الموضوع: العربيه بتبطل مني :(((((((

المشاركة الأصلية كتبت بواسطة semsem kane

لو انتى هتسيبى العربية يبقى تعملى الاتى :
تخلية يكشف على العربية ويقولك الحاجات اللى بايظة ويكتبهالك فى ورقة وانتى اللى تشتريها وتجيبهالة من بتوع قطع الغيار ويكون ناس مضمونة ومحل كبير وتسالى عند واحد واتنين عشان تتاكدى ان السعر دة منطقى وانك ماضحكش عليكى (يعنى ماتاخديش بالسعر الاول )
- تخلى المكيانكيى بعد مايصلحلك العربية يوريكى كل قطع الغيار اللى تم تغيرها عشان تتأكدى انة فعلا غيرها
طالما فية حاجة قالك هنغيرها وانت مش حسه بالعيب بتاعها يبقى ماتغيرهاش وسيبة يقول اللى يقولة
ممكن بعد اذنك اعدل على بعض الاسعار
انا هاكتبلك مصنعيات المكيانكية لمعظم انواع الشغل فى العربية وماتزوديش عن السعر اللى انا هاقولة وممن تتفقى معاة قبل مايشتغل
1:عمرة ماتور :300 جنية حد اقصى مصنعية
2:تغير كبالن 25 جنية للجنب الواحد
هى ماعندهاش كبالن لانها دفع خلفى
3:تغير سير كاتينة :15 /20 جنية اقصى حاجة
4:فك كربرايتر خارج العربية نهائى وتنظيفة 50 جنية
30 جنيه
5:تغير تيل فرامل :امامى 10 جنية وخلفى 15 جنية
6:وجود اى ثقوب فى الشكمان :من 10 الى 15 جنية
7:لو حد قالك علبة الفلتر بتاعة الشكمان عايزة تتغير هية تمنها كلها 25 جنية وتركيبها 25
ال 505 مافيهاش فلتر جكمان
8:ظبط كهرباء واى تصليح فى الاسبراتير 20 جنية
9:تغير مساعدين او سوست الجنب الواحد هيتكلف 40 جنية لو وداها لواحد عشان يفك السوستة من المساعد
حل العفشة امامى كامل يمين و شمال 45 جنيه و خلفى كامل يمين و شمال 45 جنيه
10:تغير مقص الجنب الواحد من 25 جنية الى 30 جنية

واوعى تدفعى زى مابيقولك فاصلى معاة حسسية انك تعرفى تقدرى مجهودة بكام مش اى سعر يقولة تدفعى على طول

واى حاجة اخواتك موجودين

المشاركة الأصلية كتبت بواسطة semsem kane

بالنسبة لتعليق حضرتك فانا بردة هقولك حاجات

1:بالنسبة للكبالن فهية عندها كبالن خلفية ثابتة
2:بالنسبة لفك الكربراتير انا كاتبلها اكتر سعر ممكن يطلبة منها ازيد من كدة يبقى تودية القسم
3:اى عربية فى الدنيا لازم يكون فيها علبتين انا اقصد بقى العلبة الاولى اللى بعد الفرن الهيدر على طول او فرن الشكمان
4:حضرتك خد بالك كدة انا قولت اية هياخد 40 جنية لو وداها لواحد يفك السوستة من المساعد لان ساعات المكيانيكية بيخافوا يفكوا السوستة من المساعد عشان ماتضربش فى وشهم وبيودها لواحد متخصص بياخد على الموضع دة 15 جنية فى فك المساعد الواحد
يعنى لو حسبتها على حسبتك وشيلت ال15 جنية يبقى 25 +25+25+25 يبقى المجموع كلة 100 جنية ودة اقصى حاجة انا كاتبهالها وحضرتك قايل 90 جنية يبقى كدة كلامى مظبوط
شكرا لمداخلة حضرتك وتشرفت بمعرفتك ياباشا

يا باشا انا اللى اتشرفت بمعرفتك بس احب اوضح ان الكبالن الخلفية نزلت فى البيجو ال 504 ال gl و لحد موديل 1979 و بعد كده ما نزلتش .. انا اصلى كان عندى بيجو زمان و الحمد لله حافظها مسمسار مسمار .. حتى الgr & sr ما نزلش ليها كبالن خلفية

المشاركة الأصلية كتبت بواسطة semsem kane

طيب اية رايك ان صاحبة الموضوع عاملة موضوع جديد بتسال فية ان المكيانيكى قالها ان العربية عايزة تغيير للكوبلن الخلفى وادى الموضوع ياباشا

http://www.nilemotors.net/nile/149548-a.html

و الله انا شايف ان العربية دى حاتخلص عليها طول ما هى بتتعامل مع الميكانيكى ده .. لأنى ركبت عربيتين فيهم كبالن خلفية بيجو 504 و بى ام 318 و الكبالن الخلفية دى حاجة معمرة .. العطل الوحيد اللى بيحصل فى العربيات اللى فيها كبالن خلفية هى ان كاوتش الطبلية بيتقطع و ده له سببين .. اولا نتش الغيارات .. ثانيا رفع العربية من الوسط بوضع الكوريك تحت الدفرنسيه .. انما كوبلن خلفى يتكسر ما أفتكرش .. انا ماحصلتش معايا مع ان و قتها كنت باشد على رهانات و تخميس و نتش و كل حاجة ممكن تهلك اى عربية لدرجة انى مغير موتورين فى سنتين للبى ام .. مش عارف بس انا شايف انها تغير الميكانيكى

المشاركة الأصلية كتبت بواسطة semsem kane

المهم عرفت ان فية بيجو 505 فيها كبالن خلفية ذاكرتك خانتك ياباشا المرة دية المهم شرح مفيد اللى انت قولتلها علية احييك

شكرا ياباشا و بجد المناقشة معاك ممتعة .. بس موضوع ال505 و الكبالن حاتاكد منه و حاقولك وعد منى