الموضوع: طريقه تغيير مياه الريداتير بنفسك

المشاركة الأصلية كتبت بواسطة عصام غنايم

هنبدأ تغيير الميه دلوقتى

هنفتح كبوت العربيه والعربيه بارده ونقف قدام العربيه ونبص على اسفل الريداتير من الناحيه اليمين هنلاقى ماسورة التبريد الكاوتش السوداء خارجه من ناحية الريداتير الخاصه بالماء البارد.هنركز تحته هنلاقى عصفوره سوداء صغيره او ( الجزره ) ودى الخاصه بأفراغ دورة المياه من اوطى نقطه

[img]..[/img]

هنبداء نفكها بشويش بعكس اتجاه عقارب الساعه
بس مش هنفكها خالص هنهويها شويه بس

يعني هنهويها شويه بمعنى ايه

على اساس انها تبقى سلسه اما نيجي نفكها و هيا سخنه بعد كدا و لا نخليها تنزل سائل تبريد بس مش بمعدل عالي و لا ايه المقصود

المشاركة الأصلية كتبت بواسطة عصام غنايم

طيب وليه تغامر

افتح بس الجزره واضغط هواء من القربه

هينزل الميه كلها

المشاركة الأصلية كتبت بواسطة عصام غنايم

اكيد هتشيل الغطاء وتضغط الهواء من مكانه

ازاي افتح الغطاء و انفخ ببقي و لا اضغط هواء ازاي

جزاك الله كل خير

الف شكر يا استاذ عصام

ممكن سؤال كمان

المشاركة الأصلية كتبت بواسطة عصام غنايم

ويباركلك يا رب

لا مش غلط

الغلط انك تحط ميه بارده والعربيه سخنه هو ده اللى يقفع وش السلندر

انا بقول نفضى الميه والعربيه سخنه علشان الثرموستات يبقى مفتوح ونقدر ننزل الميه كلها الموجوده فى قلب الموتور

المشاركة الأصلية كتبت بواسطة عصام غنايم

هنفتح جركن الميه ونحط مياه فى القربه بشويش اوى علشان ندى فرصه للميه تمشى فى قلب الموتور وميخدشى هواء بعد ما نحط تقريبا نص الجركن هندور العربيه وغطا القربه مفتوح ونزود ميه حبه حبه لحد ما نوصل لعلامة max ونزود بنزين والغطاء مفتوح

الميه جوه القربه هتقل هنزود تانى ونسيب العربيه دايره لحد ما مروحة الريداتير تدور بعد ما تطفى نبطل العربيه نزود لحد ما نوصل لعلامة max

مش احنا كدا بنزود ميه و العربيه سخنه و لا بنسيبها لما تبرد و نزود؟

ادعوا لك بالشفاء ولزوجتك ولاولادك وبالستر وسعة الرزق