اقتباس المشاركة الأصلية كتبت بواسطة LanCeLoT مشاهدة المشاركة
انا عارف ان توكيلهم هما الاتنين قوي
وبالتالي خدمة ما بعد البيع هتكون محترمة
مين احلى و اشيك
مين اكتر تميز و ركوبتها حلوة
مين مصاريفها ما بعد البيع ما تهدش الحيل
مين سعر اعادة البيع بتاعها ماسك نفسه شوية
وايه عيوب كل واحدة فيهم
بالنسبه للشكل: الاتنين قمه في الجمال, بس الكوبيه جذابه اكتر...

بالنسبه للتميز و الركوبه: الميجان بكل المقاييس

بالنسبه للمصاريف: دي الكوبيه بكل المقاييس

بالنسبه لسعر اعادة البيع: لنا هنا وقفه.. انا ليا رأي في الموضوع ده ممكن يكون جديد

أولا خاللي بالك ان الكوبيه بتخدم فئة الشباب بس, لأنها باب واحد (كوبيه)
أما الميجان, فهي عربيه هاتش باك 4 باب عادي, يعني تخدم أي حد, و الشباب اكتر

بالتابعيه, اعتقد ان المره دي نسبة الخساره في الميجان ممكن تكون اقل او زي الكوبيه

يعني في رأي الشخصي, الميجان تكسب في سعر اعادة البيع, او هتتساوى على اقل تقدير

في عيب واحد مشترك في الاتنين و هو مش عيب, لكن انا مش مقتنع بيه نسبيا...

الاتنين على Torsion Beam, لكن الكوبيه واطيه على الأرض, فهتبقى افضل
من السيراتو في الثبات شويه, و الميجان هاتش باك, فهتبقى افضل بردو من الناحيه دي

لكن... معانا صديق في المنتدى معاه برافو, و كلنا عارفين ان البرافو تعليقها الخلفي
مش تورشن و لكن هو (Semi-Independent Suspension)
يعني مش غير مستقل مصمت تماما زي التورشن بيم, و صاحبها بيقولي انها بردو
بتعرض منه لو في ملفات جامده, او مع عيون القط و بيغير حارات مثلا...!!!!

ما بالك بالتورشن بيم المصمت, و الغير مستقل رسمي بقى..!!!!

و انا شخصيا عملت تست درايف للبرافو و ماعجبتنيش بالمره كأداء و خصوصا الفتيس
و في Delay ملحوظ جدا بين النقلات... لكن شكلها بره و جوه جميل بصراحه

و لو عايز رأي... انا لو مكانك, لا هركب دي, ولا دي, و هجيب سيات ليون DSG

ده رأي بشكل عام, و بحكم التجارب الشخصيه, و ربنا يوفقك للخير...