الموضوع: خبير في الاوبل .... يبقي لازم تدخل....اتفضل

المشاركة الأصلية كتبت بواسطة amrdiab

hishammb + rabbat5 + tananybasha

متابع باهتمام بالغ النقاش ومع هشام في سؤاله
يعني ايه اعمل فلاش

انا مبسوط جدا ان حضرتك جبت اوبل علشان نشوفك هنا كتير
بس عوزينك تسخن شويه زي ما كنت هناك ده انا كنت بسهر اقرا في موضيعاك و خصوصا لما كنت بتشرح حاجه في الموتور
يا رب ابنك يكون تمام دلوقتي ان شاء الله

كان عندي سؤال انت بعت اللوجان ليه

المشاركة الأصلية كتبت بواسطة eng\ahmed

لا عمر الموتور ولا عداد المسافة مقياس لتحديد حالة الموتور او اى حاجة
المقياس هو الاستعمال فقط
لو واحد استخدامة سئ هيقصف عمر الموتور بدرى بدرى
لو واحد بيحافظ هتلاقى الموتور عايش معاة بدون مشاكل


علبة بتتباع فى البنزينة مكتوب عليها engine flush
بتحطها مع الزيت القديم وتدور العربية 5 دقائق وبعدين تصفى الزيت وتحط الجديد
وظيفتها انها بتنضف الموتور من رواسب الكربون ورواسب الاحتكاك وتصفيها مع الززيت

شكرا علي الشرح بس ازاي بردوا اتاكد ان موتوري في حاله جيده او العكس
انا سوقت كذا عربيه قبل كده و احساسي بيقولي ان العربيه موتورها ما شاء الله بس بردوا الاحساس لواحدوا مش كفايه
الفكره كلها اني عاوز اتاكد قبل ما اغير الزيت

المشاركة الأصلية كتبت بواسطة tananybasha

بيدخن او بياكل زيت
لأ
يبقى اتكل على الله

زيت فسيكو اللي بتمشي بيه ١٠ الاف كيلو ب ٧٢ جنيه
انا مقلق من السعر شويه انا عارف ان المفروض محسبهاش كده بس احنا في مصر يا باشا

انا عايز اشتري بوجيهات 3 او 4 شمعا في عربية اوبل فكترا 95 1600 cc هل دة هيضر الموتور ؟