لانسر كرستالة

**emad80** · 09-05-2010 12:53 PM

السلام عليكم ورحمة الله وبركاته
هذه اول مشاركة ليا فى هذا المنتدى الجميل
ولدى عدة اسئلة لخبراء الكريستالة
انا معايا لانسر كريستالة 98 مانيوال 1300 سى سى زجاج كهرباء
اول سؤال
1- العربية لو مسخنتش بتقطع و تبرجل منى و تفضل تنتش لازم اسخنها كويس
عايز اعرف هو الموديل ده كده ولا عيب معين
2- لما بشغل التكيف بحس ان سحب العربية ضعيف جدا
3-انا بحس ان العربية لما اهدى فى مطب و اخده على التانى بس على خفيف العربية ساعات بتكرك منى و تعمل رجة ساعات و ساعات تبقا عادية
4-التكيف عندى مش قد كده بحس انه مش بيسقع جامد

وشكرا للجميع

**أبو إياد** · 09-05-2010 12:58 PM

كل الاستفسارات دى بتدل على ان العربيه محتاجه عمل سيرفيس شامل كفلاتر وتنظيف حساسات وبوجيهات
اما التكييف ممكن يكون محتاج شحن فريون او عمليه تنظيف

**saeed85** · 10-05-2010 03:43 AM

يا باشا ده تنضيف كبراتير عند واحد نضيف و الغي التشوك الاوتوماتيك بتاع اما تكون العربيه بارده و هتظبت معاك انا كان عندي نفس العيب و اتحل الحمد لله
و التكييف عايز صيانه بس و زود الشحن بتاعو و اي حاجه عايزها انا تحت امرك العربيه كلها والله سهله و كل حاجه فيها واضحه و ممكن تظبتها بايدك

**emad80** · 10-05-2010 02:28 PM

مشكور بس ياريت تفهمنى اكتر

**emad80** · 10-05-2010 02:30 PM

وياريت يا استاذ سعيد تقولى اجيب منين فرش الابواب بتاع الكريستالة علشان اللى عندى مش قد كده و الاستراد حالته برده تعبانة و بتبقا الباب اليمين هو بتاع الدكسيون و الف شكر على ردك

**saeed85** · 11-05-2010 05:46 PM

فرش الابواب عشان تجيبوا نضيف هتروح عند سوسو بتاع الهرم ده اشهر واحد و احسن واحد تجيب منه جديد هو المنير الي في فيصل اولا حاجته مضمونه و تروح عنده كائك واقف في جمعيه من كتر الناس انا بروحله و انا اصلا ساكن في المعادي
بس بالنسبه لفرش الابواب ده ب1100 ال4 كاملين بالازاز الكهرباء بكله بالسماعات كامل يعني بيفكوا من عربيه قدامك

**emad80** · 12-05-2010 11:31 AM

طيب ما تعرفش يا باشا حد بتاع كرباتير يكون كويس لاحسن كله بيقولى اوع تلعب فى كرباتير

**saeed85** · 19-05-2010 02:06 AM

يا باشا لاتغيرو ولا حاجه بس هو استيراد ساعت اما سئلت عليه لقيتوا النضيف منه ب 550 بس مفكوك من عربيه قدامك كامل بس انا ظبت الي عندي و شغال اهو الحمد لله زي الفل بس لازم واحد نضيف و بيفهم يظبتهولك و لو تحب يا باشا تيجي المعادي انا بصلح العربيه عند مركز خدمه ميتسوبيشي بس دول ماشاء الله فاهمين العربيه حته حته و ظبتولي العيب الي بتشتكي منه اصل عانيت منه بس سنه و نصف بعاني هههه و الحمد لله دلوقت ميه ميه

**saeed85** · 19-05-2010 02:09 AM

بالمناسبه يا باشا انا الكبراتير اتلعب بتاعي اتلعب فيه اكتر من مره و كان كل ميكانيكي يقول العيب ده مش يظهر و طبعا ولا الدموع برده اصحي الصبح الاقي العربيه هي هي و يقولوا لا ده لازم يتغير و هما بهايم و اديه اتصلح اهو