الموضوع: اسباب تلف الطنابير ؟؟؟؟

المشاركة الأصلية كتبت بواسطة heshamzaky

ألف شكر لك على الرد الجميل و ذوقك يا باشا على فكرة انا اول مرة دوست جامد على الفرامل والبدال رعش اتخضيت وافتكرت ان فية حاجة مفكوكة فى العفشة وكانت بالنسبة لى حاجة جديدة السؤال لية الفرامل فى ال abs لما بتدوس جامد مرة واحدة بتحس ان العربية مش بتحجر فى مكانها هى على السرعة العالية ممتازة بس لو الفرامل مفاجأة بحس انها مش قوية يا ريت الافادة

العفو يا باشا ...
تدوس جامد اوى و تشيل رجلك على طول مش هتحس بقوه الفرامل ...
بس زى ما بقولك تدوس و تشيل على طول ...
بصراحه انا مركبتش عربيات من غير abs و جربت فيها الحوار ده ...
قصدى يعنى انى مجربتوش غير فى العربيات الى فيها abs...
عموما ال abs مش بيشتغل غير لما الحساسات بتاعه تقوله ان العجل بيزحف ...
هنا هيشتغل و تحس برعشه الدواسه ...
و فايدته ان اثناء الضغط الكامل على الفرامل بيكون عندك القدره على الانحراف بالسياره ...
و خلى بالك ...
فى التراب مثلا لما تفرمل بعربيه فيها abs جامد ..
و ال abs يشتغل ..
الفرامل مش هتكون قويه زى ما انت متخيل ...
انا مره ماشى 20 !!!
واحد بعجله طلع ادامى ..
فرملت جامد و عادى مش مخضوض ..
تخيل انى خبطه ؟؟؟؟؟
ليه ؟
لان العجل مش ماسك فى الارض ..
قوه الاحتكاك ضعيفه...
لانه مش عارف يزحف و فى نفس الوقت مش عارف يمسك قوى على التراب ....
عشان كده لو جربت عربيه بقى من غير abs فى التراب هتلاقيها بتقف بسرعه عن المزوده ب abs ...
و لكن تحتفظ العربيه المزوده ب abs بالقدره على "المناوره" و العربيه الغير مجهزه بيه مش هتقدر تروح بيها يمين ولا شمال لانها مش هتستجيب اصلا لحركه الدركسيون طول ما العجل بيزحف ....
انا اسف على الاطاله ..
و الحق يتقال انا كنت اعرف الكلام ده من زمان بس الى فهمهولى اوى الخبير بتاعنا هنا محمد بيه ممدوح و الكبير بتاعنا احمد بيه نوح كانو بيشرحو الكلام ده فى موضوع تانى ...
وفى النهايه احب اقول انى غير مستعد انى ادفع فلوس فى عربيه مفهاش abs ..
لانه فعلا بينقذنى كتير جدا جدااااااااااااااااااااااا ااااااااااااااااااااااااا اااااا