-
السلام عليكم
اولا شكرا لتفاعل حضرتك
ثانيا كان عندي استفسار واتمنى ان حضرتك تجاوبني عليه
واحد اعرفوا محتاج سدر لعربيه I10 كنت عاوز اعرف
سعرو وهل هو موجود ولا لا ؟
شكرا يا فندم
-
شوف .. أنا هاتابع مع قطع الغيار و أشفهولك .. و هاحاول كمان أوصلهولك لأقرب موزع قطع غيار ليك علشان أوفر عليك المشوار ... يا ريت تكلمني علشان أسج تليفونك و أرتب معاك .
تحياتي
-
كابل السرعة لـ Atos 98
91 جنيه بدون الضريبة - متوفر
سدر أو صدر I10
1570 جنيه بدون الضريبة - متوفر
تحياتي
-
الباشمهندس \ عاطف : صباح الخير
أشكرك على اهتمامك .. وأرجو من سيادتكم وصف أقرب مكان لشراء كابل السرعة وتركيبه فأنا جديد فى استخدام الهيونداى ولا أعرف أماكن صياناتها أو المراكز المعتمدة ..
أنا ساكن فى المعادى ..
مرة أخرى شكرا لردك
-
باشمهندس عاطف أنا اتصلت بمركزين خدمة : الأقصى للسيارات فى زهراء المعادى ومودرن اوتوموتيف القصر العينى علشان سلك السرعة قالولى مش موجود .... أعمل ايه ؟؟؟؟؟
-
لا ... موجود .. و يفضل تيجي أبو رواش نغيرهولك .
حياتي
-
عاطف باشا,واضح كده انك ممكن تكون الشخص الوحيد اللى هيقدر يرد على سؤالى انا مشكلتى مش صيانة .مشكلتى بكل بساطة انى نفسى اشترىالنترا 98 اوتوماتيك و مش لاقى حد يرد عليا رغم انى فعلا بعت اكتر من اربع رسايل بخصوص الموضوع ده لدرجة انى خايف اكون انا الوحيد اللى معاه العربية دى بعد ما اشتريها من صاحبها . ياريت بعد اذنك تجاوبنى على الاسئلة دى :
-قطع غيارها موجوده و لا لاء&استيراد و لا جديد&
-فى عيوب معينة لاحظتها فى الموديل ده ؟
-الاوتوماتيك على العربية قوى و لا ضعيف و هل ينفع اكشف على الفيتيس فى التوكيل ؟
-و اخيرا سعرها لو حالتها كويسة تبقى بكام ؟
-و اخيرا انا ناوى اتفرج على عربية يوم الاحد و يارب الحق اشوف ردك قبل ما اروح
و كل عام و انتم بخير
-
انا لسه جايب عربية زيرو جديدة من 5 شهور فيرنا 2009 من معرضكم بالمعادى
ولكن روحت كذا مره لمركز الصيانة بقليوب واشتكى من الفرامل.
لأن اول ما جبتها كان بمجرد لمس الفرامل كانت تهدى ولو ضغط شوية صغيرين تقف العربية
لكن بعد ال 5000 حسيت ان الفرامل بتاخد مسافة كبيرة علشان تقف
وقوتها الكانت فى الاول راحت
وكل ما اروح يعملوا رجلاش خلفى وهما اقنعونى انه ده الطبيعى وبالذات المهندس كرولس
لحد ما الحمد لله العربية عملت بها حادثةمن يومين بس العربية بازت من الامام لنى ملحقتش اقف
فرجوا لو حضرتك تقولى ايه المقياس للفرامل يعنى امتى أأقول انه كويسه او لأ؟
مع العلم انه الفرامل بتاخد تقريبا نص المسافة لتحت علشان تبتدى توقف والزيت مضبوط وكل حاجه
ثانيا انا لما العربية بازت طبعا عندكم الهياكل - لأنى مامن تبعكم تبع حاجه اسمها الجمعية المصرية ،، فهل عند حضرتك معلومات يعنى ايه نظام التامين ده لنى اول مره استخدمه واول سنة ومش عارف هل الناس ديه بتتاخر ولا ايه؟؟؟؟؟؟؟؟؟؟؟
وشكرا على المنتدى الجميل والمفيد جدا جدا جدا
وشكرا لأهتمام حضرتك
-
مبروك عليك أولا
موضوع الفرامل لا يمكن الفتوي فيه عمياني ... لازم تجيب العربية لمركز الخدمة ... علشان نكشف و نشوف ... و لمعلوماتك الفرامل تحديدا في العربية بيتعمل ليها مليون حساب في التصميم
تحياتي
-
عزيزى مهندس عاطف شكرا على الاهتمام بمشكلتى ولو انى كنت اتمنى ترد عليا فى موضوع السوست دى
على العموم انا هاجيب 2 من التوفيقيه ب 150 وهاركبهم ب 50 جنيه
يعنى هايبقو 200 جنيه اهى مغامره وهاشوف العربيه هاتتظبط ولا لا اتضبطت يبقى خير وبركه واهم يمشونى شويه وابقى احكم عليهم
ولو ما اتظبطتش يبقى هاجيبهم من عنكم ب 700 واركبهم ب 50 يبقى ركبتهم ب750 فوق ال 200 يعنى تقريبا زى 880
اسف على الاطاله وشكرا لاهتمام سعادتك وربنا يباركلك ويساعدك على خدمة الناس واكيد هاقولك على النتيجه
Content Relevant URLs by
vBSEO 3.6.0 PL2