الموضوع: فتيس الفيكترا سى الايزى ترونيك باظ

المشاركة الأصلية كتبت بواسطة bnile

أنا يا جماعة عملت بحث على النت و لقيت الموقع ده vauxhall vectra c easytronic clutch gearbox actuator
هو عبارة عن شركة بتصلح الكنترول يونت و كمان بيبقى عندها بديل. المهم علشان ماطولش عليكم هما حاطين المشكلة بتاعة الفتيس الأيزى ترونيك و بيقولوا ان دة عيب شائع فى الأيزى ترونيك و هما بيعرفوا يصلحوه و بيدوا علية ضمان سنتين بدون حد أقصى للكيلومتر.
أنا بعت سألتهم هل أنت بتغيروا فى تصميم الكنترول ولا بس بتستبدلوا الحاجة البايظة و بالتالى ممكن يبوظ تانى؟ فردوا و قالوا لى أنهم بيعملوا تغيير فى التصميم علشان العيب ما يتكررش و علشان كدة بيدوا ضمان سنتين.
انا كمان سألت على التكلفة و أن كان ممكن أبعت من مصر فكان ردهم أنى ممكن أبعت من مصر و تكلفة الأصلاح 195 جنية أسترلينى ده لو كانت الوحدة بايظة لكن لو كشفوا و لقوا الوحدة سليمة بيخدوا 45 جنية أسترلينى مصاريف الكشف طبعا كل دة غير شامل مصاريف الشحن.
أنا قولت أحط المعلومات دية يمكن تفيد حد من الأعضاء.

الله ينور عليك

على فكرة الشركة بتصلح الكنترولات بتاعة شركات كتير فلو ممكن نحط اللينك بتاعهم فى قسم الصيانة علشان الكل يستفيد

احسن من اللى بيعملوه فينا اصحاب التوكيلات

بس موضوع الصيانه عن النت ده بجد ومُجدي ولا هجس وبهدله وفلوس عالفاضي ؟؟؟
عشان الراجل صاحب الموضوع مايزقش بس