السلام عليكم و رحمه الله و بركاته

امبارح كنت مع واحد صاحبى مقتنع بالعربيات الصينى فى وسط البلد ناحيه باب اللوق و شفنا السياره byd f3 على الطبيعة فى معرض شركه الامل و دخلنا شفنا العربيه و قعدنا جواها كمان وواضح جداً ان خاماتها الداخليه احسن من الاسبيرانزا و ابوابها اثقل و فرشها الداخلى كويس و الكبوت الدنيا تحته منظمه و كمان سعرها ممتاز جداً فكنت محتاج اسأل عنها 3 اسئله علشان على أساسهم صاحبى هيحدد القرار هيشترى و الا يصرف نظر (انا مبدئياً قلت له يصرف نظر لانى مش مقتنع بأى عربيه صينى لكن ده رأييى الشخصى و اكيد فيه اراء اخرى تانى) ..

1- فيه موديل موجود gi استلام فورى بحوالى 62 الف جنيه (فيه منه 8 الوان) و موديل تانى بالحجز gli ازيد حوالى 3000 جنيه و الاستلام بعد 3 شهور فإيه هو الفارق بالتفصيل بين الموديلين و هل الفارق يستاهل تنتظر و تدفع أكثر ؟!

2- توكيل الأمل هو نفسه توكيل لادا فى مصر و كل من اشترى لادا جديده اشتكى من التوكيل فهل خدمه و صيانه byd منفصلة عن لادا و اللا الاثنين مع بعض ؟!

3- اخبار قطع الغيار و الصيانات الدورية ايه كأسعار و خدمات (على الاقل لغايه صيانه 40 الف كيلو نعرف هنروح كل قد ايه كل خمسه او عشره الاف و ايه اللى بيتعمل فى كل صيانه و التوكيل بياخد كام) ؟!

ارجو سرعه الرد

مع خالص شكرى مقدماً .........