اولا : الف مبروك على العروسة وربنا يبارك فيها ويكفيك شر العين..... قولو امين
ثانيا : المتفق عليه من الناس اللى معاهم عربية سيراتو وانا منهم وعن تجربة ان العفشة فعلا بتكون ناشفة فى الاول ( انا جنط 16 ) لانها فى الاصل مصممة على انها عربية رياضية فنفسية لاازم تكون متوقع كده ولكن .
فى الاول حاول تظبط الجنط على 28 وبعد الف خليه على 30 هتاثرمعاك شويه فى البنزين بس هتحس براحة شوية وبعد العربية ما تعمل 1500ك خليها على 32 وحاول تحط نيتروجين بدل الهوا العادى هتحس بفرق بس مش كتير كل اللى بقوله ده عن تجربه انا عملتها فى عربيتى ( ماعدا النيتروجين ) العربية عاملة معايا دلوقتى 3200ك وفعلا حسيت ان العفشة بقت اطرى شويه عن الاول بشكل ملحوظ وفى ناس معاها العربية بتقول انه بعد ال5000ك العربية بتكون العفشة مريحة عن الاول بكتير .
ثالثا : اهلا بيك معانا فى عائلة كياداهم ومنتظرين منك تقرير صغير عن مواصفات العربية وسعرها وجبتها منين ونصيحة بلاش تجرى بالعربية فى فترة التليين الاولى مع انى عارف انه هيكون غصب عنك بس حاول تمسك نفسك لحد ما العربية تلين وبعد ال 1500 ك اعمل ما بدالك بس انت اقدر عليها .
المفضلات