يعني الامبريزا وحشه؟؟؟؟؟

**Bassem_Basha** · 29-02-2012 08:29 PM

انا العربيه عجباني بس انا خفت من الكلام الي بسمعو هنا كلها( عيوووب ) ده بجد يعني الامبريزا وحشه؟؟؟؟؟

**Medo.Malek** · 01-03-2012 02:45 AM

الامبريزا حلوة
:)

**khalid_adel** · 01-03-2012 12:29 PM

كلها عيوب ؟؟؟ ليه هي صيني
مفيش الكلام ده يا بوب ده الموضوع مشكله مع واحد ولا اتنين وفي الغالب بتتحل مع التوكيل
انا نفسي كان في مشكله وحلتها مع التوكيل قبل كده وكفايه انهم بيحلو وبيقفو مع العميل في توكيلات تانيه قالولي ده عيبك واحنا ملناش في ومبعتوش حتي للشركه الام عشان يريحوني

**khalid_adel** · 01-03-2012 04:13 PM

هو السعر مبدئيا حلو
بس ياريت تفاصيل اكتر عن العربيه (فابريقه , عداد , صيانة, انهي فئة)

**H_A_T_Em** · 06-03-2012 10:16 AM

يا باشا العربيه ١٠٠ ١٠٠ بس حاول تجيب مانوال لو بتحب الجري

**thenders** · 18-04-2012 10:38 PM

بص نصيحة لله بلاش السوبارو عموما مش عيب فى العربية بس عيب فى بلادنا قطع الغيار مش موجودة اصلا مش مش متوفرة انا معايا امبريزا 2009 الفنوس اتخبط الأمامى ومش موجود فى مصر كلها روحت التوكيل قلت اجيبة بص المفاجا بقى الفانوس بكام 1970 دة غير الضريبة ومش دى المشكلة المشكلة أنة مش موجود قالولى أسئل علية فى أخر شهر 5 الى جى وانا خارج من التوكيل لقيت واحد بيقولى انا مش لاقى تيل الفرامل بجد دى حاجة مسخرة يعنى رضينا بالهم والهم مرضيش بينا المفروض الواحد بيجيب عربية غالية ومحترمة عشان تريحوة مش عربية تخلية يلف مصر كلها عشان قطعة غيار وكمان مش موجودة ومعلومة تانية العربية الصاج بتعها ضعيف جدا جدا جدا وعن تجارب ياراجل عربيتى لمست عربية شاهين مش خبطتها خبط بص بقى الى حصلى الكبوت اتعوج و السربنتينة بتاعت التكيف اتخرمت والراديتير اتخرم والفانوس اتكسر دة طبعا غير صاج العربية الى اتبهدل على شرط الشاهين محصلش فيها حاجة خالص

**Mzeid** · 18-04-2012 11:20 PM

قطع الغيار مش عيب توكيل

لأن التوكيل مش هيجيب قطع غيار لعربية مبعتش كتير و يخزن القطع و كل فين و فين لما حد يروحلوا يعمل صيانة او يشتري قطعة غيار

المشكلة في الناس اللي بتحب تركب المعروف سواء حلو او وحش