كل عام و أنت بخير ... أرجو أحضار سيارتك لأي من مركز قليوب أو أبو رواش بالقاهرة أو أسكندرية (السلطان حسن) ...
تحياتي
رقم العضوية : 9541
تاريخ التسجيل : 25Apr2008
المشاركات : 9
النوع : ذكر
الاقامة : cairo
السيارة: matrex
السيارة[2]: Matrex
الحالة :
السلام عليكم
كل عام وانتم بخير
عندى استفسار للباشمهندس عاطف
انا عندى ماتريكس من شهر 5 / 2008 والمشكلة من اول شهر لاحظتها فى الكلاكس بيعلق مرة يشتغل ومرة يقطع لمدة يومين مثلا ثم يعود لوحدة وانا مش عارف السبب وفى صيانة 1000 قلت دة قلولى حنشوف ومفبش مشاكل واشتغل شويه ورجع تانى مش عارف ده من ايه
ارجو الإفادة اذا كان فى حاجة ممكن اعملها وشكرا جزيلا
رقم العضوية : 4779
تاريخ التسجيل : 23Jan2008
المشاركات : 318
النوع : ذكر
الاقامة : Cairo
السيارة: Hyundai Elantra
السيارة[2]: Hyundai Matrix
الحالة :
كل عام و أنت بخير ... أرجو أحضار سيارتك لأي من مركز قليوب أو أبو رواش بالقاهرة أو أسكندرية (السلطان حسن) ...
تحياتي
Atef Abdul Samie'a MHyundai CRM ManagerGB AutoMobile phone: 0126778884
رقم العضوية : 16096
تاريخ التسجيل : 10Aug2008
المشاركات : 15
الحالة :
ارد الاستفسار عن شيء مهم
السيارة الانترا ايه الفارق بين الخليجي و الوكيل علي العلم ان الخليجي تاتي بكماليات اعلي مثل الجنوط و فتحة السقف و اير باجز و سيارة الوكيل ليس بها هذه الكماليات
و لماذا غبور تمتنع عن صيانتها ارجو الرد ضروري لاني علي وشك شراء النترا 2009 و لا اعرف ما الفرق بين الاثنين علي العلم ان الخليجي يمكن عمل صيانتها في ابو غالي و كثير من المراكز .
و شكرا
رقم العضوية : 3233
تاريخ التسجيل : 16Nov2007
المشاركات : 4,415
النوع : ذكر
الاقامة : El Haram
السيارة: FSO Polonez 1990
السيارة[2]: Hyundai Verna 2008 LS
الحالة :
الراجل ده يا جماعه لو اتكلمت للصبح مش هيوفي الجمايل بتاعته
تليفونات للساعه 2 بالليل و فضل معايا لغايه اما المشكله اتحلت
الف شكر يا باشمهندس بجد من كل قلبي
رقم العضوية : 9541
تاريخ التسجيل : 25Apr2008
المشاركات : 9
النوع : ذكر
الاقامة : cairo
السيارة: matrex
السيارة[2]: Matrex
الحالة :
شكرا يابشمهندس عاطف على إهتمامك وأنا إن شاء الله حتصل بحضرتك بعد مأذهب لصيانة 10000 لو فى أى مشاكل شكرا لك
رقم العضوية : 17579
تاريخ التسجيل : 31Aug2008
المشاركات : 52
النوع : ذكر
الاقامة : الاسكندرية
السيارة: شيفرولية اوبترا
السيارة[2]: دايو نوبيرا 2008
الحالة :
يا ريت يا باش مهندس عاطف تقولنا حكاية الفرق بين الالنترا المصرى و الخليجى و ياترى ليها صيانة فى غبور و لا لآ ؟؟؟؟؟؟؟
و ايه السبب ؟؟؟؟؟؟
رقم العضوية : 2035
تاريخ التسجيل : 03Sep2007
المشاركات : 51
الاقامة : Cairo
الحالة :
السلام عليكم،
كل سنة واسرة نايل موتورز وكل الأعضاء بخير وسعادة. احب في البداية اشكر مهندس عاطف على مجهوده الجبااااار اللي لاحظته من مشاركات الاخوة الاعضاء...في الحقيقة انا ليا اكتر من مشكلة مع عربيتي الفيرنا موديل 2008 كاملة مانيوال عاملة دلوقتي 18000:
1- صوت زنة في التابلوه
2- غيار الريفيرس مش بييجي بسهولة - احيانا- لدرجة اني في بعض المرات بحاول معاه 3 مرات واكتر
3- العجلتين الاماميتين اتاكلوا من الداخل (الجنب اللي ناحية الرفارف من جوة)
4- عايزة ظبط زوايا كل 2000 كم وبعد كده تبدأ تعمل اصوات طول ما هي ماشية ومع الملفات والفرامل الخفيفة
5- انا حاسس ان الفرامل فيها مشكلة واتسببت في اني عملت حادثة لان الفرامل ملمتش كويس (معنديش خبرة كبيرة في العربيات)
6- في صوت فظيع طالع من العجل من ناحية الشمال زي صوت تكتكة طول ما انا ماشي في الاول فكرت في حاجة في العجل نزلت وبصيت ومشيت ايدي على العجل كويس وغسلته كويس والصوت لسة موجود بالعكس ده بقى بيزيد مع الوقت
7- من بعد الحادثة اللي حصلتلي وانا بلاقي الزجاج الداخلي بيتوسخ كتير اوي زيادة عن الطبيعي فمش عارف الحادثة دي ممكن تكون اثرت على ايه؟ (الحادثة كانت في الاكصدام الامامي ناحية اليمين - الاكصدام اتكسر و الرفرف اتعوج وبالتالي غطاء الكبوت مبقاش مطبع في مكانه زي الاول)
8- بجد بتاكل بنزين بشكل فظيييييييييييييع
9- بعد ال 120، الطارة بتتهز جامد جدا
بالمناسبة، أنا كنت اشتكيت قبل كده من موضوع الحدفة في صيانة الالف وكانت النتيجية اني رجعت من التوكيل بمشكلة جديدة فبعت ميل لمركز خدمة العملاء وبصراحة الناس اهتمت وحاولوا يعملوا اللي في ايدهم عشان يحلوا المشكلة... انا بس كان نفسي يبقى ده هو الطبيعي مش لازم شكوى الاول عشان اخد الخدمة اللي بدفع تمنها .... مع احترامي الكامل غبور مش بيعمل حاجة لوجه الله ولا هو مديني العربية ببلاش ولا بيعملي الصيانة بمقابل بسيط بالعكس دول أغلى من توكيلات كتيييير... فياريت ناخد خدمة توازي اللي بندفعه فيها
ليا ملاحظة أخيرة، المفروض ان كل الناس تتعامل في التوكيل بنفس الاسلوب بغض النظر هما يعرفوا مهندس فلان او علان ... ده رأيي.
وشكرا ليك مقدما على اهتمامك
مهندس/ أحمد فؤاد
رقم العضوية : 20996
تاريخ التسجيل : 04Oct2008
المشاركات : 4
النوع : ذكر
الاقامة : alexandria
السيارة: atos
السيارة[2]: atos
الحالة :
السلام عليكم و رحمة الله
اولا احب اشكر م/كريم منير
وكذلك المهندس عاطف
وانا عندى بعض الملاحظات مش عاوز اقول شكاوى بس قبل ما اقول ملاحظاتى ا
حب اقول ان المهندسين فى مركز خدمة اسكندرية بيعاملونا كويس جدا و فى منتهى الادب و دى حقيقة مش مجاملة
نيجى بقى للملاحظات
1- اولا ليه مانعين ان صاحب السيارة يتابع سيارته اثناء اعمال الصيانة عشان يبقى مطمن حتى و يبقى شايف بعينه اللى بيتعمل فى عربيته(لان الوقاية خير من العلاج)
2-عيب جدا على مركز خدمة فى محافظة زى اسكندرية و بيخدم عدد كبير جدا من العملاء انه ميكنش فيه جزء خاص للسمكرة و الدوكو لان الواحد مش المفروض يسافر عشان يعمل خدش مثلا و الا حيضر يعملة بره التوكيل
3- فيه ملحوظة عامة من ناس كتير جدا من الاخوة المشاركين و غيرهم ان العربيه تدخل مركز الخدمة فيها عيب تطلع باتنين او تلاته أو يفضل العيب زى ما هو .لدرجة انى بقيت قلقان اروح مركز الخدمة
و شكرا جزيلا لسيادتكم على مجهودكم الرائع مع الاخوه المشاركين و اتمنى الرد على ملاحظاتى
ملحوظة عندى سؤال فنى يخص عربيتى هل اسالة هنا وللا فين
سلام عليكم
رقم العضوية : 10011
تاريخ التسجيل : 03May2008
المشاركات : 370
النوع : ذكر
الاقامة : cairo
السيارة: avio
السيارة[2]: matrix
دراجة بخارية: دراجة نارية
الحالة :
الاخ العزيز المهندس عاطف معلش انا عارف ان مشاغلك كتير بس معلش انا حتعبك باستفسار ، انا عندى ماتركس 2008 ولسة العربية مخبوطة و هى راكنة تحت البيت طبعا فيها رفرف يمين و فنوس و شنطة والله واعلم العفشة فيها حاجة ولا لا و العربية متامن عليها و عملت محضر كنت عايز اعرف اعمل اية يعنى اجى ابورواش الاول ولا اروح شركة التامين و بعد كدة هى تاخذ وقت قد اية
رقم العضوية : 2035
تاريخ التسجيل : 03Sep2007
المشاركات : 51
الاقامة : Cairo
الحالة :
انت مقولتش انت مأمن مع شركة ايه؟ عشان الأعضاء اللي مأمنين في نفس الشركة ممكن يساعدوك في الاجراءات اللي المفروض تعملها. بس غالبا انت لازم تروح شركة التأمين الأول (إلا لو انت مأمن مع غبور نفسهم فمعرفش هيكون ايه النظام) تعمل إخطار حادث وبعد كده بتروح التوكيل وبيعملوا مقايسة وبعد كده بيروح مندوب شركة التأمين عشان يصدق على اللي هيتعمل او - كالعادة- يحاول يقلل التكاليف اللي هما هيتحملوها على قد ما يقدر والله أعلم.
المفضلات