الخوف الرهيب من البروتون وعر العرب

**yaseenmohamed** · 18-05-2010 02:46 PM

حضرتك روح اسأل في معرض علي اسبرانزا مثلا a113
وشوف قصايد الشعر اللي حيقولهالك في العربيه دي (ده لو اعتبرناها عربيه)
أعتقد كلامي مش محتاج شرح
وربنا يوفق

**dreslam** · 18-05-2010 04:37 PM

مافيش فايده.بروتون ماركه مظلومه جداجدا بوكيلها لكن العربيه لو مش حلوه ماكانتش عملت المبيعات دي كلها.بروتون عربيات محترمه في مصر محتاجه وكيل فاضيلها يهتم بيها وساعتها مبيعاتها حتبقى اعلى المبيعات.بروتون اساسا لسه عندها كتير وبتتطور فلازم يشوفو حل في وكيلها بقى

**تامر.محمد** · 18-05-2010 09:17 PM

المشاركة الأصلية كتبت بواسطة ahmedfathy77

السلام عليكم ورحمة الله وبركاته

اعتقد ان عدم اقبال اصحاب المعارض عليها على الرغم من تعاملهم مع موديلات اقل كتير و عربيات لها توكيلات فيها مشاكل برضه ان العربية اصلا على الرغم انها مستوردة من ماليزيا وبيتطبق عليها نفس جمارك الفئة السعرية وضرائب المبيعات الا ان سعرها فى مصر تقريبا اقرب ما يكون لسعرها فى الخارج وده معناه ان هامش الربح بتاعها مش كبير اوى زى عربيات تانية توكيلاتها عاوزة تكسب وتزود هامش ربح اكبر وبتلاقى فيه فرق كبير بين سعرها فى بلادها وسعرها فى مصر وبالتالى ربح التوكيل والموزع المعتمد والمعرض بيكون اكبر على الرغم انها ممكن تكون عربيات اقل من الجين 2 بكتير ده غير ان عمر ما حد يعتقد ان كترة الدعاية لاى ماركة او توكيل الزبون مش بيشيل تمنها وهو بيدفع تمن العربية يعنى كله على قفا الزبون زى ما بنقول فاعتقد ان سياسة توكيل عز العرب هو الاقتصاد فى الدعاية باكبر شكل ممكن وده بيساعد على تخفيض تمن العربية مقابل قيمتها وامكانياتها اللى الكل بيجمع عليه .

عدم الدعاية سلاح ذو حدين بيقلل تمن العربية من ناحية بس مش بيشجع ناس كتير مش بتثق الا فى الاعلانات فى شراها بس برضه بيخلى اللى عاوز يشتريها ده واحد فعلا بيحب العربية ومقتنع بيها وعارف انه راكب عربية امكانياتها لو فى توكيل تانى اكثر استغلالا تمنها ممكن يزيد فيه 10 الى 15 % على سبيل المثال .

استخر الله وتوكل على الله اسال ودور وشوف العربيات والتوكيلات التانية وان شاء الله ربنا يهديك للخير

سلامى للجميع

كلام تمام و لا غبار عليه

**Ayman_52** · 20-05-2010 12:51 AM

المشاركة الأصلية كتبت بواسطة mody2008taher

اشكركم على تفعالكم مع الموضوع وانا روحت احجزها بس ما لقيتش اللون الاحمر وهاستنى الدفعه اللى جايه لو خد بعرف هاتيجى امتى ياريت يقولى

فى دفعه على اول شهر 6 -ان شاء الله- , واظن ان هيكون فيها اللون الاحمر بس باعداد قليله , حاول تضغط على الراجل اللى حاجز معاه يسلمك منها لو جه فيها لون احمر يعنى .

والـف الف مبروووووووك , وتسلم على الف خير -ان شاء الله-

تحيـــــــــــــــاتــى

**samehelsergany** · 20-05-2010 07:10 PM

الف مبروك و ان شاء الله تستلم على خير
و اطمن العربية باسم الله ما شاء الله ملهاش حل ، انا سوقتها مرة مشوار طويل و دائري و تكييف و العربية كاداء و ثبات و امان و استجابة مفيش كلام
و عشان اطمنك اكتر التوكيل مش بالسوء اللي بنسمع عنه اخويا لسه جاي من صيانة الالف و الناس هناك متعاونة جدا و كل الملاحظات اتحلت و كانت ملاحظات صغيرة جدا
توكل على الله و ان شاء الله تستلم على خير و يباركلك فيها

**mody2008taher** · 20-05-2010 11:16 PM

طب ممكن يا استاذ ايمن تقولى ااقدر اخد خصم اد ايه اصل هما حاسبوهالى ب 90000 يا ترى كده كوبس ولا ممكن تظبتنى بخصم احسن

**Tarek Gen 2** · 21-05-2010 02:01 AM

المشاركة الأصلية كتبت بواسطة mody2008taher

طب ممكن يا استاذ ايمن تقولى ااقدر اخد خصم اد ايه اصل هما حاسبوهالى ب 90000 يا ترى كده كوبس ولا ممكن تظبتنى بخصم احسن

لا فى تظبيط احسن من كدة
اصلا الخصم من 3500-2000
و استنى تأكيد ايمن
وانا جايب ب 88 و نص من العجوزة مش تبع خصم نايل موتورز خالص ده معرفة بس فاكيد ينفع ان شاء الله

**mody2008taher** · 21-05-2010 07:40 PM

استاذ ايمن انا مستنى ردك يا ريت ترد عليا انا عارف انك ما بتتأخرش عن حد يا ريت ترد فى موضوع الخصم اللى قولته لحضرتك

**Ayman_52** · 22-05-2010 02:34 AM

المشاركة الأصلية كتبت بواسطة mody2008taher

استاذ ايمن انا مستنى ردك يا ريت ترد عليا انا عارف انك ما بتتأخرش عن حد يا ريت ترد فى موضوع الخصم اللى قولته لحضرتك

+111

المشاركة الأصلية كتبت بواسطة tarek gen 2

لا فى تظبيط احسن من كدة
اصلا الخصم من 3500-2000
و استنى تأكيد ايمن
وانا جايب ب 88 و نص من العجوزة مش تبع خصم نايل موتورز خالص ده معرفة بس فاكيد ينفع ان شاء الله

بس اللى انا اعرفه هو ا/محسن صالح -مدير مبيعات بروتون- كلمه وقوله انك من طرف -ايـمـن- وهو هيضبطلك الموضوع

ودا رقمه 0105119209

وربنا يوفقك وتستلم على الف خير ان شاء الله

واحنا تحت امرك فى اى استفســـار

تحيــــــــــــــــاتــى