ياشمهندس عاطف هل من الممكن أجراء صيانات الالنترا الحليجى بالتوكيل وذلك طبعا بمقابل مادى وذلك بدلا من البحث عن ميكانكية تحت السلم واللعب بسيارة جديدة بدون خبرة أو كفائة فنية أعتقد أن السيارة هيونداى ومن واجب غبور الاهتمام بها أيضا وهذا سوف يكون بمقابل مادى طبعا للعلم السيارة احضرتها معى من السعودية فهل اتركها لمن هب ودب ليخرب بها ام اذهب بها الى التوكيل
م/عاطف اشكر لحضرتك الاهتمام ولكن حدث مشكله عند صيانه 15000 كم ر النترا موديل 2008 حيث وجدت زيت على الموتور بعد الصيانه مع وجود صوت عالى للموتور
قمت بالعوده مره اخرى ل ابورواش قاموا بغسل الموتور ولا يزال صوت الموتور كما هو + باور الدركسيون اصبح ثقيل برجاء الافاده
م/تامر ابراهيم المغازى
موبايل 0111160180
السلام عليكم . مؤخرا أنضميت لفريق الفرناوية في نايل موتورز . اشتريت من حوالي شهر فيرنا 2010 مانيوال فول اوبشن . عاملة لحد دلوقتي 1640 كيلومتر .وهي بصراحة عربية جميلة ولكن و اه من كلمة لكن صادفتني مشكلتين و كنت عاوز أعرف اعمل ايه ؟ . اولا : الدريكسيون ما بيتحركش لا لفوق ولا تحت . المفروض في الفول أوبشن تقدر ترفع الدريكيسيون او تنزلة لكن الدراع المسئول عن تحريكة طبقا للكاتلوج ماسك حديد .
ثانيا : فوجئت أن زجاج الكهرباء لباب الراكب بجوار السائق تقيل جدا في الطلوع وساعات بيعلق بينما في النزول فريررة وبصراحة انا متضايق جدا و خاصة ان العربية يدوبك ما كملتشي شهر ولسه عامل صيانة الالف .ألحقني يا باشمهندس عاطف وشكرا .
عناية المحترم المهندس عاطف
تحية طيبة وبعد
انا والدى عنده النترا مانيوال 2007 واخى عنده النترا مانيوال 2009 ولحبى الشديد فى العربية دى وفى تعامل التوكيل فى ابو رواش باستثناء الانتظار فى بعض الاحيان خصوصا ايام الجمعة والسبت المهم اشتريت النترا 2010 اوتوماتيك الملاحظه ياباشمهندس ان الفرامل ضعيفة شوية عندى بالنسبة للنفس النوع بس المانيوال فى المانيوال مجرد لمسه صغيره العربية بتكلبش فى الارض بس عربيتى الاوتوماتيك لازم ادوس سنه زياده علشان تتوقف العربية لسه فى التليين وزى التعليمات مش بادوس على الفرامل فجأة بدون داعى علشان التيل يطبع براحته عموما اسف للإطاله بس السؤال هل ده راجع لأن العربية اوتوماتيك والا فى عيب فى الفرامل يعنى مثلا واخده هوا كمان وانا برخص فى المرور لاحظت ان الموتور مترب ومتسخ جدا وده مضايقنى انى ما شوفتوش وانا باستلم العربية والعربية عامله 700 كيلو لغاية دلوقتى ارجوك تطمنى ياباشمهندس واسف لازعاجك ومقدر تعبك طبعا
ياشمهندس عاطف هل من الممكن أجراء صيانات الالنترا الحليجى بالتوكيل وذلك طبعا بمقابل مادى وذلك بدلا من البحث عن ميكانكية تحت السلم واللعب بسيارة جديدة بدون خبرة أو كفائة فنية أعتقد أن السيارة هيونداى ومن واجب غبور الاهتمام بها أيضا وهذا سوف يكون بمقابل مادى طبعا للعلم السيارة احضرتها معى من السعودية فهل اتركها لمن هب ودب ليخرب بها ام اذهب بها الى التوكيل
باشمهندس عاطف برجاء الرد على هذا الموضوع لأنى قلقان فعلا....الحمدللة العربية كويسة جدا ألى الان ولكنى عايز اعمل الصيانات الدورية وتكون بأيد فنية وعلى فكرة انا من السويس برجاء تصيحة حضرتك بخصوص هذا الموضوع
الأخ المهندس عاطف عبدالسميع
الأخوة الأعضاء مالكى هيونداى فيرنا
أولا: شكرا جزيلا للمهندس عاطف و لإدارة المنتدى على هذه الخدمة الممتازة
ثانيا : عندى فيرنا 2008 و من يوم ماشتريتها و أنا برخصها فى مرور الأسكندرية و لاحظت صوت خشونة فى الطنابير الأمامية و رحت التوكيل تانى مباشرة و قابلنى المهندس جمال (على ما أذكر ) و قاللى ده فى الأول و لما تمشى الصوت هيروح -- قلتله يعنى هيطبع (مصطلح بيتقال على التيل الجديد كنت فاكره كده) فهو أومأ بإنه حاجة زى كدة و دلوقتى العربية عاملة 26000 و لسة فى صوت
ثالثا : الفرامل بعد شوية كدة أصبحت وحشة جدا و بتحجر و مابتربطش و لو كنت ماشى على 70 و دوست جامد الفرامل بتجر و العربية لا تقف إلا بعد مدة طويلة و لازم أكارك و إلا حيطلع صوت الخشونة بتاع الطنبور المذكور فى أولا
أنا ماشى على جدول الصيانات زى الألف و طلبت ضبط الفرامل كذا مرة منهم ما ينسى تماما و كأن ملاحظة الفرامل دى مكتوبة بحبر سرى و منهم مرات ألاقى الفرامل محجرة أكتر لما أطلع من التوكيل و بعدين ترجع لعادتها
فى الأخر فكرت أصلح برة برغم إنى لسة فى الضمان لحد ما لقيت الموضوع ده قلت هو ده اللى هينصفنى
فيا ريت يا باشمهندس عاطف توصيهم عليا خصوصا إنى باقيلى حوالى شهر على نهاية الضمان
علشان أنا سمعت إن فرامل الفيرنا وحشة بس مش ممكن للدرجة دى و يا ريت نقدر نغير هذة الفكرة دى عند العملاء
و لكم منى جزيل الشكرو جزاكم الله خيراً
آسف جدا اللى قابلنى وقاللى "ده فى الأول و لما تمشى الصوت هيروح " ليس المهندس جمال لأنى رحت الأمس التوكيل و نادوا على المهندس جمال و إكتشفت إنه مش هو اللى بتكلم عليه بل بالعكس ده المهنس جمال هو أكتر الموجودين تعاونا و حسن معاملة
آسف جدا و ربنا يجازيه كل خير
الحمد لله رب العالمين
------------------------
قال رسول الله صلى الله عليه وسلم: رغم أنف رجل ذكرت عنده فلم يصل علي ، و رغم أنف رجل دخل عليه رمضان ثم انسلخ قبل أن يغفر له ، ورغم أنف رجل أدرك عنده أبواه الكبر فلم يدخلاه الجنة
------------------------ كيف تحافظ على صلاة الفجر - د. راغب السرجانى
بالنسبة للخليجي مش هانقدر نعلمها صيانة عندنا بغبور ... للأسف الشديد يوجد مشاكل كبيره تتعلق بموضوع صيانة الخليجي ... المسألة مش بس أن العربية اتباعت خارج التوكيل و أنما أمور تانية ... ممكن تعمل الخدمة عند مركز خدمة معتمد و عندك بالسويس الغالي بالصنايعية ...
تحياتي
المفضلات