العربيه بتبطل مني :(((((((

**م.محمد علاء** · 14-05-2010 09:17 PM

المشاركة الأصلية كتبت بواسطة smileyface

أنا شاريه العربيه من أول فبراير تقريبا .. ماغيرتهومش
وماعرفش صاحبها كان مغيرهم امتي ؟؟

طيب كده كويس..
حددي تفكيرك فى الآتي:
1- لا بد من التأكد من تنظيف البيك والكاربيراتير مع بعض..
طبعا نضافه نضافه..و إوعي تخليه ينضفه زى مسمسم قال..طريقه الأمباليه العكسي دى للميكانيكيين اللي ال iq بتاعهم قليل بذياده.
2- التأكد من ان كهربة العربيه مظبوطه تمام وكويس..وده سواء بوجيهات وان كنتي أكدتى انها سليمه..يبقى شوفي الأبلاتين والكوندينسر.
3-ضبط المكنه أو الأسبراتير..بسواء ضبط الخليط أو حتي تعلية البنزين.
هل العربيه بتبطل منك و على الواقف؟؟
يعنى لو طلعتى مشوار..أو واقفه فى إشاره و مورتى العربيه..و شيلتك رجلك من البنزين هل حتبطل؟

**د.محمود صلاح** · 14-05-2010 10:46 PM

المشاركة الأصلية كتبت بواسطة semsem kane

احيانا الميكانيكة بيستسهلوا انهم ينظفوا
فتح الاسبراتير مرة واحدة يعنى بيخلى الكهرباء تبقى عالية جدا وبردة بتنظف الشواءب اللى موجودة فى الكربراتير بس مضرة جدا باجزاء الماتور يعنى ممكن تكسر عمود كرنك
فلو قالك انة هايعمل الطريقة دية ماتخليهوش يعملها

الحركة دي جابت لي جوان وش سلندر في الفليشيا

**hugan** · 14-05-2010 11:01 PM

ممكن يكون التانك نفسه مش نضيف
كل البك مايتنضف الرواسب تسده تاني
وكذلك فلتر البنزين هل تم تغيره
ونوع البنزين لم يتم ذكره بنزين 80 ولا90

**smileyface** · 15-05-2010 03:02 PM

معلش عندي سؤال تاني يمكن يكون غريب شويه له علاقه بكيفية التعامل مع الميكانيكيه

أنا ماليش اخوات ولاد وتقريبا امكانية ان حد يوديلي العربية عند الميكانيكي او يروح معايا معدومه

الأول كنت بودي العربيه للميكانيكي واسبهالوا وامشي

بس ماكنتش بعرف ولا بفهم هو عمل ايه او غير ايه
وبعدين بيغير حاجات ويحاسبني هو عليها من غير ماعرف كانت فعلا لازم تتغير ولا لا وهو ده تمنها فعلا ولا لأ والحاجه اللي مغيرها فين اصلا

فبدأت اروح انا وافضل مع العربيه بس برضه مش عارفه اتعامل معاهم يعني !!!
تنصحوني بايه ؟؟؟

**mrsailor** · 15-05-2010 03:08 PM

المشاركة الأصلية كتبت بواسطة smileyface

معلش عندي سؤال تاني يمكن يكون غريب شويه له علاقه بكيفية التعامل مع الميكانيكيه

أنا ماليش اخوات ولاد وتقريبا امكانية ان حد يوديلي العربية عند الميكانيكي او يروح معايا معدومه

الأول كنت بودي العربيه للميكانيكي واسبهالوا وامشي

بس ماكنتش بعرف ولا بفهم هو عمل ايه او غير ايه
وبعدين بيغير حاجات ويحاسبني هو عليها من غير ماعرف كانت فعلا لازم تتغير ولا لا وهو ده تمنها فعلا ولا لأ والحاجه اللي مغيرها فين اصلا

فبدأت اروح انا وافضل مع العربيه بس برضه مش عارفه اتعامل معاهم يعني !!!
تنصحوني بايه ؟؟؟

لو انتى من اسكندرية ممكن ابعتك لحد كويس باثق فيه يضبط لك العربية .. ولو من القثاهرة ممكن اى عضو من الاعضاء يتولى الموضوع ده يعنى لو عنده حد كويس

**م.محمد علاء** · 15-05-2010 03:09 PM

المشاركة الأصلية كتبت بواسطة smileyface

معلش عندي سؤال تاني يمكن يكون غريب شويه له علاقه بكيفية التعامل مع الميكانيكيه

أنا ماليش اخوات ولاد وتقريبا امكانية ان حد يوديلي العربية عند الميكانيكي او يروح معايا معدومه

الأول كنت بودي العربيه للميكانيكي واسبهالوا وامشي

بس ماكنتش بعرف ولا بفهم هو عمل ايه او غير ايه
وبعدين بيغير حاجات ويحاسبني هو عليها من غير ماعرف كانت فعلا لازم تتغير ولا لا وهو ده تمنها فعلا ولا لأ والحاجه اللي مغيرها فين اصلا

فبدأت اروح انا وافضل مع العربيه بس برضه مش عارفه اتعامل معاهم يعني !!!
تنصحوني بايه ؟؟؟

شوفي ..انا حقول لحضرتك حاجه...انا مشاكلي مع أختي كلها إنها متصوره السواقه عربيه تدوسي بنزين تمشي و مبتشغلش دماغها بحاجه..وده غلط...
انا أولا بحييكي على معرفتك بالبيك والكاربراتير و الفلاتر والذى منه...
حضرتك لازم حتتقرصى منهم كتير...بس لازم عاشان تتعلمي..وهو حتى الولد مولود فاهم وعارف كل ده؟؟؟لأ..
كل المطلوب ان حضرتك تسألى زي محضرتك عملتى و تعرفى العيب الفلانى من هنا و لا من هنا..وتتلامضى معاه....
وتعملى حساب المنطقيه فى التصليح...
يعنى مثلا مش معنى اللي بيحصل ده يقولك يبقى احنا لازم نغير الشكمان ؟!!!!مثلا..
بس انا بنصحك إنك تقفى معاه و تشوفى ايه اللى حيتصلح و اللي حيتغير أحسن من أنك تمشى وتسيبيهاله...
و يفضل انك تدخلى عليه تقوليله بص على كذا وكذا وكذا..مش تقوليله المشكله كلها و تسبيه منه نفسه..
دى حتحسسسه ان اللي قدامه يعنى عنده خلفيه شويه..
سؤال بقى لح عليا...
مش واخده حضرتك إخواتك بنات..ليه معكوا عربيه ؟505
العربيه ماش شاء الله حلوه..بس رجوليه شويه؟؟هو حضرتك منين؟؟

**smileyface** · 15-05-2010 03:26 PM

المشاركة الأصلية كتبت بواسطة Eng:mohamed

سؤال بقى لح عليا...
مش واخده حضرتك إخواتك بنات..ليه معكوا عربيه ؟505
العربيه ماش شاء الله حلوه..بس رجوليه شويه؟؟هو حضرتك منين؟؟

هو سؤال تقريبا بيلح علي كل الناس :)
هي قصه طويله كده وانا غلطت جامد في شرا العربيه دي

لانها لا بتناسبني كبنت ولا بتناسب شغلي (أنا دكتوره ) ولا ناسبتني في الاول لانها كانت كبيره عليا وانا كنت لسا بتعلم السواقه
بس يلا قدر الله وماشاء فعل

بس خلاص اللي حصل حصل يعني وانا مابحاولش اركز في النقطه دي عشان ماتعقدش من العربيه يعني ومفيش امكانية للتغيير دلوقتي (حضرتك فاهم بقي مرتبات الدكاتره في الاول )
( بس في الاخر مش هتنازل بقي عن ال بي ام

)

ومع التعاون الجامد ده بجد مش هاشتري تاني غير لما اخد رأيكوا

يديني ويديكوا طولة العمر بقي :)

**SAMEH_FOUAD** · 15-05-2010 03:31 PM

المشاركة الأصلية كتبت بواسطة smileyface

معلش عندي سؤال تاني يمكن يكون غريب شويه له علاقه بكيفية التعامل مع الميكانيكيه

أنا ماليش اخوات ولاد وتقريبا امكانية ان حد يوديلي العربية عند الميكانيكي او يروح معايا معدومه

الأول كنت بودي العربيه للميكانيكي واسبهالوا وامشي

بس ماكنتش بعرف ولا بفهم هو عمل ايه او غير ايه
وبعدين بيغير حاجات ويحاسبني هو عليها من غير ماعرف كانت فعلا لازم تتغير ولا لا وهو ده تمنها فعلا ولا لأ والحاجه اللي مغيرها فين اصلا

فبدأت اروح انا وافضل مع العربيه بس برضه مش عارفه اتعامل معاهم يعني !!!
تنصحوني بايه ؟؟؟

لو انتى هتسيبى العربية يبقى تعملى الاتى :
تخلية يكشف على العربية ويقولك الحاجات اللى بايظة ويكتبهالك فى ورقة وانتى اللى تشتريها وتجيبهالة من بتوع قطع الغيار ويكون ناس مضمونة ومحل كبير وتسالى عند واحد واتنين عشان تتاكدى ان السعر دة منطقى وانك ماضحكش عليكى (يعنى ماتاخديش بالسعر الاول )
- تخلى المكيانكيى بعد مايصلحلك العربية يوريكى كل قطع الغيار اللى تم تغيرها عشان تتأكدى انة فعلا غيرها
طالما فية حاجة قالك هنغيرها وانت مش حسه بالعيب بتاعها يبقى ماتغيرهاش وسيبة يقول اللى يقولة

انا هاكتبلك مصنعيات المكيانكية لمعظم انواع الشغل فى العربية وماتزوديش عن السعر اللى انا هاقولة وممن تتفقى معاة قبل مايشتغل
1:عمرة ماتور :300 جنية حد اقصى مصنعية
2:تغير كبالن 25 جنية للجنب الواحد
3:تغير سير كاتينة :15 /20 جنية اقصى حاجة
4:فك كربرايتر خارج العربية نهائى وتنظيفة 50 جنية
5:تغير تيل فرامل :امامى 10 جنية وخلفى 15 جنية
6:وجود اى ثقوب فى الشكمان :من 10 الى 15 جنية
7:لو حد قالك علبة الفلتر بتاعة الشكمان عايزة تتغير هية تمنها كلها 25 جنية وتركيبها 25
8:ظبط كهرباء واى تصليح فى الاسبراتير 20 جنية
9:تغير مساعدين او سوست الجنب الواحد هيتكلف 40 جنية لو وداها لواحد عشان يفك السوستة من المساعد
10:تغير مقص الجنب الواحد من 25 جنية الى 30 جنية

واوعى تدفعى زى مابيقولك فاصلى معاة حسسية انك تعرفى تقدرى مجهودة بكام مش اى سعر يقولة تدفعى على طول

واى حاجة اخواتك موجودين