انا كاره شغلي

**tmz9111** · 03-02-2008 05:19 AM

اول ما تلاقى غيره سيبوه

**TAG_Turbo0** · 03-02-2008 10:40 AM

المشاركة الأصلية كتبت بواسطة araberphilosoph

اذيكم يا شباب

يا تري انتم مبسوطين من عملكم من شغلكم؟؟ كنت بتحلم بالشغله الي انت فيها (بغض النظر عن الراتب )
انا كارهه شغلتي بصراحه ونفسي اغيرها بس مش لاقي حاجه تانيه حاليا
كل يوم بحس انه بيضيع مني! مبستمتعش بيه! ندمان عليه ! كل ساعه بحس اني في المكان الغلط في الشغل الغلط ! مش عارف

ادعولي يا جماعه انا محتاج الدعاء

فى ايه يا عم انت عامل فى نفسك كده ليه
الدنيا مش وحشه أوى كده
انا مثلا كان نفسى أدخل ميكانيكا سيارات
ودخلت فنون جميله عمارة وخلصت وشغال فى العماره ودماغى مع العربيات والدنيا ماشية والحمد لله
أستغفر ربنا وأن شاء الله هتبأى كويس
البلد دى مش بتاعت أختيارات للطبقه المتوسطه أو الفقيره
وربنا يكون فى عون الجميع

**araberphilosoph** · 03-02-2008 01:11 PM

استاذ حسام
معلش بس رايي مختلف شويه
انا بقول انا موظف الاستقبال يقف لما يكون في ناس قدامه شغال! صح! بس لما يكون مفيش حد ليه يفضل واقف لما يكونش جانبه كرسي يريح علي رجله شويه واما يجي شغل يقف يشتغل ليه لا

اما حكايه المطعم للموظفين انا باقصد الwaiters نفسهم ليه ميبقاش قدامهم فرصه ربع ساعه او نصف بين الوجبه والوجبه(ده طباخ السم بيدوقوا يا راجل)

احنا المفروض نخس اسرائيل من غير تاشيره لحد بير سبع (من غييييييير تاشيره ولا سفاره ولا حاجه) واسرائيل مش ممانعه احنا هنا في مصر اللي ممانعين امن الدوله هيظبطك لو رحت (انا نفسي مره بس اشوف الناس دي عايشه ازاي بس)

لا موضوع الكازينوهات دي حاجه تزعل وتزعل اوي كمان اشمعنه؟؟ ليهم انا لي لا(بغض النظر انه مكان على الارض المصريه يعني دستوريا كده من حقي ادخله) متقليش عشان حرام طب ما الخمره حرام وممكن اي مصري يخش اي بار ليه دي ليه؟؟معلش شكلها ايه لما تكون مصاحب واحد اجنبي وهو يعزمك والامن يوقفك غلي الباب مع انها بلدك بايخه مووت وتزعل بجد!!!

موضوع الشكل العام والمنظر بتهيائلي حضرتك بتبالغ فيه اوي ! اعذرني المؤسسه ليها عندي uniform ومظهر نضيف غير كده يبقي اسمه استعباد! انا مش هتكلم عن فنادق اوروبا لاني مشفتهاش لسه بس الاردن سوريا مفهاش كده !! غير كده ليه يعني لو لون الشركه ازرق يخلوا كل الناس تحط عدسات زرقاء مثلا !! وليه شغل الاستنساخ ده !! ليه بتصر تمحو شخصيتي؟؟؟ هتفرق في ايه سوالفي طويله سويه (بس مكنظرها حلو) او سكسوكه او خلافه؟ده حتي في جيوش في العالم بتمسكش في الموضوع ده (جيش اسرائيل وباكستان اكبر مثال)جيش مش فندق معلش ده اسمه استعباد مش standerd المؤسسه ليها عندي uniform دي دليل انتمائي ليها لكن بقه شطكلي دي حاجه بتاعتي
في فندق هنا في طابا عامل اuniform بتاعهم جلاليب !!! منظرهم جامد مووت ولذيذ
يا اخوانه انا مش معترض علي طبيعه شغلي انا بس حاسس انه مش بتاعي
يعني هي زي متكون معاك عربيه 4*4 ملهاش حل ممتازه بس انت بتمووت في الهاتش باك بتحبه هي كده ملهاش حل
الشركه اللي انا فيها ممتازه بل انا ممتن ليها جدا كفايه انها اخدتني بدون خبره وعلمتني !! انا مش ممكن الاقي في مجال السياحه احسن منها ولا position امناسب لي اكتر من ده !!
بس مش بتاعي !!
منهم لله وزاره الاوقاف
انا تخصصي الاصلي الدعوه الي الله في الخارج يعني اعرض الاسلام وافند دعاوي اعدائه بالالماني وبالحجه والمنطق من كتبهم نفسها ومن تاريخهم
بس وزاره الاوقاف بتقولي بعد 4 سنوات ممكن تطلع ومرتبي هناك 350جنيه!! ميجبوش مش هاقول بنزين عربيتي مش هيجيبوا زيت موتور عربيتي في الشهر !! وعيوننوني امام وخطيب مسجد\ في احدي القري!! انا ممكن اتكلم كويس اوي مع ناس بعقليه اوروبيه لكن في قريه !!! مقدرتش الخطبه الوحيده اللي قلتها كانت عن الاعجاز العلمي في القران!! كانت ممتازه بس طبعا الناس بصولي من فوق لتحت !! انا عرف ده غلط بس معرفتش بجد خاولت معرفتش !!
مش انا وبس كتير زيي في تخصصات مختلفه

منهم لله اللي في بالي منهم لله