السلام عليكم جميعا
امبارح روحت رحله لمركز صيانه محمد سمير وهانى اللى فى شارع 40 خلف حديقه بدر عشان كان معايا عربيه رايح اكشف عليها بغرض الشراء اولا الراجل ماشاء الله عنده زحمه جدا عشان كده لازم تحجز قبل ماتروح وتأكد حجز كمان عشان ماتقعدش زى مانا قعدت استقبال الناس كان كويس بس زى ماقولتلكوا عشان زحمه شويه فالنظام قليل .المهندس هانى بيفحص تقريبا 3 او 4 عربيات فى نفس الوقت بس الراجل فاهم جدا هو بيعمل ايه ماشاء الله المهم رفعنا العربيه ابتدى الفحص اول حاجه لقى فرده شاسيه متفصله من قدام وعايزه مساعدين وعايزه شويه حاجات كتير جدا جداااا المهم انا خدت منه شويه اسعار قولت انقلهالكوا
قاعده محرك = 200
كاوتش كبالن= 150 للواحد
بطاحه مساعد = 100
اويل سيل عصايه فتيس = 10
سيليكون جوانات = 155
اويل سيل كوبلن داخلى = 100
بلى عجل = 140 للواحده
كوعه مياه وش سلندر =150
وطبعا الفحص الشامل للعربيه = 150
بس بأمانه يستاهل ال 150 لأنه بيفحص حته حته فعلا بس ليا عليه ملحوظه هو طبعا راجل شاطر محدش ينكر بس لما كشف على الموتور ماكبسهوش قاسه بلدى يعنى بالنظر كده وطلعه 60 % مع انه مش بيدخن ازاى مش عارف
ملحوظه: الأسعار لا تشمل المصنعيات
اسف لللأطاله
المفضلات