعد تظبيط الفريون: التكييف بقى احسن بكتير و معقول جداً لكن طبعاً مش زى البيكانتو اللى معايا و النتشة برضه اختفت

**Impra** · 31-05-2010 12:36 AM

انا باسمع طقطقة جاية من عند الموتور و التكييف لما باكون مشغل التكييف و ابطل بعدها العربية (صوت شبه حديد بيسخن أو سخن أوى و بيبرد)
هل الصوت ده عادى ولا محتاج اروح التوكيل تانى