الموضوع: خبير في الاوبل .... يبقي لازم تدخل....اتفضل

المشاركة الأصلية كتبت بواسطة nab!l

ياباشا قول ومتخافش
انت فى حمايتنا

شوف يا باشا
انا اولا ما اشترتيش العربيه دي بس انا كنت موهوم بيها و كنت خلاص بجمع في فلوسها علشان اجبها و كنت بجمع عنها اكبر قدر من المعلومات لدرجه اني اتحمستلها زياده عن اللزوم و اي حد كان بيدخل يشتم فيها كنت بزق فيه

المهم ابتديت الاحظ ان الناس تتدخل تقول كلام مش ظريف عن العربيه و بعد كام ساعة يرجع يلغي الكلام ده و يقول انا غلطان و انت اكيد عارف ان ده مش طبعنا كمصريين
المهم من هنا ابتدي القلق
ابتديت ادور مع الناس اللي معاهم العربيه و اسالهم ايه الاخبار
لقيت اللي يقولي كويسه في سعرها و اعلي فئه في سعرها و ناس تقول مش بطالة بس ميين اللي بياقول كده ميين
اللي بيقول كده الناس اللي كانت راكبه عربيات ضعيفة شوية ذي ١٢٥ .١٢٧ مع احترامي للجميع او واحد لسه اول مره يركب
لكن لما تسال واحد فاهم شويه في العربيات يقولك بلاش شوف حاجه تانيه احسن
بردوا حبيت افهم بلاش ليه
اللي يقولك توكيل مش عارف ايه و اللي يقولك قطع غيار غاليه
بعد كده قطع الغيار رخصت و برده تكلم الناس يقولك بلاش كانه سر شوبيس بعد كده عرفت ان مفيش حد حيجوبني علي المنتدي هنا مش عارف بقي اذا كانوا خايفين من حاجه او يمكن مش عاوزين يزعلوا الناس اللي لسه جايبين عربيه جديده
حاولت اشوف اصحابي اللي جابوا العربيه و للاسف مكانوش كتير كانوا ٢ و سقلتهم قاللولي فيها عيوب طيب ايه العيوب دي هزة الفتيس و رعشة الدبرياج و المشاكل اللي كلنا سمعنا عنها قلتلهم يا جماعة الحكايه دي عادي و فيه حاجات بتروح بعد ال ٥٠٠٠ كيلو زي ما الناس قالت هنا
كان فيه واحد عامل ٩٠٠٠ كيلو و التاني ١٢٠٠٠ كيلو
طيب ما تروحوا التوكيل قللولي خد انت العربيه روح بيها
قلت شكلهم من النوع اللي بيكسل قولت اشوف غيرهم
المهم بعد كام يوم واحد باع العربيه و التاني بعده بشهر
طيب ليه بس يا شباب واحد منهم قللي ا نا كنت راكب افيو و محستيش اني جبيت عربيه جديده بل بالعكس الافيو كانت مريحاني قلتلوا بيقلوا توكليها زباله قاللي مليش دعوه بيه مش بتعامل معاه
و لما سالت الاخ عمرو دياب قاللي تقريبا نفس الكلام
طيب ازاي يا جماعه تبيع عربيه زيرو علشان تركب مستعمل و تخسر فيها فلوس يعني كل واحد فيهم خسر من ٥ الي ٦ الاف جنيه طب ليه علشان الهزات دي معقولة