عن البورصه المصريه

**SaberMan** · 05-07-2010 01:18 AM

مين اللبيب ده يا رجاله :)

**dr-mohamed** · 05-07-2010 01:18 AM

المشاركة الأصلية كتبت بواسطة MaZaGAngeE

انا حزين جدا اني معييش فلوس اشتري كابلات تاني
لآنه لازم يطلع زي ما قلتلك و رفعتلك الشارتات اللي بتأكد كلامي
كل الاسهم في السوق لو فتحت الشارتات بتاعتها هتلاقيها زي الكابلات وصلت لمرحلة الحضيض و من هنا الميكر هيبدأ الشرا و رفع الاسعار تدريجيا بوتيره متسارعة ...
حاجة كمان من قوانين البورصات بجميع انواعها ان السوق بيقلب اتجاهه فجأة و لما الناس تفقد الامل في الصعود او في الهبوط
لو معايا فلوس هشتري لآن ده احسن وقت تشتري فيه عند القاع و كمان الناس كلها خلاص زهقت و قرفت و بتطلع من السوق و بترمي اسهمها ببلاش
لما تلاقي السوق كده اعرف ان خلاص مش باقي وقت على الطلوع

طب شد حيلك معايا وشوف لي سهم تانى مع الكابلات
انا ناوي اخش بتقلي
انا الىل هنقذ البورصة المصرية من الانهيار
انا الى هشد البورصة المصرية من تانى لفوق
انا اللى هخلي المؤشر كله اخضر في اخضر في اخضر (ويا ريت ميجيش واحد لسة مبتأ زيي ويقولي اخضر هو انت هتشتغل في الدولار)
انا اللى هولع البورص من تاني
انا اللى هخلي المؤشر يعدي ال10 الاف نقطة
هخش البورصة بييجي 3 ولا 4 الاف جنيه

اي اي اي

كل ده ضرب خفوا شوية يا ظلمة هاتبقوا انتم وماجد شوقي

**MaZaGAngeE** · 05-07-2010 01:40 AM

حصل معايا موقف غريب و عايز أسألكم لو حصل موقف زيه مع حد فيكم ....
انا بشتغل مع شركة حلوان للسمسرة مع فرع مديننة نصر و عامل تداول الكتروني و الصراحة الناس هناك محترمين و فاهمين شغلهم ...
طبعا انا بشتغل في المنيا و حلوان ليها فرع هناك و رحتلهم عشان اعمل ايداع لقيت واحد هناك اسمه ايمن و انا متعمد اقول اسمه وكان شغله عشان لو حد في المنيا يخلي باله منه , المهم الراجل قعد يحور معايا كتير من غير داعي و كل شوية يقولي انت بتابع مع مين و انت لازم تتابع مع حد و انت حجم محفظتك قد ايه طبعا انا كنت عارف قصده عشان حصلت مشكله قبل كده بينه و بين واحد زميلي على نسبة ارباح كان عايزها منه و كسبه 20 الف و بعدها خسره 30 الف المهم انا نفضتله لأني مقتنع ان التعامل في البورصة لازم يكون بناء على دراسة و علم مش اادي دقني لواحد يوديني في داهيه ..
المهم وانا قاعد معاه لفيت واحد بيكلمه و فهمت من الكلام انه زبون عنده و قاله سيبني 10 دقايق و اكلمك و راح طالب واحد و سأله يشتري ايه و يبيع ايه و راح راجع للراجل الاولاني قاله اللي ابتاني قاله ....
كل ده ممكن الواحد يقول و ماله محلل فني كبير و ليه مندوبين لكن المصيبة بقى و انا بقلب معاه عرفت انه دبلوم كهربا و قريبه عضو مجلس اداره و هوه اللي شغله منفذ في الشركة ....
و لما لقي ان مفيش فايده مني حاول يبيعلي اشتراك في برنامج المؤشر ب 75 جنيه في الشهر مع ان شركة حلوان بتبيع اشتراكات في مباشر ب 40 جنيه في الشهر....

خلاصة القصة الطويلة دي انت لو اديت دماغك لسمسار أو منفذ عمليات في البورصة يبقى انت اللي بتضيع فلوسك بنفسك و بايديك بترمي شقى عمرك في الارض ....

يا ترى حصل معاكوا حاجة زي كده ؟

**SaberMan** · 05-07-2010 01:57 AM

شوف حضرتك البتحيه ده حصل معايا من 3 سنين جه واحد صديق شغال فى المقاصه و قالى ادخل البورصه ده كل حاجه بتزيد ده كان شهر فبراير 2008 المهم مكدبتش خبر رحت عملت كود و كان فيه واحد تريدر معرفه نصحنى بشركه هوا كان شغال فيها بعد كده سابها و فتح كافيه

المهم روحت عملت أيداع ربنا يعوض عليا وعليكوا . التريدر أشترلى اسهم بالفلوس كلها عايز أقول انى داخل فة أعلى نقطه حققتها البورصه المصريه تقريبا و الأسعار الموجوده دى أكيد لا تمت ليها بأى صله التريدر من الأخر شكله كان قاصد و ربنا أنتقم منه خلاص المهم كنت عايز أخرج عند 9000 تقريبا معرفتى بالبورصه بصراحه كانت قليله و عارف أنى غلط بس ده ميمنعش أنى أحظر من حقد بعض التريدرز على عملا دى بس نبذه على البيحصل أصلى روحت شركات كتير .

**amir** · 05-07-2010 01:59 AM

المشاركة الأصلية كتبت بواسطة mada121977

المسلسل ده لسه ماتكتبلوش نهايه .. النهايه هيا القضاء على جميع الغلابه اللى فى البورصه ومص دمهم وفلوسهم اللى تعبوا فيها وتحويلهم بعد كده لمستشفلى الامراض العقليه .. واحب انتهز الفرصه لتحذير الناس هنا من احدى الشخصيات التى كانت تدعى معرفتها بخبايا البورصه وهى لاتفهم فى البطيخ وتقوم بتوريط الناس فى شركات لتحقيق مكاسب خاصه بها (واللبيب بالاشاره يفهم )

انا برضو مش لبيب بس من بعد فتره من متابعه موقع مباشر ايقنت من ان في ناس ابالسه موجوده علشان توقع الناس في الخساره
المهم ان احنا هنا مع بعض و كويسين
فياريت تكون النصيحه لوجه الله
انا عن نفسي مش بفكر ادخل السوق غير لما الوضع يتحسن شويه

**amir** · 05-07-2010 02:01 AM

المشاركة الأصلية كتبت بواسطة mazagangee

حصل معايا موقف غريب و عايز أسألكم لو حصل موقف زيه مع حد فيكم ....
انا بشتغل مع شركة حلوان للسمسرة مع فرع مديننة نصر و عامل تداول الكتروني و الصراحة الناس هناك محترمين و فاهمين شغلهم ...
طبعا انا بشتغل في المنيا و حلوان ليها فرع هناك و رحتلهم عشان اعمل ايداع لقيت واحد هناك اسمه ايمن و انا متعمد اقول اسمه وكان شغله عشان لو حد في المنيا يخلي باله منه , المهم الراجل قعد يحور معايا كتير من غير داعي و كل شوية يقولي انت بتابع مع مين و انت لازم تتابع مع حد و انت حجم محفظتك قد ايه طبعا انا كنت عارف قصده عشان حصلت مشكله قبل كده بينه و بين واحد زميلي على نسبة ارباح كان عايزها منه و كسبه 20 الف و بعدها خسره 30 الف المهم انا نفضتله لأني مقتنع ان التعامل في البورصة لازم يكون بناء على دراسة و علم مش اادي دقني لواحد يوديني في داهيه ..
المهم وانا قاعد معاه لفيت واحد بيكلمه و فهمت من الكلام انه زبون عنده و قاله سيبني 10 دقايق و اكلمك و راح طالب واحد و سأله يشتري ايه و يبيع ايه و راح راجع للراجل الاولاني قاله اللي ابتاني قاله ....
كل ده ممكن الواحد يقول و ماله محلل فني كبير و ليه مندوبين لكن المصيبة بقى و انا بقلب معاه عرفت انه دبلوم كهربا و قريبه عضو مجلس اداره و هوه اللي شغله منفذ في الشركة ....
و لما لقي ان مفيش فايده مني حاول يبيعلي اشتراك في برنامج المؤشر ب 75 جنيه في الشهر مع ان شركة حلوان بتبيع اشتراكات في مباشر ب 40 جنيه في الشهر....

خلاصة القصة الطويلة دي انت لو اديت دماغك لسمسار أو منفذ عمليات في البورصة يبقى انت اللي بتضيع فلوسك بنفسك و بايديك بترمي شقى عمرك في الارض ....

يا ترى حصل معاكوا حاجة زي كده ؟

هيرميس بتدي شاشه متابعه مجانيه

**SaberMan** · 05-07-2010 02:49 AM

الشركات عندها رعب من أى يوم نزول سوق (السوق أحمر) بيقفلوا الكريدت تقريبا من خبرات سابقه بوقعات ( ثلاثاء أسود .. و غيرو
فى أول تجربتى مع البرورصه كنت أستشير ينصح "لا بلاش شرى السوق لسه فيه تحت" مع أن فى الغالب اليوم ال السوق بيكون فيه متمرمط اوى دى بتكون أيام شرى و بيحصل بعدها أرتداده فيها مكسب مرضى

-

-

-

الموضوع: عن البورصه المصريه

LinkBack

أدوات الموضوع

عرض

-

-

-

-

-

المواضيع المتشابهه

مين ليه فى البورصه

البورصه المصريه ((انه وقت الشراء))

سوال مهم فى البورصه المصريه و الامريكيه ارجوا الافاده

الكلمات الدلالية لهذا الموضوع

المفضلات

المفضلات

ضوابط المشاركة