ضرورى للمهندس طارق الاستشارى

**emad80** · 09-05-2010 04:05 PM

السلام عليكم ورحمة الله وبركاته
هذه اول مشاركة ليا فى هذا المنتدى الجميل
ولدى عدة اسئلة
انا معايا لانسر كريستالة 98 مانيوال 1300 سى سى زجاج كهرباء
اول سؤال
1- العربية لو مسخنتش بتقطع و تبرجل منى و تفضل تنتش لازم اسخنها كويس
عايز اعرف هو الموديل ده كده ولا عيب معين
2- لما بشغل التكيف بحس ان سحب العربية ضعيف جدا
3-انا بحس ان العربية لما اهدى فى مطب و اخده على التانى بس على خفيف العربية ساعات بتكرك منى و تعمل رجة ساعات و ساعات تبقا عادية
4-التكيف عندى مش قد كده بحس انه مش بيسقع جامد

**مصراوي جدا** · 09-05-2010 07:34 PM

اهلا بيك يا استاذ عماد
بالتأكيد كل الأعراض اللي حضرتك بتذكرها دي مش طبيعية ابدا في العربية ولا عيب في الموديل وانما فيه مشكلة في العربية تحتاج الكشف والاصلاح
بكره الصبح باذن الله هاعرض الموضوع على مهندسي الصيانة في التوكيل وارد على حضرتك

**ehnh12** · 10-05-2010 10:09 AM

معاى نفس الموديل 98 وللاسف سخنت منى ودخنت وكان السبب تسرب المياة وغيرت ترمبة المياة 130جنيه وماسورة المياة من التوكيل 185ج وجوان التكهيات من التوكيل 65ج وجوان وش السلندر (جرجريد ) 30ج وطبعا السخونية فحمت الزيت والبوجيهات وغيرتهم وكشط وش السلندر عند الخراط 40ج والحمد الله العربية رجعت ثانى بس عيب انها تبطل على الاول ولما بجيب الثانى تنتش واحيانا تبطل طبعا مش عارف دة محتاج ضبط تاكيهات ولا سخان ؟* ولما بشغل التكيف واحاول اطلع بالعربية احيانا تبطل هل دة عيب فى الماتور ولا كهربة العربية والدنمو مع العلم انى مغير البطارية 62 امبير (كوريت) وقست شحن الدنمو الكهربائى قال كويس بيعوض ويشحن ممكن يكون فى حاجة فى الاسبيراتير ؟ارجو الاجابة