الموضوع: بولو 99 ال rpm مع السرعة حاجة غريبة ارجو الإفادة يارجالة

المشاركة الأصلية كتبت بواسطة mesho_kimi

هو مش بيرد عليه يا محمد هو بيرد على صاحب الموضوع

بالظبط كدا يا ميشو انت الى فاهمنى والله

المشاركة الأصلية كتبت بواسطة elshrpeny

صباح الفل والياسميين على عيونك يا باشا ههههههههههه
يا عم محمد انا برد على صاحب الموضوع مش ميشو

اما بالنسبة لميشو فبيتهيقلى فهو عايز يخلص عمر الماتور عشان شكله منمر على ماتور أعلى عايز يسقطه ( دا انا لما بجيب 100 على ال 4 بحس ان العربيه جابت أخرها وبعد كدا يبقى أفترى ) .

لا والله هو الماتور ال 1300 ده تمام والحمد لله انا ببقى أفتري لو انا في العادي بقرص عليه ( مش معنا انى قرصت عليه مرتين ثلاثه أنى ده العادي ) علي فكره أنا سواقتى هاديه جداً وممله للغايه ، ... القرص الزياده عن الازم مضر ودية حاجه معروفه أنما لازم تدلع الماتور من فتره للتانيه يتدلع بسفريه تاخد فيها الماتور واحده واحده أو تفتيحه حلوه ده من وجهة نظري

المشاركة الأصلية كتبت بواسطة meladadel

طب بص يا ايهاب علشان الخلاصة..

مبدئيًا انا عبيتى بتدخل على ال3400 لفة على الخامس علشان امشى 100 كم وده طبعًا انا مستغربه انا عربيتى القديمة مكنتش كدا خالص. المهم هوا ده كدة طبيعى حتى 100 كم على 3400 لفة ولو كدة انا لو هسافر بيها وهمشى 140 كم ولا حاجة هيبقى rpm على 5000 لفة تقريبًا ومش عارف دة طبيعى على ال1000 سى سى ولا قليل ولا كدة هبوظ الموتور. ولو فيه جديد برضه يا مصطفى قولى رئيك. وللو العربية محتاجة تنضف بوابة الانجكشن ده هيفرق ولا لأ

لا معدل السرعه حيزيد مع لفات أقل عند ال 5 حيكون عداد السرعه عند 150 و دية السرعه القصوى

المشاركة الأصلية كتبت بواسطة mesho_kimi

لا والله هو الماتور ال 1300 ده تمام والحمد لله انا ببقى أفتري لو انا في العادي بقرص عليه ( مش معنا انى قرصت عليه مرتين ثلاثه أنى ده العادي ) علي فكره أنا سواقتى هاديه جداً وممله للغايه ، ... القرص الزياده عن الازم مضر ودية حاجه معروفه أنما لازم تدلع الماتور من فتره للتانيه يتدلع بسفريه تاخد فيها الماتور واحده واحده أو تفتيحه حلوه ده من وجهة نظري

يا عم منا عارف إنك مش عايز تغير لماتور تانى او تجيب أخر الى معاك عشان تسقط غيره انا بس قولت كدا عشانك أدهشتنى بصراحه لما قولت إنك بتجيب ال 100 على التالت دا انت تلاقى الماتور ساعتها سمع الميدان كله ههههههههههه

وانا على فكره تقريبا سواقتى زيك كدا ( بس ساعات الواحد بيستفز من حد ماشى جنبه فممكن اعمل حركه زى الى انت قولتها دى بس انا بقى كان ميكروباص عايز يعدينى وأحنا الاتنين كنا لسه معديين مطب صناعى فالجنونه جت بقى بس مش على ال 3 لاء وانت الصادق على التانى شديت باين ل 60 او 70 بالتانى ) بس تعمل إيه فعلا ساعات الواحد بيشد عليها كدا بظروفها

وبعدين على فكره كلامك مظبوط من ناحية تدليع الماتور وتفتيحه لان فعلا انت لما بتسافر لمسافات طويله على سرعه 140 او 150 بتيجى تبص تلاقى الماتور بقى ولا ماتور مرسيدس او بى إم بقى ناعم وسحبة شد وبقى تمام دا حتى انا ساعات ممكن بطلع بالعربيه من التانى وكأنى ناقل على الاول

المشاركة الأصلية كتبت بواسطة elshrpeny

يا عم منا عارف إنك مش عايز تغير لماتور تانى او تجيب أخر الى معاك عشان تسقط غيره انا بس قولت كدا عشانك أدهشتنى بصراحه لما قولت إنك بتجيب ال 100 على التالت دا انت تلاقى الماتور ساعتها سمع الميدان كله ههههههههههه

وانا على فكره تقريبا سواقتى زيك كدا ( بس ساعات الواحد بيستفز من حد ماشى جنبه فممكن اعمل حركه زى الى انت قولتها دى بس انا بقى كان ميكروباص عايز يعدينى وأحنا الاتنين كنا لسه معديين مطب صناعى فالجنونه جت بقى بس مش على ال 3 لاء وانت الصادق على التانى شديت باين ل 60 او 70 بالتانى ) بس تعمل إيه فعلا ساعات الواحد بيشد عليها كدا بظروفها

وبعدين على فكره كلامك مظبوط من ناحية تدليع الماتور وتفتيحه لان فعلا انت لما بتسافر لمسافات طويله على سرعه 140 او 150 بتيجى تبص تلاقى الماتور بقى ولا ماتور مرسيدس او بى إم بقى ناعم وسحبة شد وبقى تمام دا حتى انا ساعات ممكن بطلع بالعربيه من التانى وكأنى ناقل على الاول

التاني اخره 80 أو 70 مش فاكر أهم حاجه مهما حصل متعديش ال 5 ، أنا تقريباً بنزل القاهره مرتين فى الشهر ببقى ماشي طول السكه مابين 120 - 155 وكل مره وانا راجع اتصور رادار ليلي ده انا حتظبط فى المخالفات أما اجي أجدد :))

دا انت حاجه تمام أوى دا انت شكلك هتروح تصدم على شباك براءة الذمه زى ياعينى الناس الى كانت واقفه جنبى فى المعادى الى جايله 2000 والى جايله 3000 وواحد جاله بتاع 7000 جنيه فربنا يستر عليك يا ابنى .
بالنسبه لأخر التانى فا أنت كد طمنتى لانى كنت حاسس إنى عملت حره غبيه فى الشده دى .

المشاركة الأصلية كتبت بواسطة elshrpeny

دا انت حاجه تمام أوى دا انت شكلك هتروح تصدم على شباك براءة الذمه زى ياعينى الناس الى كانت واقفه جنبى فى المعادى الى جايله 2000 والى جايله 3000 وواحد جاله بتاع 7000 جنيه فربنا يستر عليك يا ابنى .
بالنسبه لأخر التانى فا أنت كد طمنتى لانى كنت حاسس إنى عملت حره غبيه فى الشده دى .

بص يا معلم معاك واسطه ال 7000 الاف يبقوا سبعين جنيه ، تصدق بأيه أنا يوم أما روحط اعمل رخصه الظابط قالي خش شوط العساكر كلها وحتاخد الرخصه برضه وانت ماشي