البطارية نامت والسيراتو ما دارتش !!!!!!!!!!

**waleedelpiloot** · 09-05-2010 02:00 AM

المشاركة الأصلية كتبت بواسطة normal

طب سؤال بيلح عليا
لما هو فيوز و ضرب طب مغيره :)
ألحم سلكه بداله ليه يعنى :)
ولا أنا مش فاهم :)

الكلام الى قولتوا دة يا نورمال على قد ما فهمت منوا انوا بيلحم القطع دة
يمكن مثلا ما يقدرش يغيرة لانة ثابت فى مكانوا او لانةلية نوع معين مش موجود برة فى المحلات الا التوكيل الله اعلم

**waleedelpiloot** · 09-05-2010 02:02 AM

المشاركة الأصلية كتبت بواسطة m7amd_7amdy

انا ماليش فى الكهربا بصراحة

بس هو لحم سلكة بـ 200 جنيه؟

ده غلب التوكيل فى الأسعار

مش احسن ما ادفع 2000 جنية وانتظر كمان شهر واكتر
ما انتا عارف التوكيل مش بيصلح حاجة شيل وركب جديد على طوووووووول

**tamernor** · 09-05-2010 09:14 AM

الفيوز هو خط الدفاع الاول لاى دائرة كهربية وهو مسئول عن حماية مكونات الدائرة من أى امبير عالى عن المصمم عليه وعشان كدا انصحك انك تكشف على كهربه العربية لان ال حصل فى الاول وطير الفيوز وارد يحصل تانى بس المره دى انت حطيت سلكه هتتحمل الامبير العالى وتعدى الضرر على مكونات وحدة الكنترول عشان كدا لازم تكشف على كهرباء العربية وتحدد المشكلة فين عشان تتجنب مشكلة اكبر
وبعدين يا جماعة لما البطارية تنام يا ريت ما ندهاش شحنة وهيا متوصلة ع العربية المفروض نفصل البطارية عن العربية واشحنها بره واستنى عليها شوية لغاية الشحنات (+&_) ما تتوزع بانتظام ف البطارية وبعدها اجرب

**bassemforever** · 09-05-2010 09:54 AM

لو كان الفيوز ملوش لزمة كانوا عملوها هما سلك من الاول وبلاش نخلى الصنايعية الصغيرين يشغلوا الدماغ الفهلوية بتاعتهم ولو مش عايز توكيل اوكية روح مركز صيانة كبير وبيتعامل مع عربيات زى دى وعنده امكنيات ومهندسين مش ميكانيكي ولا كهربائى خلى بالك لان دة ممكن يكلفك اكتر بعد كدة

**mameen** · 09-05-2010 10:38 AM

السلك دة حاجة خطيرة جدا لان مصدر العطل لسه موجود
واللي بيحصل ان الكهربا بتعلى عشان كدة الفيوز بيضر ليحمي ما بعده
وفي حاله السلكة لو الكهربا زيادة حتعدي للكنترول يونيت وتطيرها مباشرة

**waleedelpiloot** · 09-05-2010 11:06 PM

المشاركة الأصلية كتبت بواسطة tamernor

الفيوز هو خط الدفاع الاول لاى دائرة كهربية وهو مسئول عن حماية مكونات الدائرة من أى امبير عالى عن المصمم عليه وعشان كدا انصحك انك تكشف على كهربه العربية لان ال حصل فى الاول وطير الفيوز وارد يحصل تانى بس المره دى انت حطيت سلكه هتتحمل الامبير العالى وتعدى الضرر على مكونات وحدة الكنترول عشان كدا لازم تكشف على كهرباء العربية وتحدد المشكلة فين عشان تتجنب مشكلة اكبر
وبعدين يا جماعة لما البطارية تنام يا ريت ما ندهاش شحنة وهيا متوصلة ع العربية المفروض نفصل البطارية عن العربية واشحنها بره واستنى عليها شوية لغاية الشحنات (+&_) ما تتوزع بانتظام ف البطارية وبعدها اجرب

كلامك صح يا باشا
بس انا دلوقتى خايف العربية تعملها معايا وتنام زى ما بيحصل عند الناس كدة اعمل اييييييية باة عشان اتجنب حكاية الكونترول يونيت انو يبوظ اما اجى ادبلو لدعة اشحن البطارية برة لوحدها دة قصدك؟؟؟

**NoRmAl** · 09-05-2010 11:09 PM

المشاركة الأصلية كتبت بواسطة waleedelpiloot

كلامك صح يا باشا
بس انا دلوقتى خايف العربية تعملها معايا وتنام زى ما بيحصل عند الناس كدة اعمل اييييييية باة عشان اتجنب حكاية الكونترول يونيت انو يبوظ اما اجى ادبلو لدعة اشحن البطارية برة لوحدها دة قصدك؟؟؟

هو أنا مسمعتش أنها حصلت مع حد الحقيقه
يعنى أول مره أسمعها منك
إن شاء الله خير ومتحصلش معاك

**medo_elgezy** · 13-05-2010 04:00 PM

سؤال بس ازاى تنام البطارية و هية لسة زيرو يعنى لسه مضربش فيها اربع و تقريبا انا اخدت بالى ان البطارية عندى جافة
يبقى المشكلة من الاساس البطارية نامت ليه والعربيات دية وكيل ولا خليجى ولا منين