الموضوع: لانسر كرستالة

طيب يا باشا فين فى المعادى

يا باشا انا دلوقت وديت العربية عند ميكانيكى و نظف الكربراتير و بعد ما خلص لقيت العربية بقت تقطع جامد جدا لدرجة انها مش بقت تسحب بنزبن خالص رجعت ليه قالى اصل ابرة الكاربراتير لما اتنظفت علقت عايزة ابرة كربراتير روحت بيها على التوكيل بتاع المصرية اللى فى جسر السويس قالولى هى عايزة كاربراتير جديد و طبعا ده فى حدود 4000 جنيه و مش عارف اعمل ايه ياريت تفدنى يا باشا لانى مضايق جدا جدا

لا يا باشا لما ادوس بنزين تحس انه مفيش دواسة اصلا زى ما يكون الكرابراتير مش شغال
المهم انا اشتريت كربراتير استيراد من عند سوسو و العربية دلوقت بقت تمام بس فيها مشكلتين
الاول انها بقت بتاكل بنزين جامد اوى اوى يعنى فى الكرابراتير القديم كانت التفويلة بتقعد معايا حوالى 460 كم
دلوقت لما ركبت الكرابراتير الاستيراد حوالى 320 كم
ثانيا العربية لما بكون مديها مور و واقف الماتور بيعمل رعشة جامدة زى ما يكون العربية هتفصل
لكن وانا ماشى العربية بسم الله ما شاء الله زى الفل و بقت بتجرى كويس
انا بفكر اطلع على التوكيل اللى فى عبد الخالق ثروت قالولى عندهم جهاز ظبط الكرابراتير و بيعملوا كل حاجة فيه بــ 125 جنيه
ايه رايك احسن متعامل مع الصناعية تانى
مستنى ردك يا باشا

المشاركة الأصلية كتبت بواسطة emad80

السلام عليكم ورحمة الله وبركاته
هذه اول مشاركة ليا فى هذا المنتدى الجميل
ولدى عدة اسئلة لخبراء الكريستالة
انا معايا لانسر كريستالة 98 مانيوال 1300 سى سى زجاج كهرباء
اول سؤال
1- العربية لو مسخنتش بتقطع و تبرجل منى و تفضل تنتش لازم اسخنها كويس
عايز اعرف هو الموديل ده كده ولا عيب معين
2- لما بشغل التكيف بحس ان سحب العربية ضعيف جدا
3-انا بحس ان العربية لما اهدى فى مطب و اخده على التانى بس على خفيف العربية ساعات بتكرك منى و تعمل رجة ساعات و ساعات تبقا عادية
4-التكيف عندى مش قد كده بحس انه مش بيسقع جامد

وشكرا للجميع

باشا اى عربية كاربراتير لازم تتسخن والا تنتش خاصة لو كانت البوجيهات مش تمام وبرضة لو تمام الانجكشن بس هو الللى مبينتش لانة مبيتخنش وبعدين حرام يا صاحبى تطلع بيها من غير تسخين البساتم تتسلخ ال3 دقايق مش كتير على اى عربية باالذات لو كانت كرستالة

المشاركة الأصلية كتبت بواسطة saeed85

فرش الابواب عشان تجيبوا نضيف هتروح عند سوسو بتاع الهرم ده اشهر واحد و احسن واحد تجيب منه جديد هو المنير الي في فيصل اولا حاجته مضمونه و تروح عنده كائك واقف في جمعيه من كتر الناس انا بروحله و انا اصلا ساكن في المعادي
بس بالنسبه لفرش الابواب ده ب1100 ال4 كاملين بالازاز الكهرباء بكله بالسماعات كامل يعني بيفكوا من عربيه قدامك

هو المنيرى اللى فى اول فيصل بيبيع قطع استيراد ؟؟
انا عايز اربع ابواب كاملين بالزجاج الكهربا و المكن و المرايات يعنى كلة من غير الصاج ضرورى ياترى الاقيهم عندة ؟؟؟

دول موجودين عند سوسو و المنير كله جديد معندوش استيراد بس عنده كل قطع الغيار نضيفه انا بروحله من المعادي و ياباشا تعالي نورنا المعادي و هنا هيظبتولك الكبراتير و هتشوف الفرق هو موكز خدمه متسوبيشي بس مش توكيل بس بيشتغل في متسوبيشي بس و دي نمرت المهندس الي هناك 0106888826 اسمه سعد و علي فكره هما مش مغلوانيه قوي اغلي من ميكانيكيه بره حاجه بسيطه انا ساعت اما عملوهالي خدوا مصنعيه 60 جم علي ظبت الكبراتير و الكشف علي العفشه و البوجيهات و التيل الامامي