استفسار بالنسبة لموتور فيات 127

**thegoodhacker** · 12-05-2010 07:37 PM

عندي الموتور بينقط زيت ورحت للميكانيكي قالي انها عاوزة يتغيرلها طقم اويلسيلات بس لازم يرفع الموتور علشان يغير الاويلسيلات دي وبعد كده يركب الموتور تاني ..... وحياخد مصنعية 150 جنيه غير سعر الاويلسيلات دي ... ايه رايكم كلامه كده مظبوط انه لازم يرفع الموتور كله ولا ايه ؟ لاني حاسس انه عاوز يفتح شغل وخلاص ...

**samirayad** · 12-05-2010 08:38 PM

فعلا تغيير سيلات عمود الكرنك ولو فيه سيل كامه كمان
لما يتعملوا بره الحوض

حيخللوا نتيجة الشغل كويسه

وصعب جدا على الميكانيكى يعمل الشغل ده والمكنه جوه الحوض

وحاول تهزها معاه شويه

وخليها 100 بدل 150

وقوله .....ياراجل ياطيب
دى مكنة 127

فا 100 ج ( كويسين )

**thegoodhacker** · 12-05-2010 10:18 PM

شكرا علي الرد

**darkangel007** · 13-05-2010 01:52 AM

كتير شوية هو يقدر يعملهم و المكنة راكبة بس كدة فعلا ممكن ياخد 150 :)
و خلية يشفلك الجوانات كلها و و جوان الكارتيرة برضة عشان كان عندى نفس الموضوع دة و غيرت كل الجوانات و الاويل سيلات و تطلع العيب فى جوان الكارتيرة ( كانت بتنقط )

**kingmony** · 13-05-2010 05:03 AM

انا كان عندى نفس الموضوع ده والميكانيكى قلى لازم نرفع اما الموتور او نفك الفتيس وطبعا الاسهل نفك الفتيس ففكه ونضف الفتيس كمان بالبنزين كله وخد 40 جنيه مصنعيه وعلى فكره انا برده عربيتى 127

**thegoodhacker** · 13-05-2010 11:57 AM

المشاركة الأصلية كتبت بواسطة darkangel007

كتير شوية هو يقدر يعملهم و المكنة راكبة بس كدة فعلا ممكن ياخد 150 :)
و خلية يشفلك الجوانات كلها و و جوان الكارتيرة برضة عشان كان عندى نفس الموضوع دة و غيرت كل الجوانات و الاويل سيلات و تطلع العيب فى جوان الكارتيرة ( كانت بتنقط )

شكرا علي الرد ... بس ياريت تقولي الميكانيكي اخد منك مصنعية اد ايه ... واستلمت العربية من الميكانيكي بعد اد ايه

المشاركة الأصلية كتبت بواسطة kingmony

انا كان عندى نفس الموضوع ده والميكانيكى قلى لازم نرفع اما الموتور او نفك الفتيس وطبعا الاسهل نفك الفتيس ففكه ونضف الفتيس كمان بالبنزين كله وخد 40 جنيه مصنعيه وعلى فكره انا برده عربيتى 127

شكرا علي التوضيح .... لكن للاسف الميكانيكي اللي انا باروحله طريقته هي رفع الموتور كله ...
لو انت من اسكندرية ياريت تقولي علي عنوان الميكانيكي اللي خلصلك الشغل ده ...

**kingmony** · 13-05-2010 01:25 PM

لا والله انا من القاهره الاولسيل ده سهل وبتجيبه ب5 جنيه وفهم الميكانيكى انك فاهم ان ممكن فك الفتيس بس عشان ده بيعمل عليك كده شغل والله اعلم

**darkangel007** · 13-05-2010 02:26 PM

معاك انت ممكن تاخد 5-6 ساعات تقريبا و عشان هيعملك الجوانات كلها يبقى فى حدود 100 او اكتر شوية!

**thegoodhacker** · 13-05-2010 05:59 PM

اشكركم جميعا علي ردكم واهتمامكم

**kaza** · 14-05-2010 12:34 AM

الصح في موضوع الاويلات سيل للبلوك هي ان تتغير والموتور برة العربية وده افضل من كذا ناحية الاولي سهولة فك الحدافة وكذلك التربيط عليها مظبوط بعد تركيب الاويلسيل الخلفي كذلك معاينة جوان كرتير الزيت وربطه بالتساوي وانك تضمن ان مافيش مسمار من مسامير الكارتير مش مربوط كويس اوضايع التالته سهولة تركيب الاويل سيل الامامي ..اهم حاجة انك تلاحظ اذا كان عندك الاويلات سيل محكمة علي اسطح الدوران للكرنك ولا لاء لان في المواتير اللي اشتغلت لمسافات كتير او عمر التشغيل ليها كبير الاويلسيل بيحفر زي مجرى او اخدود في الكرنك ودة بيستدعي في الحالات البسيطة تضييق الاويل سيل شوية عن طريق فك السوستة بتاعتة وقص حوالي 5مم منها وتركيب السوستة فى مكانها تاني وفي الحالات الشديدة لازم زيارة للخراط لازالة المجرى دة علسان كدة الفك برة احسن..معلهش طولت لكن حبيت افيد

الموضوع: استفسار بالنسبة لموتور فيات 127

LinkBack

أدوات الموضوع

عرض

استفسار بالنسبة لموتور فيات 127 - انشر الموضوع فى :

-

-

-

-

-

المواضيع المتشابهه

استفسار بالنسبة لفتح الشاسيه في فيات 128

استفسار بالنسبة للدهان

استفسار بالنسبة fsv

حطيت زيت ديزل 50 لموتور فيات 132 -1600

استفسار بالنسبة لعفشة فيات 127

الكلمات الدلالية لهذا الموضوع

المفضلات

المفضلات

ضوابط المشاركة