طبعا ياباشا ..... و نعم بالله
و ان شاء الله نجتمع على الخير دائما :36_7_4[1]:
لو سمحتم السياره عندى بتدب فى الخلف جامد ويتحك فى المطبات خصوصا وانا معايا اى حد عكس وانا لوحدى
واحد قالى هات جوز مساعدين كى واى بى يابانى جبتهم وركبتهم الهبد قل بنسبة 80% بس بعد شهرين رجع تانى ومش عارف اعمل ايه فى صنايعى قالى ان السوست هى الى بايظه وكان لازم الى ركب المساعدين يقولك على السوست لانك كده محمل على المساعدين بس والسوست منظر
مش عارف الكلام ده صح ولا لأ
لو حد عنده نصيحع يقولى علشان موضوع السوست ده مكلف وخايف ما يكونش هو السبب وشكرا للاهتمام
طالما الهبد قل بالنسبة دي و رجع تاني ... أكيد المساعدين اللي ركبتهم فيهم علة ... و مش بالضروري كل اللي بيقولوا عليه ياباني يكون ياباني ... العربية أصلها كوري ...
تحياتي
شكرا على الرد بس انا فعلا محتار الميكانيكى هو الى قالى الهبد فى الاكسنت مساعدين وما تركبش حاجه غير اليابانى حتى الكورى والصينى كله زى بعضه انا اضمنلك اليابانى وفعلا الهبد قل جامد بس رجع تانى والعربيه فى اى مطب بتحك من الخلف خصوصا مع وجود اى فرد معى بالسياره وفى واحد بتاع عفشه ومساعدين هو الى قالى على موضوع السوست دى تفتكر هاتجيب حل ولا لأ
ولو سمحت لو هاتتجاب اجيبها نوع ايه ومنين
شكرا على الاهتمام بارك الله فيكم جميعا
:ask:ازيك يا بشمهندس
انا امبارح كنت فى مركز غبور قليوب و عملت صيانة ال100000 للاكسنت 1500 99 المهم ابلغونى ان الدبرياج عايز يتغير الحقيقة انا اتفاجئت مع انى عمري مااشتكيت من الدبرياج و مش عارف اغيرة ولا ممكن يكون جزء بسيط هو الى عاوز يتغير ودة ممكن يتكلف كام فى التوكيل
شوف التعليق نوعين أما عادي أو جامد .. بمعني تعليق مش هيخلي العربية تهبد .. بس هتلاقي نفسك زي اللي راكب بلدوزر .. و نوع مرن بس أكيد بيتأثر بالحمولة .. ممكن طبعاً تنشف تعليقك .. بس العربية هاتتعب ظهر اللي راكبين فيها .. نصيحتي بلاش نلعب في الحتة دي خالص .. و خصوصاً السوست .. هات العربية لأي مركز خدمة نكشفلك في الأول علي المساعدين و لما نلاقي انها المفروض تتغير .. وقتها ممكن نقولك أفضل الأنواع ..
تحياتي
شوف الدبرياج لما بيقل عمره الأحساس بيه بيكون صعب .. لأنه بينقص معاك بالتدريج مش فجأه .. و علشان تحس بيه لازم تقارنه وقت ما كانت العربيه جديده .. لكن لازم يحصل تآكل للتيله حتي و لو طال العمر التشغيلي ليها .. و أنا من رأيي أن 100000 علي الدبرياج هايل جداً .. أنصحك بتغييره .. و خصوصاً أنه هايأثر علي أستهلاك البنزين عندك ..و كلفته مش كبيره .. ما تقلقش
تحياتي
:3mla:انا الحقيقة مش عارف العربييةبتسحب و لأ اصلي مش باقلي كتير بسوق و مش عارف اعمل اية
معلش يا بشمهندس الطقم كلة ولا جزء بسيط