لانسر كرستالة

**semoren** · 02-06-2010 07:46 PM

هو سوسو دة ادخلة منين و انا نازل على المريوطية اتجاة الهرم من الدائرى ؟

**ibrahem_elkhabery** · 14-06-2010 04:18 AM

السلام عليكم
انا معايا عربية لانسر البطة وكنت عايز اعرف الراجل بتاع المعادى اللى انت بتظبط عندة الكربرتير وهل هو بيظبطة بالكمبيوتر ولا ازاى وهل هما متخصصين فى الكربرتير بس ولا سيرفيس العربية كاملة واية نظام الاسعار عندهم

**eng_a_h_helal** · 26-06-2010 09:52 AM

المشاركة الأصلية كتبت بواسطة ibrahem_elkhabery

السلام عليكم
انا معايا عربية لانسر البطة وكنت عايز اعرف الراجل بتاع المعادى اللى انت بتظبط عندة الكربرتير وهل هو بيظبطة بالكمبيوتر ولا ازاى وهل هما متخصصين فى الكربرتير بس ولا سيرفيس العربية كاملة واية نظام الاسعار عندهم

يا ريت تقول على المكان لأني أنا كمان عايز أعرف المكان لأن عندي العربية مش مظبوطه وطبعا انت عارف التوكيل وقرفه
يا ريت ترد بسرعه
علشان أنا لسه شاري العربيه وفعلا قلقان جدا
جزاك الله خيرا

**eng_a_h_helal** · 27-06-2010 11:18 AM

فعلا موضوع مهم جدا
أنا يوميا الصبح بعاني من الدواره
تقريبا السخان ملوش أي تأثير العربيه بتفضل تعلى وتوطى مع نفسها بس المؤشر بتاع الآر بي ام مش بيعدي الواحد مع رجرجه جامده ولما انتهى من معاناه التدوير ابدأ معاناه أخرى وهي التنتيش العربيه بتقعد تنتش معايا طول ما انا ماشي وبالذات بين كل غيار واللي بعده وطبعا هذه المعاناه بتنتهي بوصولي الشغل ثم أختم بمعاناه أخري وهي الرجرجه لما ابطل العربيه
أنا لسه شاري العربيه وانا بحب اللانسر جدا وباللذات الكريستاله ومش عايز أغير رأيي
للعلم أنا استشرت ناس قالولي أنضف الكربراتير ونضفته وفضلت المشكله قالوا غير بوجيهات وفضلت نفس المشكله
رجاء المساعده لأني فعلا أعاني من الاحباط
جزاكم الله خيرا
يا ريت اللي يعرف مكان المركز اللي في المعادي اللي متخصص في اللانسر بس يدلنا على مكانه
جزاكم الله خيرا

**Memo_Lancer** · 27-06-2010 06:19 PM

كده العربيع محتاجه بصه
علي الكهربا
فلاتر
كربياتير
بوجيهات
استخدم مره منظف دوره البنزين

**Memo_Lancer** · 27-06-2010 06:25 PM

و قواعد المكنه شوفها

**eng_a_h_helal** · 27-06-2010 11:17 PM

المشاركة الأصلية كتبت بواسطة dohashakian

كده العربيع محتاجه بصه
علي الكهربا
فلاتر
كربياتير
بوجيهات
استخدم مره منظف دوره البنزين

لو تعرف حد كويس ممكن أروح ليه يبصلي على الحاجات دي يا ريت تدلني عليه
جزاك الله خيرا

**Memo_Lancer** · 28-06-2010 01:58 AM

انا من المحله للاسف

**mhfmhf** · 28-06-2010 02:28 PM

بص يا باشا فى واحد ميكانيكى بس كويس جدا اسمه مبروك فى المعادى قدام المحكمه القديمه بتاعه المعادى اللى عند الشهر العقارى ده هايكشفلك ع العربيه بالجهاز وهيظبتلك العربيه انا بتعامل معاه سعره حنين انا عندى العربيه اتوماتيك كانت لمبه الموتور بتنور غياراات الفتيس كنت حاسس انها مش مظبوطه لكن كشفت عليها عنده وقالى ده اال tps بتاع االانجيكشن عايز بتغير وفعلا غيرته 175 جنيه يابانى استيراد والعربيه اتظبطت الحمدالله وبقت احسن من الاول لو هاتروحله قوله انا جايلك من طرف مصطفى ( بتاع طره البلد ) ومعلش على الاطاله لو عايز نمره تليفونه ادهالك بس انا بقول انك تروحله ع طول