كنت سألت حضرتك منين...
لاني من االمحله..و شوفت أكتر من تلت بنات راكبين البيجو 505...
و مره شفت واحده سايقاها إستيشن..
فقولت حضرت إما من المحله..أو ممكن بقى من الصعيد الجوانى:shyy:
عرض للطباعة
كنت سألت حضرتك منين...
لاني من االمحله..و شوفت أكتر من تلت بنات راكبين البيجو 505...
و مره شفت واحده سايقاها إستيشن..
فقولت حضرت إما من المحله..أو ممكن بقى من الصعيد الجوانى:shyy:
بالنسبة لتعليق حضرتك فانا بردة هقولك حاجات
1:بالنسبة للكبالن فهية عندها كبالن خلفية ثابتة
2:بالنسبة لفك الكربراتير انا كاتبلها اكتر سعر ممكن يطلبة منها ازيد من كدة يبقى تودية القسم
3:اى عربية فى الدنيا لازم يكون فيها علبتين انا اقصد بقى العلبة الاولى اللى بعد الفرن الهيدر على طول او فرن الشكمان
4:حضرتك خد بالك كدة انا قولت اية هياخد 40 جنية لو وداها لواحد يفك السوستة من المساعد لان ساعات المكيانيكية بيخافوا يفكوا السوستة من المساعد عشان ماتضربش فى وشهم وبيودها لواحد متخصص بياخد على الموضع دة 15 جنية فى فك المساعد الواحد
يعنى لو حسبتها على حسبتك وشيلت ال15 جنية يبقى 25 +25+25+25 يبقى المجموع كلة 100 جنية ودة اقصى حاجة انا كاتبهالها وحضرتك قايل 90 جنية يبقى كدة كلامى مظبوط
شكرا لمداخلة حضرتك وتشرفت بمعرفتك ياباشا :satelite:
طيب اية رايك ان صاحبة الموضوع عاملة موضوع جديد بتسال فية ان المكيانيكى قالها ان العربية عايزة تغيير للكوبلن الخلفى وادى الموضوع ياباشا
http://www.nilemotors.net/Nile/149548-a.html
و الله انا شايف ان العربية دى حاتخلص عليها طول ما هى بتتعامل مع الميكانيكى ده .. لأنى ركبت عربيتين فيهم كبالن خلفية بيجو 504 و بى ام 318 و الكبالن الخلفية دى حاجة معمرة .. العطل الوحيد اللى بيحصل فى العربيات اللى فيها كبالن خلفية هى ان كاوتش الطبلية بيتقطع و ده له سببين .. اولا نتش الغيارات .. ثانيا رفع العربية من الوسط بوضع الكوريك تحت الدفرنسيه .. انما كوبلن خلفى يتكسر ما أفتكرش .. انا ماحصلتش معايا مع ان و قتها كنت باشد على رهانات و تخميس و نتش و كل حاجة ممكن تهلك اى عربية لدرجة انى مغير موتورين فى سنتين للبى ام .. مش عارف بس انا شايف انها تغير الميكانيكى
شكرا علي الاهتمام
جزاكم الله خيرا
وانا بستفيد فعلا من مناقشتكم
بس عندي تعليق وكذا سؤال
موضوع الاختلاف في الكبالن وتغيير الميكانيكي
هو 2 ميكانيكيه قالولي علي موضوع الكوبلن اللي محتاج يتغير ده مش واحد
وده كان بناء علي سؤالي علي صوت الطقه اللي بسمعه او الاهتزاز اللي بحسه احيانا في العربية
ثانيا عايزه اعرف يعني ايه نتش الغيارات ؟؟
عايزه أسأل كمان لو عايزه انضف أو أسلك الرادياتير يتكلف أد ايه
(قالولي ان الرادياتير محتاج يتسلك لاني بكون لسه مزوده مياه الصبح ومشيت مشوار حوالي 35 كيلو وركنتها وانا راجعه ألاقي الرادياتير مافيهوش ولا نقطة مياه
فقالولي احتمال الرادياتير يكون مملح وبيبخر المياه
الموضوع ده ضربلي جوان وش السلندر
ولما الميكانيكي فكه قالي ان وش السلندر متاكل و محتاج يتزود في المخرطه وحوار المخرطه ده بيتكلف 450 جنيه
ده الي جانب اني اشتريت جوانين وصباب وكام حاجه كده كانوا بالظبط ب 235 جنيه
عايزه اعرف مصنعيته هو تكون كام ؟؟