هى الناس بجد بقت وحشه

**aif** · 14-05-2010 04:32 PM

المشاركة الأصلية كتبت بواسطة muslima

فعلا حضرتك عندك حق تماما في الجزئية دي

لكن

فيه حاجة برضه مختلفة مش بقى ناحية الدين ولكن الاخلاق والشهامة

يعني من 50 60 سنة الناس ماكانتش متدينة ولا حاجة يمكن دلوقتي فيه صحوة عن الايام دي

لكن برغم كدة الوقت ده علاقات الناس ببعض كانت غير

الجيران والاقارب والزملاء كانت علاقتهم فيها حاجات مش موجودة دلوقتي برغم انهم كانوا من الناحية الدينية ضايعين ( زمن الميكروجيب مثلا) وحتة لو ناس مش تعرف بعض برضه كان فيه روح كدة مش موجودة دلوقتي

الواحد ماعش في الفترة دي لكن يقدر يستنتج من شكل الناس الاكبر وكلامهم

ده احنا كمان دلوقتي أسوء من فترة الجاهلية قبل البعثة

الكفار كانوا افضل من الناس دلوقتي

كان فيه ethics وصفات نادرة دلوقتي

الشجاعة والكرم والمروءة ووووو صفات وجودها الان بقى "نادر" وده افضل وصف يمكن يتقال

دي بقي اسمها اخلاقيات الزحام
زمان كانت الدنيا رايقة والتكدس السكاني غير دلوقت
مثلا
في نفس الزمن اللي احنا فيه ..... لو روحتي مكان نسبة الزحام فيه قليلة زي الواحات او بعض المجتمعات الصحراوية ..... ح تلاقي الاخلاقيات مختلفة وقد تكون اشبه بالقاهرة في اوائل القرن الماضي
وكمان كل ما الزمن بيمر كل ما كان الامر اسوأ ..... ده طبيعي جدا
وكمان احنا لما بنتذكر ايام زمان غالبا بنتذكر الحاجات الحلوة بس .... دي طبيعة الذكرايات
.....

**osoliman88** · 14-05-2010 04:58 PM

أتفق معك تماما في كل ما قلته ...... ولكن أود ان اضيف جزئية هامة - بالنسبة لموضوع المواصلات العامة - لكي تكتمل الصورة . وهي أن تفسير ما يحدث في المواصلات العامة ليس فقط راجع الى تردي الأحوال الأخلاقية والشهامة والمروءه فقط ، بل أيضا الحالة الصحية ( وأرجو الا يفهم أحد ان المقصود بذلك هو تبرير لهذه التصرفات بقدر ما هي تفسير أكثر منه تبرير)، فمثلا المستوى الصحي حاليا مختلف تماما عنه منذ 10 أو 20 أو 30 سنة والدليل على ذلك يمكنك ملاحظة عدد الكراسي الموجودة حاليا في المساجد والتي يجلس عليها ليس كبار السن فقط بل ترى الآن من هم في عز الشباب بسبب مشاكل العظام وغيرها التى ترجع الى طبيعة الطعام والأدوية ، هذه بالاضافة الى العادات الموجودة حاليا وهي عدم النوم المبكر للجميع تقريبا فمن النادر أن تجد من ينام قبل الثانية أو الثالثة صباحا والبعض للفجر ويذهب للعمل وهو لم ينم أكثر من ساعتين أو 3 على أكثر تقدير. الملخص : ما نراه حاليا يرجع الى أمور كثيرة بعضها أخلاقي وتربوى والأخر مادي ومتعلق بنمط الحياة وواقع العصر