كنت باسمع الكلمه ديه على طول وكنت بقول لأ الدنيا فيها وفيها
لكن دلوقتى اقتنعت تماما أن فعلا نسبه الناس الوحشه عليت قوى عن زمان

هقول كام مثال الى حاضرين فى دماغى دلوقتى
لما كان المرحوم محمد جمعه زميلنا فى المنتدى الى توفى متاثرا بالسرطان محتاج دم
روحت فى الشارع الى ساكن فيه والدى عشان شارع تجارى (متفرع من ش الجمهوريه بوسط البلد ) ومعارفى هناك كتير وقولته عاوزين 2 ثلاثه من الشارع بعد الشغل عشان اخدهم بالعربيه يرحوا يتبرعوا بالدم
جوابنى اجابه مختصره وصادمه وقالى مبقاش فيه رجاله خلاص كلهم ماتوا فى 73
المهم صاحب محل كان واقف جمبه قلتله ايه رأيك قالى هقول للى شغالين عندى فى المحل واشوفهم فضلت مستنيه بتاع نص ساعه ولا حس ولا خبر ولقيته جاى بحسبه جاى ليه بصيت نحيته لقيته حول نظرته بعيد عنى

قلت لحوالى 20 من زاميلى فى الشغل والى راح واحد بس جزاه الله خيرا

وفى مترو الانفاق تلاقى شاب عنده 20 ولا 30 سنه قاعد وقدامه راجل كبير ولا ست كبيره وغالبا - الا من رحم ربى - مش بيقوم والادهى من كده أنه ساعات يعمل نايم وساعات وللمقارقه تلاقيه عمال يقرأ قرأن وسيب الراجل العجوز واقف قدامه

كنت فاكر زمان لما كان يحصل موقف زى ده كان الراجل الكبير غالبا بيقول للى قاعد قوم يا ابنى وقعدنى لكن دلوقتى بقى بيخاف لحسن يلاقى رد فظ من الى قاعد ساعات يرد يقوله ما تعبان انا كمان يا عم الحاج ومش قادر اقف
مع انه لو وقف ربنا هيباركله فى صحته وفى رجليه

غير فى الشغل والحقن الى شغاله على طول والى يعمل شغل وغيره يخش يعرضه

والصنايعيه الى نادرا لما تلاقى حد كويس بيرضى ربنا فى شغله وما يغلبكش ويدوخك عقبال ما يعملك شفلك ويديك عشرين ميعاد وميوفيش

فهل فعلا النسبه الغالبه من الناس بقم وحشين (طبعا مش كل الناس فالناس الخيرين مازالوا موجودين وسيظلوا أن شاء الله ) ولا أنا متشائم والناس الكويسه اكتر؟