الموضوع: ترضى تتجوز انسانه بتحبها وحماتك طبعها وحش اوي ؟؟

المشاركة الأصلية كتبت بواسطة dr_no

انا قرأت الموضوع من اوله لاخره

وبجد

بجد

بجد

انا اكتئبت

واكتشفت ان الدنيا دى سودة وأسود من انها تتعاش

انا شفت كميه تشاؤم واحباط فى الموضوع دة مشفتهاش قبل كدة:i_angr1[1]::o_stupid[1]::h_angry[1]::b4_556:

ربنا يستر !!


كان عندى سؤال على جنب هو لو حماتك عندها 5 بنات, كلهم بيطلعو نسخه منها ؟

انت لسه شفت حاجة

واحد صاحبي بيحكي لي على واحد صاحبه مراته بتقعد تزعق فيه لحد ما يقفل على نفسه باب اوضة و يقعد يعيط !!!!!

الستات تجبرت و افترت و استقوت أوي على فكرة

المشاركة الأصلية كتبت بواسطة ahmed anwer

شوفلك واحدة كده تبقي والدتها ست طيبة كده و حنينة

تدلعك تعملك وزة تأكلها

هوا فيه حد غاوي القرف

و بالتالي بنتها برده هتكون طيبة و حنينة

مش تقعد تحارب في الشارع و الحياة و تحارب في البيت كمان

عشان كده انا باشجع الزواج من الريفيات

بس تبقى ريفية بجد مش عين في الجنة و عين في النار (ريفية مودرن)

فلاحة و امها فلاحة

و الله تعيشك برنس ..... هي دي الستات اللي عارفة قيمة الراجل .... و لو جيت تقول لها نعمل ايه تقول لك الشورة شورتك و الكلمة كلمتك ...... مش اقنعني زفتني هببني نيلني

المشاركة الأصلية كتبت بواسطة ahmed4000

الموضوع ده بقى صحيح تماما بدون تعميم طبعا علشان مندخلش فى جدالات عقيمة
لكن فعلا الراجل بيتاثر بالاولاد وبيبقوا ايده اللى "بتوجعه" لكن الست فى الاوقات دى بتبقى متغمية ومش باصة لقدام واللى حيحصل فى العيال

ربنا يهدينا جميعا رجال وسيدات

لا حول و لا قوة الا بالله :(

فعلا :(

الراجل بيبقى متعلق بعياله و مش قادر على فراقهم .... و كمان بيبقى مش عايزهم يتشحططوا و يتربوا بين بيتين

و الست و لا فارق معاها !!!!!

المشاركة الأصلية كتبت بواسطة dr.amr

بالظبط يا استاذ احمد

الامهات بقت حاله صعبه جدا

شيء مستفز جدا

انا خطبت بنت عمتي

يعني حماتي هي عمتي

لك ان تتخيل ان عمتي ده بقالها اربع سنين بتجري ورايا علشان اروح اطلب بنتها

قلت وايه المانع يا واد طالما حماتك هتبقي كويسه معاك والبنت كويسه يبقي علي البركه

مجرد مادخلت البيت يوم قراية الفاتحه

جوز عمتي اللي كنت بحبه والله كرهته من التناكه والقرف بتاعه

وعمتي سايستني شهرين كده لغاية لما حست اني بدأت اتعلق بالبنت

وبعدين بقي عينك ماتشوف الا النور

والادهي والاسخم ان البنت كانت معاها

وبتنفذ التعليمات حرفيا

انا اتجننت منين انتي بتجري ورايا ومنين بتعملي معايا كده

عايزين يسيطروا علي الليله من الاول

انا ابقي ولا مؤاخذه .............. (اكمل بقي براحتك )

ده انا كنت هتنفخ

ولما اديتهم علي دماغهم وقطعت

رجعوا تاني يسوقوا عليا اهل الله كلهم علشان ارجع

المؤمن لا يلدغ من جحر مرتين

الاستاذ صاحب الموضوع ياريت تفكر بعقلك قبل ماتوصل لمرحله ماينفعش فيها الندم

مما يقودنا لنقطة مهمة

ما تتجوزش من جوة العيلة عشان الحساسيات بتاعة المشاكل

المشاركة الأصلية كتبت بواسطة dr.amr

الله عليك

تسلم ايديك

من الاخر دور علي واحده طيبه وشوف عندها اي حد للزواج

الله يرحمك يا تيتة (أم أمي)

أبويا كان بيحبها يمكن اكتر من امي كمان !!!

عمرها ما كسرت بخاطره و لا جت مع أمي عليه .....

خلاص صنف الستات ده انقرض تقريبا .....

المشاركة الأصلية كتبت بواسطة timtim

يعني المثل بتاع
الست تعشش والراجل يطفش
انقرض؟

الله يرحمه ...... كان طيب و ابن حلال

المشاركة الأصلية كتبت بواسطة egyzizo

عن أكثر من تجربة بين السعيدة والمريرة فى أسرتى، لما تيجى تتجوز ، اعتبر نفسك بتتجوز حماتك مش مراتك .. واختار على هذا الأساس.

كلامك سليم مليون في المية

المشاركة الأصلية كتبت بواسطة dr.almaghraby

لا لا لا دي الصورة صودااا اوي من غير بيبسي ....

و الله و لا حتى دايت سفن !

المشاركة الأصلية كتبت بواسطة elassar2010

المهم خاطبتك عاجبها تصرفات والدتها ولا لا؟
لو عاجبها سيبها وخلى امها تنفعها
مش عاجبها تصرفات والدتها اتكل على الله واتجوزها

انا اعرف واحد حماتة شيطاااااااااااااان بجد كانت هتفركش الجوازة 19الف مرة وعلى حاجات هبلة منهم لون الستاير الى صاحبى ومراتة اختاروة مش عاجب امها !!!!!!!!!!وعملت معاهم خناقة وجابت اللون الى عاجبها
بس مرات صاحبى ماكنش عاجبها تصرفات امها وتدخالتها
لما اتجوزو طبعا صاحبى شبة قاطع حماتة وهو عايش دلوقتى عيشة عادية لان مراتة نفضت لامها لانها شرانية وممكن تخرب عليهم

يعنى من الاخر الفيصل هل خاطبتك موافقة على تصرفات امها ولا لا

اختلف معاك

لان ممكن تبقى بتظهر اختلافها عشان بس تكسبك

البنات اليومين دول بقت خبيثة و ما بيصدقوا يوقعوا عريس .....

و بعد الجواز هترجع تاني على مذهب أمها

المشاركة الأصلية كتبت بواسطة ahmed4000

وكده الاخ صاحب الموضوع بان قدامه ان الغالبية ضد الموضوع...لكن من ردودك باين انك حتكمل رغم كل شئ..وده نصيب طبعا...ويارب ارائنا كلها تتطلع غلط وتسعد بخياتك

انا حاسس انه فعلا هيكمل

بس ارجو انه يقتنع بكلامنا لان كلنا اكبر منه و مننا كتير مجربين و عايزين مصلحته

عشان للاسف كل واحد بيبقى فاكر انه هو و عروسته ناس غير خالص و مفيش اتنين في الدنيا بيحبوا بعض زيهم و ان الحب هيتغلب عالعوائق و المصاعب و و و و و


لحد ما مفعول البنج يروح و يحس بالمقلب اللي شربه و هو نازل في المرئ متجه للمعدة !

المشاركة الأصلية كتبت بواسطة elassar2010

بس صعب جداااااااااا جدااااااااااا ان واحدة تضحك وتمثل على خطيبها سنة او اكتر كمان مدة الخطوبة
دة كدة يبقى وقع فى عش الدبابير:b4_282:

انت اللي راجل طيب

دي تضحك عليه 5 سنين مش سنة