YouTube - Chinese Train Concept.wmv
هو انا مش فاهم اوى دة عباره عن ايه
ده قطار سريع بدون توقف نهائي في اي محطة.........بيحمل الركاب عن طريق الكبسولة الي بتلحم في القطر من فوق لما يدخل علي المحطة.......والي عايز ينزل يرجع في اخر كبسولة والقطر بيسبها في المحطة التالية وياخد واحدة جديدة وهكذا......بحسبة بسيطة لو القطر هايقف في كل محطة هايضيع مالايقل عن 10 دقايق في كل محطة مابين تبطيء وهو داخل علي المحطة ووقوف وتحميل ركاب وبداية حركة وتسارع مرة اخري اكتر من 10 دقايق كمان *10 محطات بس=100 دقيقة.......لان ماشاء الله القطارات عندهم غير عندنا خاص بتوصل ل 400 كيلو في الساعة.......ناس عارفة قيمة الوقت والله.........صحيح اسلام بلا مسلمين.
اختراع هايل و فكرة تديلك دليل قد ايه الوقت مهم عند الناس دي
بس انت متاكد انها فكره صيني
اصل اول الفيديو مكتوب Texas Tech University
و المعلق واضح انه هندي
ده" قطر" بس مبيقفش في محطات يعني الركوب أو النزول بيبقى عن طريق عربيه فوق القطر بيسيبها بالناس اللي حتنزل وياخد غيرها بالناس اللي حتركب وكل ده من غير ما القطر نفسه يقف.. وأحب اقول ان الصين عندهم صناعات احنا في مصر ممكن بس نحلم بيها بس العيب في المستوردين عندنا اللي بيستوردوا حاجات تعبانه بدليل ان الصين بتصدر بردو لأمريكا
وده تقريبا اسرع قطار في العالم عندهم برضه
http://www.youtube.com/watch?v=eyHrX...eature=related
انا عايز اقوللكم رأيي
عن تجربه
انا بستورد شغل من الصين
وبكون هناك معظم السنة يعنى من 5 الى 7 شهور
اوقات بكون فى شينزين وأوقات كوانزو
شينزين فيها مصانع ..
وكوانزو معظمها معارض ... وشركات شحن ( ودا علشان كوانزو قريبة من هونج كونج )
والشحن من هونج كونج دلوقتى ارخص من شينزن
دا علشان الناس اللى اكيد هاتشكك فى رأيي
رأيي بقى ...
ان احنا راسمين صوره للصين مغايره عن الواقع تماما
بمعنى ان احنا شايفين الصين ( جوده قليله - سعر قليل) وكتير مننا شايف ان المستورد هوا السبب
ودا غلط جداااااااااااا :shine[1]:
اول حاجة الصين بتصدر لكل دول العالم
فى اتفاقيات تجارة مشتركة بين كل الدول طبعا
احنا التجارة الخارجيه عندنا فقيره جدااااااااااا
بمعنى
اتفاقياتنا مع الصين كللها محتاجة إعادة صياغه لأن احنا مش جايبين سيرة اى الجوده فى اى شئ فى اتفاقياتنا مع الصين
بالتالى ده ضوء اخضر لأى مستورد انو بيعمل اي حاجة فى ظل المنافسة غير الشريفه اللى هنا فى مصر
يعنى انا لما اعمل مروحة هاى كواليتى سعرا افتراضا 300 جنيه
يجي واحد تانى يعمل نفس الشكل ب 200 بس
المستهلك للأسف بيقول مفيش فرق ده صيني وده صيني (المنافسه غير شريفه هنا )
بالتالى كللنا بنتصارع على اللى هايجيب اقل سعر ومش مهم الجوده (المستهلك مش فاهم حاجة -كللو صيني)
لما وزير التجارة حب يقلل من المنتجات الصينيه ( ودا غلط هوا مش احسن من امريكا اللى سوقها كللو متجات صينى ) عمل اتفاقيه مؤخرة بتقول ان المستورد لازم يجيب الفاتورة الاصليه من المصنع
وهناك المصنع لازم يديك فاتوره بالسعر المظبوط علشان البضاعه مش هاتطلع من هناك إلا اذا كانت الفاتورة مظبوطه ( دا بند من البنود المعدله )
الأول كان المصنع بيطلع فاتوره بسعر أقل علشان الجمارك هنا تكون أقل
بالتالى لما دلوقتى الجمارك هاتزيد عليا كمستورد
انا هاقلل فى الخامة علشان اقلل من الفاتوره .... قشطة كده ؟
والمستهلك يشرب
اتفاقية عقيمة مش هاتقلل من البضاعه الصينيه لأ بالعكس هاتبوظ الجوده اكتر
نيجى لأمريكا بقى
اكبر الشركات العالمية
ليها مصانع فى الصين
اولهم شركة ... أبل
وليس اخرهم
دول بيهتمو اكتر بالكواليتى
عندهم اعفائات جمركيه معينة
شعب فاهم كويس (مش هايقول دى صينى )
منافسه شريفه (ضامن انو اكيد محدش يايلعب معاه ديرتى فى السوق لأن اللى هايلعب معاه خسراااان طبعا )
لأنو مش هايقدر يغير فى الجوده حاجة وإلا بضاعته هاترجع مع اول لجنة فحص ع المنتجات
وهوا ده السبب بجد
بس الصين لا غبار عليها فى اى حاجة
............
اسف لو طولت عليكو
اتمنى تكون الصوره وضحت :verygood:
+111111111
هو ده الي انا كنت عايز اوصله ......ان نسبة كبيرة جدا من الشركات العملاقة في العالم ليها مصانع في الصين لرخص الايدي العاملة والتسهيلات الحقيقية المقدمة للمستثمرين......اي ماركة مشهورة حتي في الملابس مصنوعة في الصين لصالح لاكوست او اديداس علي سبيل المثال..........بس الجديد في الموضوع انهم بداوا يبتكروا ويشتغلوا بدماغهم مش مجرد تصنيع او تجميع وبينافسوا بافكار واختراعات جديدة
عقبالنا يا رب
نعمل اى حاجه
فوانيس رمضان
سجاجيد الصلاه
شفتم الاعلان بتاع العروسه الصينى اللى ب 1200 جنيه
طبخ وغسيل
وتنضيف
وكله
ومش بترغى ولا بتتعارك
ولا بتتناقش
الموضوع كان ف ملحق اجازه بتاع اخبار اليوم العدد اللى فات
حد يشوف لنا الموضوع ده
ههههههههههههههههههههههههه هههههههه
طب فيه سؤال بقى، لما القطر يجى بسرعته او حتى انه يقلل سرعته وهو داخل على المحطة، وبعدين ياخد الكبسولة، دلوقتى الكبسولة ها تكون فى وضع السكون وتيجى تكتسب سرعة القطر مرة واحدة، طب ده مش ها يكون خطر على الركاب اللى راكبين فى الكبسولة؟؟؟
أحب أوضح كلامي لمل قلت ان الصين عندهم صناعات احنا ممكن بس نحلم بيها وانهم بيصدروا لأمريكا (حاجات بجوده أعلي 100 مره من اللي بتتصدرلنا)مكنتش أقصد الحاجات اللي بيصنعوها بنظام ال offshoring أو global sourcing زي الكمبيوترات اللي اتكلم عليها الأخ omarken اللي بتتصنع بمواصفات المصانع الأصليه ورقابة مهندسينهم وكل علاقة الصين بيها بس عمالتهم الرخيصه أو سهولة أنظمتهم الجمركيه. لأ كان كلامي على صناعات الصينيين نفسهم بيستخدموها جوه بلدهم زي الكباري مثلا" اللي الصين بتبنيها وتتحدي اختراعات غيرهم وتعمل أرقام قياسيه جديده في الطول أو صعوبة المكان اللي حتتبنا فيه... وأحب اقول ان غرابة اتفاقيات الحكومه أو ان المستهلك مش فاهم وبيقول ده صيني أو ان مفيش مواصفات قياسيه مصريه مش مبرر للمستورد ان يستورد منتج بخامات ضعيفه لأن الناس ده (الصينيين) دايما" بتبص لقدام واللي بيعملوه ده اسمه dumping (سياسة الاغراق)وليهه كذا نوع ونوع منهم انهم ممكن يبيعوا أقل من التكلفة لحد ما يدمروا الصناعات المحليه وبعد ده ما يحصل الناس اللي معندهاش ضميرمن المستوردين اللي كان منهم بيستورد حاجه بملاليم ويعملها هنا سعر ويكسب فرق كبير طبعا" حيحب يحافظ على مكسبه فحيزود السعر وطبعا" لأنها ملهاش بديل محلي فالمستهلك هو اللي حتتطلع عينه لأنه حيضطر يشتري حاجات مش بتعيش ولا تستحمل بالغالي وعشان كده مثلا" بعض الحكومات بتعمل حاجه اسمها export quota (حصة تصدير) مثلا" زي أمريكا لما عملت اتفاقية زي ده مع اليابان بسبب شركة تويوتا والاتفاقيه بتكون ان الدوله المستورده(أمريكا) تخلي الدوله المصدره (اليابان) تقلل صادراتها ليها والا بلاش خالص وفى الحاله ده اليابان وتويوتا يخسروا السوق الأمريكي كله بس طبعا" احنا مش في أمريكا ولا كل الناس عندها ضمير.....والله أعلى وأعلم
+111111111
والله طول عمري بقول ان دي اهدافهم اغراق السوق حتي لو بيبيعوا بخسارة....تحيا تي
فكرة رااائعة القطار ده ... ما تخطرش على بال ... بس هيكون فيها نسبة خطأ عالية اكيد
الظاهر!!! الظاهر إن سعادتك مش متابع شغلهم من سنين. أنا من الناس اللى مقتنعه إن فى غضون سنوات حنبقى إحنا صينيين و مش بعيد نتعلم لغتهم إجبارى فى المدارس.
ياباشا احنا هنبقي زي الصينين يسمع من بقق ربنا صعبة بس صعبة قوي دي ...........قول طيب نحصل بلاد واق الواق حتي:C_laugh[1]:
والله يا سيدنا انتوا ظلمين مصر وطول ما احنا حطين الكلام فى دماغنا عمرنا ما هنتقدم ..بس هو كل الموضوع ان مفيش امكانيات او استثمر فى الموارد البشرية ..يعنى دراسة للافكار او الاهتمام بيها فى البلاد دى مجرد ان يلقوا واحد عندو حاجة بسيطة هيضفها يخدوا وينموا قدراتوا ويسعدوا ويستفيدوا منوا اما هنا العكس بس ميمنعش ان فى مصر ناس بتعمل فى مالفسيخ شربات ..هديكوا مثل لو اى حد سافر برة مصر وراح لمكانيكى علشان يصلح عندوا حاجة هيقولوا ارمى وهات جديد حتى ولو الجزءاو الشىء الخربان دا مش خربان بالكامل لكن فى مصر يقعد يصلحلك ويعملك وحاجة مش موجودة ممكن يخترعها المهم بيصلحها ويوفر عليك كمان وممكن تكتشف ان ادائها احسن من الجديد..دا مش اسمة اختراع؟؟ ...وبعدين خالى الكلام دا لوحد غريب يقول مصر محصلتش والكلام دا ..انا على فكرة مش داخل اقول شعارات لكن انا مستغرب اننا بنقد نفسنا اكتر ما بننقد الاخرين ..واسف لو طولت عليكوا ..
أحنا بنقول الكلام ده لأننا كمصريين نستحق أكتر من كده بكتيييير المفروض والله نكون في مصاف دول العالم.........أنما اننا نغالط نفسنا ونقول اننا احسن من غيرنا حاليا!!!..........والحمد لله علي السراء والضراء.
لااااااا حبيبى انا مقصدش انى انتقد خالص
انت عارف ان دى اللغه الرسميه للمصريين
ومن ناحية التأليف والتصليح زى ما انت بتقول مش احنا بس اللى بنعمل كده
العالم كللو بيعمل كده
بدليل لو الميكانيكى قاللو ارميها
بتتصلح بعد كده وبتجيلك انت ولا ايه ؟؟؟؟
الحاجة التانية كمان احنا بنألف فى اللى ممكن نفهم فيه (حاجات بسيطة يعنى )
وعن تجربه فى حاجات كتير حاولت اصلحها هنا فى مصر بس مش موتوسيكلات ولا عربيات طبعا
وللأسف مفيش حد عرف يصلحها مع انها حاجات بسيطة
زى شاشه اللاب توب لفيت مصر كللها علشان اصلحو
وللأسف صلحتو فى كوانزو
وانا واقف ههههه
والفنى بتاع الصيانه مرضيش ياخد فلوس ( بيقوللى انا معملتش حاجة فنية انا ركبت شاشه جديده بس ) خد حق الشاشة بس
لو واحد مصرى صلح حاجة زى كده
هايحسسك انو عمل رجل الكيكى
سلاااااااام
تمام ياباشا
حلوة الفكرة
Dammit !!!!
(هايحسسك انو عمل رجل الكيكى )
ههههههههههههههههههههههههه ههههههههههههههه
جامدة اوى الجملة دى
بالمناسبة
انا ليا واحد صاحبى فنى موبايلات عارفين بيعمل ايه
الحاجة مثلا اللى مثلا تصليحها عشرة جنية
يخليها بخمسين اقولة كدة يابنى حرام تاخد كل دة فرق
تخيلو كدة يرد يقولى ايه
يابنى انا لو ماعملتش كدة ماحدش هايجيلى وهايوقولو عليا ان شغلى مش مظبوط والزباين هاطير
من باب العقلية المصرية الفذة اللى بتقول
الغالى تمنو فيه
الغالى للغالى
الغالى ثمنو فيه
الشيخ البعيد سره باتع
والتاني بقى يقوللو
الفنى :-اصل انا لاقيت (IC) راكب غلط (قال ايه اللى صنع التليفون ركبه غلط ) :36_1_37[1]:
وبعدين سخنت ع الروسيسسور اللىع البورده
وكمان عملتلك شويه حاجات كده كانت لازم تتظبط :B4_564::B4_564:
تعالى نفصصها 15 ايى سى
15 تسخين (كان لازم يعنى ... هاياخد برد كده )
وشويه الحاجات التانية ( ايه هيا مش عارف 15 )
الإجمالى 50 جنيه
الزبون :- اززاى 15+15+15= 45
الفنى:- بقوللك ايه ... هما المصرييتن كده تيجي معاهم دوغرى يزهقوك
هات ياعم ال 45 وبعد كده متفاصلش تانى
الزبون :- ياعم انا اصلا جايبلك التليفون علشان تغير الوش بس (COVER) انتا اللى قولتلى تليفونك عيان وف خطر
حسبى الله ونعم الوكيبل :dontudear:
فكرة جمدة جدا جدا
فكرة لذيذة فقط لكن غير عملية
لأن مخاطرها أكبر من فوائدها
هايجرى إيه يعني لو القطر وقف لمدة 30 ثانية وفوقيهم كمان دقيقة بيهدي سرعته ويرجع يكتسبها تاني عشان يقف ويطلع من كل محطة .... هاتلاقي الزمن الضائع كله مش أكتر من ربع أو نص ساعة على الخط كله ... حاجة بسيطة جدا بالنسبة للمسافة اللى بيقطعها في كل رحلة
غير طبعا إني أحاول أكسب جسم ساكن طاقة الحركة اللى بيتحرك بيها جسم بالحجم والسرعة دي فجأة في كل مرة ..(حتى لو هايبقى الموضوع بالتدريج برضه الخطر مش قليل)
عايز تقول انه هايضيع 90 ثانية في كل محطة..........لا اسمحلي التقدير خانك اكيد مش اقل من 10 دقايق رايحين يمكن مايفرقش معانا في مصر ماهو الوقت يعني هانعمل بيه ايه الانتاج مش مقطع بعضه يعني.........الفيديو ده علشان نتفرج ونتحسر بس مش اكتر ولا معني لتطبيقه عندنا علي الاقل في الوقت الحالي
+1
متفق مع حضرتك
احنا معندناش قيمة للوقت
+
ان الموضوع دا هيوفر طاقة ... طاقة التوقف + طاقة التحرك من السكون = فلوس
طبعاً احنا عندنا السكة الحديد مال حكومي سايب
ممكن تركب قطر الساعة 12 بالليل في عز فصل الشتاء مفيش في القطر كله غير 6 افراد ... اتحرك الطقر بيهم ... إهدار للطاقة و الوقت و استهلاك للقطار نفسه عالفاضي و كل دا بسبب سوء الإدارة !
الدقيقة ونص دول فعلا القطر مش محتاج أكتر منهم عشان يقف في كل محطة
لو تابعت مترو الأنفاق عندنا هاتلاقي إن أبواب المترو بتفتح لمدة 30 ثانية فقط مش أكتر ... أما النص دقيقة للتهدئة وزيهم للتحرك فهي من تقديري الشخصي بصورة تقريبية
أما بالنسبة لتوفير الطاقة ... طيب ماهو الطاقة اللى أنا هاوفرها من عملية تحريك القطار الكبير بصورة هادئة جدا هاصرفها على عملية تحريك الكبسولة بإسلوب غير إعتيادي وبصورة مفاجئة ونفس الأمر بالنسبة للتوقف
أما بالنسبة للقطار اللى بيمشي فاضي فده بيحصل في كل البلاد في الدنيا ... في أوقات ذروة وفي أوقات الدنيا هادية ورايقة وفاضية كمان ماحدش قال نوقف القطارات في الأوقات الفاضية للتوفير قط .. لكن في مواعيد الناس ملتزمة بيها دا الفرق
أنا شايف برضه إن الموضوع مالوش قيمة فعلية ... والله أعلم طبعا أنا ماعشتش معاهم ومعرفش متطلبات النظام إيه
عقبال لما يكون عندنا قطار سريع الاول
+1111111111
الكلام ده تمام
واحب اقوا ان في اليابان بيعتبروا القطر متأخر لو اتأخر "دقيقه واحده بس" مش احنا هنا تلاقي الواحد يقولك "ان شاء الله حعدي عليك كده بعد المغرب ولا العشا" ... ولو حصل ان التأخير زاد عن دقيقه بيدوا الركاب "رحله مجانيه"--في القطر طبعا" مش في دريم بارك-- والموظف اللي اتأخر على شغله ممكن "ياخد ورقه لمديره ان القطر هو السبب في التأخير" لكن احنا مشيين بمبدأ "القانون لا يحمي المغفلين"........ يا جماعه الناس دول مش عايشيين زينا كده بالبركه دول بياخدوا بالاسباب لأن بركة ربنا مابتجيش للمتواكل اللي مستني معجزه عشان هو يستاهلها أصله ابن حلال وعرفين انك على أد ما حتزرع حتحصد وان النظام الصح مافيهوش استثنائات ....... سلام