استفسار بالنسبة لعفشة فيات 127

**thegoodhacker** · 14-08-2008 08:56 PM

عاوز اعرف معني و فائدة الجلب و المقصات
وبيبقي فيه كام مقص في العربية ؟ و اد ايه برضه عدد الجلب ؟ يعني كام جلبة بتبقي علي العجلة الواحدة ؟
و الواحد يعرف انهم عاوزين يتغيروا ازاي ؟ واسعار الجلب و المقصات كام ؟ و ايه احسن الانواع ؟

**NaderNabil** · 14-08-2008 11:56 PM

العربية فيها 4 مقصات

واحد علي كل عجلة

الخلفي بياخد 4 جلب بمجموع 8 للمقصات الخلفية

الأمامي بياخد جلبتين بمجموع 4

الخلفي ينفع تغير جلبه عادي....انا كنت شاري ال8 جلب كانوا يوغوسلافي باين....سعرهم كان 40 جنيه من 3 سنين....كل واحدة محطوطة في كيس لوحدها متبرشم...

الأمامي لا أعتقد انهم بيتغيروا....بترمي المقص و تجيب غيره علطول...سعر المقصين الأوكاب الإيطالي 110 جنيه

الخلفي تعرف اننه عايز يتغير أما تسمع صوت تزييق أثناء المشي و المطبات...زي تزييق اباب الشقة بالظبط:)..ممكن تعالجه مؤقتا بشوية زيت...بس مش هايقعد اسبوع و ترجع تزيق تاني

الامامي...صوت خبط و كركبة...و عومان أثناء السرعات...

**thegoodhacker** · 15-08-2008 01:46 AM

الف شكر علي الرد........ معلش عندي شوية اسئلة كمان .... بالنسبة للمقصات الخلفية سعرها في حدود كام ؟ و تعرف انهم عاوزين يتغيروا ازاي ؟ وهل لازم المقصين يتغيروا مع بعض ؟ و بالنسبة للجلب اليوغسلافي كويسة ولا مش بيعيشوا كتير ؟