الموضوع: مقارنة بسيطة بين تكييف السيارات الاوبل والياباني والكوري

اللى انا اعرفه يا جماعة ان التكييف اليابانى افضل التكيفات و على فكرة الاوبل كورسا اللى معى التكييف بتاعها يابانى و هو ده اللى مخليها احسن عربية اوبل فى التكييف و بجد بيبقى تلاجة هى موديل 2005

بغض النظر عن تككيف يابانى ولا المانى ولا هندى
مصانع العربيات مبتصنعش كل اجزاء العربية يعنى لو فتحت الكابوت هتلاقى كل المكونات من مصانع وجنسيات مختلفة طبعا حسب مواصفات الصانع

فا هنا فى مصر مش عارف لية حاسس ان الموضوع مرتبط ببعض الاشاعات على شوية كلام ميكانيكية واللذى منة اكتر منة كلام عملى او علمى
ممكن يكون الموضوع مرتبط ان العربيات اليابانى عامة كصيانة اسهل حتى التكييف افتح اى كابوت عربية يابانى هتلاقى الدنيا واضحة والمواسير باينة كلها ومفيش اى تعقيد ودى ميزة فى اليابانى عكس الالمانى مثلا هتلاقى الدنيا راكبة فوق بعضها ومواسير تحت وفوق ولفة منين ورايحة فين وبالتالى الصيانى اصعب بس بالرغم من التعقيد دة الدنيا منظمة ومرتبة جدا يعنى عمرك ماهتحس ان الحاجة دى مكانها غلط او المفروض مكانتش تبقى هنا

يعنى مثلا ودة كلام صنايعى فى ديافيا
اتفتحت سيرة اليابانى والتكييف لقيتة بيقولى تكييفات اليابانى القديم زى اللانسر كريستالة والكورولا 92 : 96 انضف بمراحل من كل تكييفات اليابانى الجديد واعتمادية اكتر
وكان عندة كريستالة ساعتها لقيتة بيقولى ان تكييفها احسن من الكورولا الجديدة
بالرغم من انك لو سألت اى حد فى الشارع هيقولك كورولا دة كفاية انها تويوتا والشركة مش عارف رقم كام و ...........الخ الخ !! .. يعنى مثلا لو الكورولا دى كانت نازلة بحتة سبليت فوق السقف ولا حتى تكيف صحراوى زى بتاع السودان هيبقى افضل تكييف ومكانش حد هيتكلم لأنها تويوتا !!
بس اهو دة كلام متخصص تكييفات ولة رأى تانى ... وهتروح لصنايعى تانى هتلاقية برأى تانى وتالت برأى تالت !!

فا سألتة طيب اية اسوأ تكييفات قاللى الفرنساوى بأنواعة !

معلش يا رجالة ممكن سؤال لو غيرت الكباس الى فى التمبرا ينفع تحط كباس يابانى مثلا وهل سيفرق فى الاداء وتكلفتة كام ةما هو الكباس الى اسمة ديلفى والف شكر لكم على افادتكم