المشاركة الأصلية كتبت بواسطة khaled ayman
انا خلاص ...
بقولهالكو اهو ..
مش هسوق عربيات تانى ...
عشان انا كرهت السواقه و العربيات و كل الى بييجى من ورا العربيات ...
و كرهت اوبل و العربيات الاوبل و الى عملو الاوبل و التوكيل و الالمانى و اليابانى و الاسبانى و الهندى و الامريكى ..
كرهت كلللللللل العربيات ...
و والله العظيم جيبت اخرى خلالالالاص ...
نزلت الساعه 6 النهارده
فى امان الله
دورت العربيه و راجع بضهرى (طالع من الجراج)...
طريقه الخروج من الجراج ..
انى ارجع لورا لحد ما البوابه تبقى جمبى ..
اقوم كاسر عجلى يمين ...
يعنى بحدف ضهر العربيه يمين ...
عشان اطلع اتجه ناحيه الشمال ...
بقالى 8 سنين عمرى ما حكيت العربيه و انا داخل او طالع من الجراج ..
راجع لورا و البواب عمال يقولى "تعالى ...تعالى تعالى كماااان تعااااالى .." طاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااح
عربيه ماتريكس بتاع معرض عربيات فتح جمبنا ..
واقفه ورايه و انا مش شايفها ...
بوز الاكصدام بتاعى من ناحيه الشمال ..
دخل فى الرفرف بتاع الماتريكس الى ادام ..(الرفرف اتدغدغ)
نزلت ..
لقيت الاكصدام عندى فيه حتت كتير اوى متخربشه و البويه اتشالت من عليها و منظرها بشششع ...
بصيت على رفرف الماتريكس لقيته كفته ..
طبعا انا مقتنع تماما ان دى غلطه سواقه منى استاهل عليها ضرب الجزمه ..
لانى كان لازم ابص فى المرايه الشمال ...
كده خلاص انا قررت ان تصليح الماتريكس دى عليا انا لان انا غلطان (العربيه استعمال و معروضه للبيع ...)
لقيت "الصبى الى بيمسح عربيات المعرض" جاى يجرى و بيشتم !!
و انا اصلا لو دبانه عدت من ادام وشى همسكها اطلع عينها ..
مش طايييييييق نفسى
قلتله يبنى اسكت و اندهلى حد كبير اكلمه عشان مقلش ادبى عليك
هو بقى : هو انت خلالالالالاص حمار مفيش """" مرايه تبص فيها ...
يا ابن الحلال روح هات حد اكلمه ..(بصوت عالى)
برده بيشتم ..
بصراحه ..
معرفتش امسك نفسى بقى ...
نطقت الفاظ اخر مره سمعتها كانت لما شفت خناقه "بالسيوف"...
ده صاحب المعرض برده بيبج و يقل ادبه و يشتم ...
قلتله طيب يا عم الحاج ...
قسما بالله منا مصلح العربيه ..
و لو بجحت كمان و دينى لهخليك تصلح عربيتى مع انا الى غلطان ...
فضل يهبل شويه فى الكلام ..
خرجنى عن شعورى تانى ..
و خلانى اسمعه شتايم مسمعهاش فى حياته ولا هيسمعها ..
و قلتله لو شفت عربيه من بتوعك واقفه على بعد 10 متر من الجراج بتاعى ..مش هخلى فيها حته سليمه و لو فتحت بؤك هعتبرك عربيه و هكسرك انت كمان ..
و قله ادب هتلاقى و بلطجه هتلاقى و ضرب و شتيمه و محاضر و قضايا و حكومه ووسايط هتلاقى ...
و لو بتحلم انى حتى اردلك الرفرف ع البارد مش هيحصل ..
جات الناس طبعا خلاص يا خالد
و مش خلاص
و قبل ما امشى قلتله ريح نفسك و متفتحش الحوار معايا تانى عشان اانا حلفت...
خلو بالكو انا من وهو بيوضب المحل قلتله "لو سمحت متركنش العربيات ادام الجراج عشان مش هعرف اطلع من الجراج "
قالى حاضر و بتاع ..
يوم الافتتاح طبعا عربيات كتير كان ناقص يركن جوا الجراج عندى و احتراما ليه و عشان مضيعش فرحته متكلمتش مع انى يومها والله والله خرجت من غير العربيه عشان مش عارف اطلع من الجراج و الشارع واقف و بتاع ...
انا كده خلاص ..
بقولها اهو
انا مش هسوق تانى ..
انا هلاحق على ايه ولا ايه ؟؟؟؟
اكصدام ادام؟؟
ولا مساعدين بتزيق
ولا ازاز بيزيق
ولا طنابير ادام وورا باظو
ولا القوايم الى بايظه
ولا السى دى الى باظ
ولا الفتيس الى طلع مقلب !!!
انا مش هسوق العربيه دى تانى ولا غيرها ...
و مستنى موافقه الوالد على بيع العربيه و هشترى عربيه بمبلغ لا يتجاوز 20 الف جنيه ..
ايوه عشرين الف مش متين الف ..
هجيب 127
132
بيجو 305
ولا عاوز تكييف ولا abs ولا سى دى ولا كراسى كهرباء ..
ولا عاوز اى كماليه فى العربيه
عاوز موتور و اربع عجلات "شنبر" مش تيوبليس ...
و لما اجيب وشها فى قفاها اصلحها ب 500 جنيه ...
انا مش عارف اقول ايه ..
كل الى هقوله
انا كرهت نفسى
و خلاص لحد كده ..
و ربنا وحده هو الى عالم انا حالتى النفسيه شكلها ايه ..
سلام
اخى العزيز
كل شيىء يهون ولااحد ينفعك اذا لاقدر الله اصابك مكروة فصبر واحتسب واليك بعض الادعية:
يقول عند الكرب
لا إله إلا الله رب العرش العظيم..لا إله إلا الله رب السماوات و رب الأرض و رب العرش العظيم
إذا حزنه أمر يقول يا حى يا قيوم برحمتك أستغيث لا إله إلا أنت سبحانك إنى كنت من الظالمين
و من الإذكار الجالبه للرزق الدافعه للضيق و الأذى الإستغفار فمن لزم الإستغفار جعل الله له من كل هم فرجا و من كل ضيق مخرجا ، ورزقه من حيث لا يحتسب
كان النبي صلى الله عليه وسلم يتعوذ بالله كثيراً من الفتن كما في حديث زيد بن ثابت عن النبي صلى الله عليه وسلم قال : " تعوذوا بالله من الفتن ما ظهر منها وما بطن " رواه مسلم (2867).
وعن ابن عباس رضي الله عنهما أن رسول الله صلى الله عليه وسلم قال : أتاني الليلة ربي تبارك وتعالى في أحسن صورة فذكر الحديث وفيه قوله تعالى " يا محمد إذا صليت فقل : اللهم إني أسألك فعل الخيرات ، وترك المنكرات ، وحب المساكين ، وأن تغفر لي وترحمني وتتوب علي ، وإن أردت بعبادك فتنة فاقبضني إليك غير مفتون " رواه الترمذي 3233 وقال عنه الألباني في صحيح الترغيب والترهيب (408) : صحيح لغيره .
وكان النبي يتعوذ من الفتن لأنها إذا أتت لا تصيب الظالم وحده وإنما تصيب الجميع ..
ويحسن بنا التعرف على أحاديث الأذكار المتعلقة بالفتن والكروب للدعاء بها ونشرها وحفظ ما تيسر حفظه منها .. وإدراك معاينها للتعبد لله بذلك إذ هي أعظم ما يقال في هذه الأحوال :
1- حديث أَبِي بُرْدَةَ بْنِ عَبْدِ اللَّهِ أَنَّ أَبَاهُ حَدَّثَهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ إِذَا خَافَ قَوْمًا قَالَ اللَّهُمَّ إِنَّا نَجْعَلُكَ فِي نُحُورِهِمْ وَنَعُوذُ بِكَ مِنْ شُرُورِهِمْ " رواه أبو داود 1537 وصححه الألباني في صحيح أبي داوود 1360 .
2- وعن ابن عباس رضي الله عنهما أن رسول الله صلى الله عليه وسلم كان يقول عند الكرب : " لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات ورب الأرض ورب العرش الكريم " رواه البخاري 6345 ومسلم 2730.
3- قال صلى الله عليه وسلم : " كلمات الفرج لا إله إلا الله الحليم الكريم ، لا إله إلا الله العلي العظيم ، لا إله إلا الله رب السموات السبع ورب العرش الكريم " صحيح الجامع الصغير وزيادته (4571) .
4- كان النبي صلى الله عليه وسلم إذا غزا قال : " اللهم أنت عضدي وأنت نصيري وبك أقاتل " رواه الترمذي 3584 وصححه الألباني في صحيح الترمذي 2836
5- وقال صلى الله عليه وسلم : " ألا أخبركم بشيء إذا نزل برجل منكم كرب أو بلاء من أمر الدنيا دعا ففرج عنه ... دعاء ذي النون : لا إله إلا أنت سبحانك إني كنت من الظالمين " وفي رواية " لم يدع بها رجل مسلم في شيءٍ قط إلا استجاب الله له " صحيح الجامع الصغير وزيادته (2065) .
6- وكان رسول الله صلى الله عليه وسلم يعلم صحابته من الفزع كلمات : " أعوذ بكلمات الله التامة من غضبه وشر عباده ومن همزات الشياطين وأن يحضرون " رواه أبو داود 3893 وحسنه الألباني في صحيح أبي داوود (3294) .
7- قال رَسُولُ اللَّهِ صَلَّى اللَّهُ عَلَيْهِ وَسَلَّمَ دَعَوَاتُ الْمَكْرُوبِ : اللَّهُمَّ رَحْمَتَكَ أَرْجُو فَلا تَكِلْنِي إِلَى نَفْسِي طَرْفَةَ عَيْنٍ وَأَصْلِحْ لِي شَأْنِي كُلَّهُ لا إِلَهَ إِلا أَنْتَ " رواه أبو داود 5090. وحسنه الألباني في صحيح أبي داوود 4246 .
8- وكان إذا كربه أمر قال : "يا حي يا قيوم برحمتك أستغيث " وفي رواية : " إذا نزل به همٌّ أو غمٌّ " صحيح الجامع الصغير 4791
9- وقال رَسُولُ اللَّهِ صَلَّى اللَّهُ عَلَيْهِ وَسَلَّمَ لأسماء بنت عميس أَلَا أُعَلِّمُكِ كَلِمَاتٍ تَقُولِينَهُنَّ عِنْدَ الْكَرْبِ أَوْ فِي الْكَرْبِ ( أي المحنة والمشقة ) اللَّهُ رَبِّي لا أُشْرِكُ بِهِ شَيْئًا " رواه أبو داود (1525) وصححه الألباني في صحيح أبي داوود (1349) وفي رواية في صحيح الجامع : " من أصابه همٌّ أو غمٌّ أو سقمٌّ أو شدَّة فقال : الله ربي لا شريك له كُشف ذلك عنه " .
وغيرها من الأحاديث التي لها أثرها الإيجابي الكبير في أوقات الفتن والخوف ... من تهدئة للنفس وسلامة في البدن وقرب من الله عز وجل .. مع الاكتفاء بما صح عن النبي صلى الله عليه وسلم ففيه غنية عما لا يصح .. وفيه الخير .. والله أعلم
المفضلات