اعتزلت السواقه لحين ميسره

**manabedo** · 19-05-2010 01:17 PM

يا خالد وحد الله يا عم ما ده العادي هنا في مصر كله بيشتم من غير ميعرف و بعدين هو العربيه ديه مصدر اكل عيشه فابيزعق و يشتم بس انت كده اخدت حقك انك مش حتعملها
و بعدين لما حد يعملك كده لا تشتمه و لا تزعق خليه ياكل في نفسه و لما يخلص قله وحياه ..... مانا عاملها ولا مصلحها
طيب انا من اسبوعين قبل معمل الحادثه لقيت واحد طالع الصبح بيقولي انا خربشت العربيه نزلت لقيت الشنطه داخله لجوه و الاكصدام واقع و اخر قرف و الواد صبي ميكانيكي مش لاقي ياكل حتعمل ايه بقيييييي
وحد الله يا عم انت بس عشان متنرفز انا حتبطل ايه يا عم و بعدين انت لما متركبش العربيه مين الي حيرفع الهاند و ويوقف الواد بتاع الاسترا

حبيبي يا خالد والله يا عم حصل خير احسن لو كنت خبط عيل صغير و انت مش واخد بالك

**manabedo** · 19-05-2010 01:20 PM

المشاركة الأصلية كتبت بواسطة mohamedomda77

السلام عليكم جميعا طبعا الله يكون فى كون صديقنا العزيز بس اظاهر مفيش فايدة فى البلد كلها انا حابب ااحكى لكم قصة لواحد صحبى فى الامارات
صحبى اول ما راح الامارات نزل أجر عربية يارس عشان يقضى بيها مشاويره عقبال ما يشترى عربية يمشى بيها و حظه الهباب انه بعد ما مشى بيها شوية كان فيها عيب فراح للمعرض اللى اجرها و قال لهم اعتذره له المعرض و اعطوه سيارة اخرى لحين اصلاح العيب و صحبى ده محظوظ شوية اول ما مشى بالعربية المستبدلة الطريق وقف فاجأة ملحش يضرب فرامل لبس فى العربية الامامه و العربية اللى وراه لبست فيه حدثة جامدة يعنى و كان معاه مراته و عياله المهم طبعا صحبى افتكر انه خلاص فى السجن صاحب العربية الامامة نزل له و العربية الوراه نزله و كل همهم مش العربيات لا همهم الاسرة و راح واحد جرى يجيب حاجة ساقعة لعياله و مراته و الاخر بيهديه و بيضحك معاه و بيقول له لا تقلق دلوقتى تيجى الشرطة و اتعرف عليه و كانهم اتقابلوا فى النادى و بيتعرفوا ببعض و جت الشرطة فى دقايق معدودة و رجل الشرطة دخل عليهم بكل هدوء كيف الحال يا شباب ان شاء الله تكونوا بخير لا تقلقوا ان شاء الله خير و عمل الشرطى لكل واحد فيهم ورقة التأمين لتصليح السيارات و انتهى الموقف على كده مع الحادثة و جاءت الطامة الكبرى معرض السيارات ذهب لهم بالعربية و عارف انه هايطلع عينه معاهم فى اقناعهم بالحادثة و الفصال فى التعويض طبعا الراجل قابله بكل بشاشة و قال له احنا اسفين على التأخير فى احضار سيارتك المطلوبة ( يارس ) و خد منه ورقة التأمين و اعطه له السيارة اليارس و مشي بالسلامة

شوفته تعامل البنى ادميين بالله عليكم لما واحد يسمع حاجة زى كده مش يتحسر على المزبلة اللى عايشين فيها مع عدم وجود ادنى تعامل انسانى لدى المصريين يارب نخرج من البلد ده على خير

و ربنا يسترها معانا كلنا

اتفرج يا عم انا راي تبيع العربيه و تجيب تذكره و بباقي الفلوس تعملك كشك حاجه ساقعه و تعيش في دبي

**tarekmomo** · 19-05-2010 02:01 PM

لا حول ولا قوة الا بالله هدى نفسك شوية يا خالد ان شا ء الله خير

**adel_2346** · 19-05-2010 03:15 PM

هدى نفسك وكبر دماغك خالص وهو اللى هيجيلك عشان التصليح بيع واشترى فيه
وفى الاخر طلع عين وعين الصبى الى عنده

**adel_2346** · 19-05-2010 03:24 PM

ولو هو بيركن جنب الجراج حط جنب الباب طوب- حديد اى حاجة متخليهوش يركن

**KHALED AYMAN** · 19-05-2010 03:34 PM

شكرا يا جماعه على الرد ..
والله العظيم انتو رفعتو روحى المعنويه ...بفكر اخد العربيه و انزل الف شويه هههههههه
و شكرا للعضو المحترم الى حط الادعيه و فعلا الادعيه دى بتحفظ الواحد من كل سوء ..
و والله يا جماعه انا لما هديت حسيت ان فعلا ظلمت الراجل (بس مش اوى يعنى)..
انا لو مكانه حتى لو راكن عربيتى غلط مش هرضى ان حد يخبطها ...
او بمعنى اصح انا اه هبقى غلطان بس من حقى ازعل ..
انا اعتقد انهم هيروحو يكلمو والدى ..
و انا حكيتله الموضوع عشان لما يتكلمو معاه يبقى عارف هما بيقولو ايه ..
و لو كلمونى انا شخصيا ..
اتكلمو بالادب اهلا و سهلا ..
متكلموش هسيبه و امشى ...
و بالنسبه للعربيه ...
معلش ..
دى عربيه قرفتها وحشه اوووى ...
خلو بالكو مش كل الى بيحصل بحكيه ...
فى حاجات كتير اوى بتحصل ...مش بحكيها لان كده المنتدى كان هيقع من كتر المواضيع الى هعملها..
و اهم حاجه قبل الكماليات و الثبات و الوسع و الامان ...
الاحساس بالامان و الراحه النفسيه ..
انا برتاح فى النص نقل اكتر من الاوبل !!!
مع ان الاوبل دى والله اول ما نزلت كنت بدعى ربنا ان يكون من نصيبى اجيب واحده ..
و ربنا كرمنى و جيبت واحده اعلى فئه ..
مفيش غيرها فى المحله ...
بس برده مش مرتاح ...
انا زى ما قلت منتظر موافقه الوالد على البيع ...
و لو موافقش (لان الخساره الماديه فيها هتكون كبيره طبعا ده غير ان لسه هروح ادفع الفلوس الى باقيه من القسط لمنصور ..) مش هركبها شويه ..
و اكيد الظروف هتضطرنى انى اركبها تانى ...
و بجد انا عاجز عن شكر كل الاعضاء الى ردو عليا و بجد انتو اكتر من اخواتى ...
و ربنا يديم المعروف و المحبه بينا ..

**KHALED AYMAN** · 19-05-2010 03:35 PM

المشاركة الأصلية كتبت بواسطة adel_2346

ولو هو بيركن جنب الجراج حط جنب الباب طوب- حديد اى حاجة متخليهوش يركن

كنت حاطط و اتشال ..
و بصراحه انا مش بحب احطه عشان بيضيق الشارع و بيسبب زحمه ..
و اكيد كل الى هيشوفه هيدعى على الى حاطه الى هوا انا ..

**Mustafa_Farouk** · 19-05-2010 04:49 PM

السلام عليكم،

طب إيه رأيك، تجي نبدل مع بعض، يمكن الموضوع يتغير ؟؟ وكل واحد يرتاح مع عربية التاني؟؟ متفكرشي كتير يا خالد

**KHALED AYMAN** · 19-05-2010 04:51 PM

المشاركة الأصلية كتبت بواسطة mustafa_farouk

السلام عليكم،

طب إيه رأيك، تجي نبدل مع بعض، يمكن الموضوع يتغير ؟؟ وكل واحد يرتاح مع عربية التاني؟؟ متفكرشي كتير يا خالد

هههههههه
ماشى يا مصطفى ..
بس و النبى بقى فول العربيه قبل ما تدهالى هههههههه

**محمد محمد** · 19-05-2010 04:59 PM

ما هو انت لو لابس كت ومبين التراي والباي بتوعك وفاتح سدرك مكنش حد كلمك.
وانت دلوقتي سيد الموقف عايز تغلبه صلحله العربية... وخيركم من يبدأ بالسلام اولا.

الموضوع: اعتزلت السواقه لحين ميسره

LinkBack

أدوات الموضوع

عرض

-

-

-

-

-

-

-

المواضيع المتشابهه

يعنى ايه مواصفات السواقه ؟هى العربيه بتحس بطريقه سائقها فى السواقه

سؤال من مبتدئ في السواقه بخصوص السواقه والعربيه((ليجانزا 2002

سؤال من مبتدئ في السواقه بخصوص السواقه والعربيه((ليجانزا 2002

سؤال من مبتدئ في السواقه بخصوص السواقه والعربيه((ليجانزا 2002

تصريح سير لمدة شهر لحين الاصلاح !

الكلمات الدلالية لهذا الموضوع

المفضلات

المفضلات

ضوابط المشاركة