الموضوع: انا جبت الفلونس

المشاركة الأصلية كتبت بواسطة mrsailor

بعد مساء الخير
هى عملية التليين بسيطة و مش عاوزة دراسات و لا حاجة هى بس عاوزة شوية تخيل علشان نفهمها
الموتور الجديد او الموتور اللى لسة معمول له عمرة بيكون زى الواحد الى بقاله فترة ما اتحركش يعنى مثلا اللى لسة نازل من الباص بعد 8 ساعات حايقدر يجرى على طول و للا لازم يتحرك شوية لحد عضلاته ما تفك ..
اللى بيحصل ان الموتور و هو جديد او عامل عمرة بتكون الشنابر لسة محكمة على الشيميز و السبايك لسة ما تبعتش على الكرنك يعنى كل حاجة فى مكانها بس لسة تقيلة
فترة التليين و ده اللى محتاج تخيل عبارة عن تحريك البساتم علشان ناخد الزيادة اللى فى الشنابر من غير ما نكسرها .. يعنى كانك معاك مبرد و بتنعم بيه الشنبر علشان يتبع على غرفة الاحتراق ..
و الدليل على كده اولا اثناء فترة التليين بتلاقى الموتور كل يوم بينعم عن اليوم اللى قبله و بيبان فى صوته لو العربية موديل حديث
لو العربية موديل قديم يعنى مافيش فيها حساس يتحكم فى لفات الموتور و هى واقفقة (ايديل فالف) حتلاقى الموتور بيعلا و يحتاج توطيه ..
السبب فى كده ان الشنابر كانت حاكمة و مع الوقت و انت بتلين عملت كانك بردت الزيادة بمبرد .. و تبعا لذلك الموتور بينعم و هكذا لحد ما يتم التليين و الشنبر ياخد شكل السليندر و يتبع عليه .. و الدليل على كده انه بيقولك غير الزيت و الفلتر بعد 1000 كم .. و بتلاقيهم لونهم غامق .. لان بيبقى فيهم بواقى الزيادات اللى اتبردت من الشنابر اثناء التليين ..
و لو العربية عاملة عمرة مثلا بعد 1000 كم بنعشق الرابع و نلف الموتور بادينا علشان نشوفة خفيف (يعنى التليين خلص) و لا لسه تقيل (يعنى محتاجة 100 او 200 كم كمان)
يعنى بالبلدى لو عندك حاجة عاوز تبرد منها جزء من المللي ميترات .. حاتستخدم مبرد مش حاتستخدم صاروخ .. و علشان كده بنقول الrpm مايزيدش عن 1.5 او 2 ..
شوف هو تشبيه بايخ بس ياريت الاخوه يعذرونى
انت لو شارى حذاء و بتلبسه اول مرة و كان ماسك على قدمك .. ينفع تنزل تجرى بيه و للا الاول بتلبسه و تمشى بيه لحد ما يريح و ياخد شكل قدمك
لو جريت بيه ممكن يحصل حاجة من 2
لو نوعيته ضعيفة بدل ما ياخد شكل قدمك حايتقطع
لو نوعيته كويسة قدمك حايحصل فيه الم او كدمة
هى دى الفكرة بالضبط
بعد ما تنتهى عملية التليين ممكن تفتح الموتور واحدة واحدة لحد ما تقفل العداد لو تحب .. بس الفترة الاولى (اول 1000 كم) زى علاج طبيعى لحد لسة خارج من اصابة
ياريت ما اكونش طولت عليكم .. و ياريت اكون وضحت وجهة نظرى
و شكرا على المداخلة .. و لو فى اى حاجة ممكن حد يضيفها اكون شاكر .. لان النقاش بيخلينا كلنا نكسب معلومات جديدة و نستفاد

شكرا لمشاركتك .. بس هو الخلاف بينا أكيد في حتة الفرق بين الموتور اللي معموله عمرة و اللي خارج من المصنع بعد تليينه .. هناك فرق .. بس مش حنختلف

المشاركة الأصلية كتبت بواسطة adfarouk

العفو يا باشا ... أحنا كلنا بنتناقش علشان نعرف الصح فين و نستفيد كلنا



أنا معاك فى الرأى ده و دي مشاركه ليا في نفس الموضوع

http://www.nilemotors.net/nile/78241...post3872722954

فعلا هو ده المطلوب .. ضغط كويس يفتح الموتور و يجيب افضل مافيه بس ماوش لزوم حكاية نعدي ار بي ام 6 دي .. بس لازم نوصل نقطة اقصي عزم ( من 3500 -4000 ) .. و تحياتي